رواية حبل الوريد الفصل الرابع والعشرين 24 بقلم ياسمين عادل
~~ حبل الوريد ~~
(( الفصل الرابع والعشرين ))
_ ورغم إدعائها الثبات وإخفاء رجفتها منهُ ببراعة.. إلا إنها شعرت بالندم الشديد على فعلتها المتسرعة والحمقاء تلك..
رمقها بنظرات مشتعلة ، وابتعد للخلف وهو عالقًا بأنظاره القاتلة عليها .. حتى خطر على ذهنهُ تأديبها في الحال،
أستدار بجسده فوجد كل من المهندسين ورجال حراستها يقفون لمشاهدة ما يحدث .. فغلى رأسه أكثر ،
أنتقل نحوهم مندفعًا وسحب هذه اللوحات الهندسية ومزقها أربًا أربًا وهو يهتف :
– مفيش مشروع ، أنا مش موافق على مشروعك ..
والمشروع اللي انا عايزهُ هو اللي هيتم ورأيك ده آخر حاجة هاخد بيها
كارمن وقد فغرت فاهها بذهول : هــه !
ريان بلهجة متوعدة : أنا هعرف أزاي أوريكي
_ نثر بقايا اللوحات في الهواء ، ثم أنطلق مسرعًا نحو سيارتهُ .. ومازال صدرهُ محترقًا على أثر إهانتها له ، بينما أطرقت هي رأسها بندم حقيقي .. عضت على شفتيها بحرج وهي تستعيد المشهد في ذاكرتها ، فتنهدت بسئم وهي تردد بصوت خفيض :
– إيه بس اللي انا هببتهُ ده ! أنا مكنتش أقصد وهو اللي زودها معايا !
_ تأففت بضجر ثم تابعت :
– وبعدين مش هو اللي عايز المصنع ! أنا ذنبي إيه .. أوف ؟