رواية عائلة آخر جنان الفصل الرابع عشر 14 بقلم مروة طارق
مروة : انت بتهررررررررررررررج انت ازاي تكلمها في حاجة زي دي
مهند : اهدي يا مروة هو مغلطش
مروة : مغلطش ازاي يعني ؟ هو ماااااااااااااااله ؟
مهند : لا له لاننا سمحناله يدخل حياتنا وانا وانتى وهي اعتبرناه صديق
مروة : انا قايمة رايحة لمنار دلوقتي
قامت مروة من غير ولا كلمة
اسلام : انا بجد اسف والله اسف انا مكنتش اعرف انا اتكلمت عادي كنت بفكر بس مع منار
مهند : انا هحكيلك ايه اللى حصل لمنار خلاها كده بس اوعدني ان ععمرك ما هتكون سبب تتأذي بيه
اسلام : اوعدك
مهند : الموضع يا سيدي انها كانت هي وساندي صحاب اوي اكتر من اخوات
اسلام : مين ساندي
مهند : كانت صاحبة منار
اسلام : وبعدين ايه اللى حصل
مهند : اللى حصل …..
فلاش باك
منار : ما تيجي نروح عندنا بقى ومتبقيش رخمة
ساندي : لا بابي جاي النهاردة وانا عايزة الحق اقعد معاه ده واحشني اوي
منار : طيب يلا عشان احنا اتأخرنا اوي والمدرسة تقريبا فاضية واحنا اخر ناس
تمشي منار وساندي ويدخلوا لطرقة كبيرة في المدرسة فيها خزائن للطلبة يوصلوا لسلم المفروض يطلعوا عليه عشان يخرجوا برة المدرسة وهما طالعين يسمعوا صوت في الاوضة اللى جنب السلم صوت خفيف ………
منار : انتى سمعتي ؟
ساندي : ايوة بس يلا بينا احنا اتأخرنا
منار : استني نشوف مين في الاوضة دي
ساندي : لا بلاش انا بخاف
منار : يا بنتي يلا بس
منار تقرب من الاوضة تسمع اصوات مش عارفة تميزها …….
ساندي واقفة خايفة اوي ………….
ساندي بهمس : يلا بينا نمشي بقى
منار : شششششششششششش
ساندي : يلا اااا يا منار بقى
منار : دي اليكس وشلتها بيدخنوا مخدرات
يتفتح فجأة الباب …… وتطلع خمس بنات في سن المراهقة ………. واحدة تمسك منار وواحدة تمسك ساندي ………
تقرب واحدة فيهم من منار ………….. وتتكلم بالانجلش
اليكس : دايما انتى دايما انتى انتى مبتحرميش ؟
منار بجرأة : واحرم من ايه انتى اللى بتقعي في طريقي على فكرة صدفة
اليكس ببرود : مفيش حاجة اسمها صدفة
اليكس تروح لساندي : وانتى جبااااااانة اوي بردو بشوفك دايما في سكتي ياتري بردو صدفة ؟
ساندي بتعيط وبتترعش وهي خايفة اوي ………
اليكس تمد ايدها وتضرب ساندي بالقلم ……….
منار : متلمسيهاش يا حيوانة
البنت اللى ماسكة منار تشدها من شعرها جامد عشان منار تسكت ……
اليكس : مين هيمنعني انتى ؟ انا ممكن اقتلها قدامك هنا وانتى ضعيفة مش هتعملى حاجة
منار بتحدي : مش هتقدري
اليكس : مين هيمنعني ؟
منار محتارة تقول ايه بس افتكرت ايمانها بربنا وهي لسة بنت 14 سنة باباها كل يوم بيعلمها شئ من دينها وايمانها بربنا بيقوى كل يوم ………. منار قالت اللى هي مؤمنة بيه
منار : ربنا
اليكس : اه انا نسيت انكوا مسلمين وكمان مصريين
قربت اليكس اوي من منار ومسكت بايديها وشها كله ………..
اليكس : بتقولى ربنا انتوا المسلمين الارهابين متعرفوش ربنا كل تفجيرات اللى بتحصل في العالم بسببكم انتم , بابايا مات في العراق , وسام ابوها مات في احداث 11 سبتمبر انتوا ارهابين كلكم ارهابين
منار : احنا مش ارهابيين مش ارهابيين احنا مسلمين بس مش ارهابيين
اليكس : سام اعملى اللى انتي عايزاه في ساندي
اليكس تبص للبنت اللى ماسكة منار وتغمزلها ….. وتبص لمنار ………
اليكس : صرخي عايزة الناس تسمع صوتك
سام تشد ساندي من شعرها وتجرجرها على الارض …….منار تبتدي تصرخ وهي واثقة انها هتتسمع لانهم جنب الشارع فأكيد في حد هيسمعها بس البنت اللى مساكاها تكتف ايديها وتيجي بنت تانية تحط ايديها على بؤها ………….
سام بتضرب ساندي نزلت عليها بقيت بتضربها بالقلم وتشدلها شعرها ……..
وتقومها تمسكها اليكس وتفضل سام تضربها في وشها وتضربها بالرجل في بطنها …..
منار بتحاول تخلص نفسها او تصرخ اجمد وابتدت تعيط بس مش عارفة ………….
تيجي البنت التالتة توقع ساندي ويفضلوا التلاتة يضربوا فيها برجلهم لمده عشر دقايق بيضربوها لحد ما بطلت ساندي حركة خالص ……..
البنت اللى مكتفة منار ………. سابتها وراحتلهم مسكتهم تمنعهم عشان يبطلوا لحد ما وقفوا ضرب وبصوا لساندي لقوها مبتتحركش …………
بنت من البنات : هنعمل ايه شكها ماااااااااااتت شكلهااااااا ماتت
اليكس : اخرسي اخرسي
سام : ياربي هنعمل ايه دلوقتي
اليكس تروح لمنار وتمسكها من شعرها وتقعد تخبط راسها في الحيطة لحد ما منار يغمي عليها ………ز سام تروح تمسك اليكس ………..
سام : انتى بتعملى ايه ؟
اليكس : لازم تموت هي كمان والا كلنا هنروح في داهية
يسمعوا صوت جاي من فوق السلم ………
سام : يلا نجري في حد جاي
ياخدوا البنات شنطهم ويسيبوا منار وساندي غرقانين في دمهم ……….
*******************************************************
مهند : ساندي كانت حالتها اسوأ بكتير من منار منار كان جرح راسها بسيط ومكنش في شرخ او نزيف او اي حاجة بس ساندي كان عندها كسر في القفص الصدري ونزيف في المخ وشرخ في الجمجمة مستحملتش اسبوع وماتت ومنار مبتتكلمش من وقتها لاحساسها بالذنب من ناحية ساندي
اسلام : بس هي معملتش حاجة ليه تشيل ذنبها
مهند : لانها اصرت تشوف مين في الفصل وبيعملوا ايه ؟
اسلام : مش معقول مفيش انسانية كده
مهند : الكويس في الموضوع ان اسطورة اليكس وعصابتها انتهت من المدرسة بعد الحادث ده لانهم قبضوا عليهم بعد ما منار اتعرفت عليهم طبعا
اسلام : انا … ااه ….. مكنتش ….. اعمل ايه انا لازم اصالح منار
مهند : مش عارف شوف انت طريقة ولازم نروح بقى انا عايز اطمن عليها
اسلام : ماشي يلا بينا
**************************************************
مروة تدخل جري على منار ………. تلاقي منار بتعيط ……..
مروة : منار حبيبتي انتي كويسة
وتاخدها في حضنها ………
منار : اااه …ا .. ااااااا …..
وتعيط اكتر لانها مش عارفة توصف هي حاسة بايه ……….
مروة : اسلام حكالنا اللى حصل متضايقيش نفسك يا حبيبتي
منار تفضل تعيط اكتر ……………..
****************************************************
تاني يوم ……… الكل قاعد على الفطار ……. ماعدا منار ………..
ناهد : مروة فين منار ؟
مروة : نايمة …… اص … اصلها منامتش امبارح كانت سهرانة بس
سهر بتبص لسمر وبتضحك ….. سمر بتخبط سهر في رجلها من تحت الترابيزة ….
بعد الفطار خالد ياخد ناهد وكل واحد يروح لشغله …… محمود ياخد محمد ويطلعوا على الجامعة ……….. وسمر بتجهز نفسها عشان تروح لفريد وهي بتقدم رجل وتأخر التانية ….. في النهاية تلبس وتروحله ………
وهي هناك واقفة تحت العنوان اللى معاها شوية تمشي ناحيته وشوية ترجع تاني …….
سمر لنفسها : ايه الهبل ده ايه اللى انا بعمله ده انا اتعبطت ولا ايه ؟ يلا جمدي نفسك وادخليله قصدي اطلعي يلا ……. لا بس لما بشوفه ببقى فرحانة كده وببقى مش عايزة اسيبه وده غلط ده متجوز…… يخربيتك وانتى شوفتيه غير مرة واحدة اصلا انتى مالك بقيتي هطلة فجأة كده ليه يمكن شئ عادي يعني يلا اطلعي واتشجعي …
تطلع سهر وتكلم السكرتيرة وتقولها انها عندها ميعاد ……….
تدخل السكرتيرة ……… سمر مترددة تقعد ولا تمشي تقعد ولا تمشي تيجي تمشي …… تطلع السكرتيرة وتقولها تتفضل تدخل ………
تدخل سمر تلاقي فريد على وشه ابتسامه واسعة ويقوم يرحب بيها بنفسه ……..
فريد : يا اهلا يا اهلا وسهلا والله المكتب والمجلة كلهم نوروا
سمر : غريبة انا كنت فاكراك بيزنس مان يعني بس انت هنا من الصبح
فريد : انا بحب شغلى الاصلي اكتر
سمر : شغلك الاصلي ؟
فريد : ايوة اصل انا …… بقولك ايه انتى فطرتي
سمر : انا … اه …..
فريد : لا شكلك مفطرتيش يلا قومي معايا هنروح نفطر وندردش مع بعض شوية
سمر : لا انا فطرت فعلا
فريد : طيب يا ستي انا مفطرتش وجعااااااااان جدا واول ما شوفتك نفسي اتفتحت هتيجي بقى تفتحي نفسي ولا اروح لوحدي ونفسي تتسد
سمر : يا ساتر يارب جعاااااااااان وانا بفتح نفسك خلاص هجي افتح نفسك وامري لله
فريد ك طيب يلا
وياخد الجاكيت من عالكرسي يلبسه ………ز ويطلع يقول للسكرتيرة انه خارج يفطر ….
وياخد سمر وينزل ……..