رواية عائلة آخر جنان الفصل الثامن عشر 18 بقلم مروة طارق
اسراء بترن على مهند الساعة 12 باليل …….. الموبايل معمول صامت وهو ماسك الجيتار بيلعب عليه ………..
محمود بيكلم مريم وبيتفقوا على ميعاد يتقابلوا فيه وبيديها رقمه عشان تكلمه …….
سهر بتفكر تكلم معاذ وبتفتح موبايها وبتتصل تدخل عليها سمر ……..
سمر : سهورتي انتى لسة صاحية
سمر شافت سهر بترمي التليفون ………..
سمر : بتكلمي مين ؟
سهر : مش حد
سمر : مممممممممممممممم
سهر : عايزة حاجة ؟
سمر : ولا حاجة
سهر : طيب يلا روحي اوضتك نامي
سمر : هو انتى ايه رأيك في فريد
سهر : معرفش انا موقفتش معاه
سمر : مممم طيب
سهر : اوعي تكوني
سمر : لا انا اصلا وافقت اني اشتغل معاه عشان اثبت لنفسي انه مجرد واحد عادي في حياتي
سهر : اوعي ياسمر خلى بالك المصريين مخلصين اوي للزوجة الاولانية حتى لو حب واحدة تانية نادرا ما تلاقيه ضحي بالاولى
سمر : حتى لو الاولى دي زبالة
سهر : ملكيش فيه انتى هو حر
سمر : انا عادي بتكلم
سهر : مينفعش تقنعي نفسك بالغلط عشان متقعيش فيه
سمر : طيب وانتى مش بتعملى الصح ليه ؟
سهر : يعني ايه ؟
سمر : انتى مشفتيش شكل معاذ النهاردة ده داااااااااااااايب دووووووووووووب
سهر : ماهو عطاني رقمه عشان اكلمه
سمر : اييييييييوة كده طيب ما تكلميه
سهر : هو انا كنت بفكر اصلي وكنت هكلمه
سمر : يعني هو اللى كنتي هتكلميه صح ؟
سهر : صح
سمر : الله عليا بفهم انا طيب انا هقوم بقى عشان تكلميه وبكرة ابقى احكيلي
سهر : اوك
************************************************
معاذ ماسك تليفونه رغم انه مش عامله صامت الا انه كل شوية يبص فيه ……..
معاذ لنفسه : يعني ايه ممكن تكون مصدقتنيش طيب هي قالت تقريبا برضو هتكلمني وتفكر لا هتفكر وتكلمني قصدي…. انا جرالى ايه ؟…….. طيب هي متصلتش ليه مش فاهم طيب يعني هي ايه مش معجبة بيا ….. ممكن بردو
يقطع كلامه تليفونه اللى رن ……… طلع يجري على التليفون ………….
معاذ : الو ……….. الحمدلله انك كلمتيني ………… بصراحة كنت خايف اوي متكلمنيش ………. طيب زي ما تحبي انا ما صدقت انك اتصلتي ……….. لسة هتفكري ………. بكرة ؟ امتى وفين ؟ …………. تمام ………… فكري براحتك بس انا عايز اقولك اني مبحبش سلمى صدقيني ………… تصبحي على خير .
يترمي معاذ على السرير …………… ويفضل مبتسم ومش عارف ينام من الفرحة ………
*****************************************************
سهر تقف في البلكونة سرحانة وسعيدة جدا ………. مش عارفة هي هتقول ايه بس هتسيب احساسها يتكلم ……….
************************************************
محمود تاني يوم راح لمريم وعمل كل الاجراءات اللى اتطلبت منه في الشئون …..
محمود هو ومريم خلص وراحوا قعدوا في كافيتريا الكلية ………
محمود : اجراءات كتير اوي
مريم : كتير ازاي دي اقل اجراءات اجراءات الدبلومة
محمود : كمان سبحان الله
مريم : ههههههههههه
محمود : بصراحة الحياة في امريكا اسهل
مريم : ااااااه طيب ما ترجع
محمود : ما انا هرجع احنا هنقعد سنة في مصر ونرجع
مريم : والله طيب ترجع بالسلامة
محمود : اقولك على حاجة بصراحة
مريم : ها قول
محمود : انا مبسوط اني هشوفك كل يوم في الكلية
مريم بتبتسم : ميرسي ……… تفتكر ممكن تغير رأيك ومترجعش امريكا
محمود : لا معتقدش الحياة هنا بجد غريبة
مريم : مش غريبة ولا حاجة انت بس مشوفتش حاجة لسة بس الحياة هنا دفا وهدوء وحنان في الجو بيتوزع
محمود : بصراحة انا مش شايف ده خالص
مريم : مممممممممم بص مش هبقى اوفر معاك بس انت بالظبط عامل زي المريض اللى عامل عملية في عينيه ولسة مشالش الرباط
محمود : بمعني
مريم : يعني لما تشيل الرباط هتشوف مصر اللى كلنا بنحبها
محمود : يمكن ولو اني اشك
مريم بتحدي : انا متأكدة
*********************************************************
معاذ قاعد في المطعم مستني سهر ……….. كل شوية يبص على باب الدخول ……….
يبص يشوفها داخلة ……. بتدور عليه ……….. يقوم لها …. يسلم عليها …….. ويشد الكرسي ويقعدها …….. ويقعد قدامها …………
سهر : غريبة
معاذ بيبص على نفسه ويبصلها ………..
معاذ : ايه الغريب في حاجة غلط فيا
سهر : لا اصلك قعدت ادامي مش جنبي
معاذ : هو انا المفروض اقعد جنيك
سهر : لا بس الولد المصري يحب يحس انه مسيطر فيقعد جنب البنت اللى معاه والصح انه يقعد قدامها لما يكونوا لوحدهم مش يقعد جنبها
معاذ : انتى بتهتمي بالتفاصيل دي
سهر : لا بس الموضوع انه احساس اللى معاك كمان يعني في بنات ميحبوش انك تقعد جنبهم وانتوا لوحدكم بس البنت تتضايق جدا لو انكم في قاعدة كبيرة ومتبقاش جنبها
يعني سيبك هي شوية تفاصيل كده بتحبها البنات سمعت بس ان المصريين مش بيهتموا بيها عشان كده معظم علاقتهم فاشلة و جوازهم مش ناجح مبني بس على ان بينهم اطفال مش اكتر
معاذ : انا بهتم اني ارضي اللى معايا وطز في اي بنت تانية
سهر : اوك بهرتني
معاذ : تتغدي ايه ؟
سهر : اطلبلي على زوقك وارضيني
معاذ : اااااااه طيب الحق اروح انا
سهر : هههههههههه لا لا خلاص انا باكل اصلا اي حاجة
معاذ : اوك
سهر : اوك
**************************************************
سمر في مكتبها ………….. فضلت انها تتدرب احسن لان اكيد هيفرق معاها كتير ………
فريد دخل عليها ………….
فريد : يلا عشان تلحقى تدريبك ؟
سمر: اوك انا جاية
تدخل سمر اوضة التدريب تتفاجأ ان فريد هو اللى هيدربهم …………..
فريد : طبعا معظمكم يعرفني بس بالنسبة للى ميعرفنيش انا فريد مدربكم الجديد
سمر تسمع همهمة من كل اللى حواليها وهمس وناس بتقول اول مرة يدرب غريبة اوي دي …..
سمر تتبسط اوي انه هو اللى هيدربها ……………
*****************************************************
سهر : الاكل حلو اوي بس بصراحة مش حلو زي الكشري
معاذ : واااااااااااااااااااااااو
سهر : ايه ؟
معاذ : واضح انك بتتحولى لمصرية يوم بعد يوم
سهر : اشمعنى ؟
معاذ : اصل المصريين مهما اكلوا اكل حلو يرجعوا تاني للفول والفلافل والكشري
سهر : انا عجبني فيه انه بسيط بس مش اكتر
معاذ بيمد ايده على التربيزة ويمسك ايد سهر ……….
معاذ : بسيط زيك ؟ انتى بسيطة واحلى حاجة فيكي بساطتك ممكن تعيشي باي امكانيات وتحسسي العالم ان مفيش زيك
سهر : وانت ؟
معاذ : وانا بحب البساطة بحبها اوي
سهر :هو انت ازاي كنت بتحب سلمى ؟ دي فظيعة
معاذ : يهمك تعرفي ؟
سهر : لو كانت سلمى شخصية عادية مش اووووووفر زيها يعني لو هي شبهك هقول محصلش توافق وخلاص انما
معاذ بيقاطعها : انتى عندك حق
سهر : انا مش قصدي حاجة
معاذ : انا عارف بس تقدري تقولى ان سلمى عنرها ما كانت كده احنا متربين من واحنا صغيرين وكنا جيران ومامتك كمان كانت جارتنا لو سألتيها هتقولك ان سلمي كانت رقيقة وذكية دلوقتي اتحولت خالص بقت بتجري ورا الفلوس باعت حبها وقلبها بالفلوس
سهر : وشغلك معاها دلوقتي
معاذ : مش مأثر معايا في حاجة
سهر : تمام
معاذ : هتديني فرصة ؟
سهر : …………..
معاذ بترجي : ها يا سهر هتديهاني
سهر : اوك
معاذ : اوك ؟
سهر : اوك هديك الفرصة
معاذ بفرحة اكبر : هتديني فرصة ؟ بجد
سهر : اه والله
معاذ بيمسك ايديها يبوسها ……………
معاذ : انا مش هخليكي تندمي ابدا
سهر : اتمنى
معاذ : ان شاء الله
***********************************************
يعدي اسبوع تقرر منار فيه انها تحاول مع اسلام تخرج للعالم من تاني ……….
اسلام يتعلم الاشارات معاها وهي اللى بتعلمه وبتخرج معاه كل يوم بيوريها مكان جديد في اسكندرية ……………
اسراء بتحاول تكلم مهند بس مهند مش بيرد ………….
مروة بتحاول تبعد عن هاني بس هو قرر انه يقربلها ومش ناوي ييأس وعايز يغير فكرتها عنه ومتبصش لاهله ………………
*******************************************************
يدخل ابطالنا في فترة نص السنة واللى عنده امتحانات بيخلصها واللى معندوش بيكمل دروسه …………….
سمر محققة نجاح كبير في مجالها……… وبتقرب من فريد كل يوم بس بتحاول تحكم مشاعرها …………..
سهر قربت اوي من معاذ …………… وحاسة هو قد ايه بيحاول يرضيها ويحسسها بحبه ……
محمد قرب جدا من نورهان ………. ومحتار ازاي هيسافر ويسيبها شكله حبها بجد …….
محمود مبسوط من وجوده جنب مريم بيحب يبقى موجود جنبها وجواه مشاعر متلخبطة مش عارف يفسرها خايف يحبها ومش عايز يظلمها لانه كده كده هيسافر …………..