رواية القلب من يختار الفصل الخامس 5 بقلم زينب محروس
رواية القلب من يختار الجزء الخامس
رواية القلب من يختار البارت الخامس
رواية القلب من يختار الحلقة الخامسة
كانت واقفة مع والدتها في المطبخ فدخل اخوها وقال:
_ عرفتي اللي حصل يا سوسو؟
سألته باستغراب:
_ ايه الحماس ده؟ حصل ايه؟؟
رد اخوها بتوضيح:
_ هشام اتقبض عليه، واتقبض على راجل الأعمال وائل الدمياطي بتهمة تجارة الممنوعات وتخيلوا مين اللي وقعهم؟
_ مين؟؟
_ مروان أبو النور باتفاق مع الشرطة، عمل كمين واندس وسط العصابة وجمعهم كلهم في عرض أزياء، وفي وقت إتمام الصفقة اتقبض عليهم.
كل مواقع التواصل كانت بتتكلم عن الحدث الكبير اللي احدث ضجة كبيرة، وطبعًا الشاب التلاتيني الاعزب مروان أبو النور هو بطل الحدث وصوره منتشرة بين كل الصفحات الإخبارية وبعض الصفحات الشخصية اللي بتمدح في وسامته وشجاعته.
اتصلت فورًا على طارق عشان تطمن عليه، فقالها إنه كويس ومحصلش اي اشتباك أصلا، ولو كانت انتظرت ثواني كان هو هيتصل عليها عشان يطلب منها تقابله ضروري.
كانوا قاعدين في كافيه ومستنين قهوتهم، فمد طارق إيده بشنطة هدايا فيها الفستان اللي هي لبسته لما زارت شركتهم.
فقالت سلمي باستغراب:
_ مش ده فستان العرض الرئيسي؟ انا شوفت الكولكشن بتاعكم دا مكنش موجود!!
ابتسم طارق وقال بإعجاب:
_ لما شوفت الفستان قد ايه كان حلو عليكي حلفت إن محدش يلبسه غيرك، حسيت إنه مش هيبقى حلو على بنت غيرك أصلًا.
ابتسمت سلمي بحب، وقالت بإعجاب واضح:
_ على فكرة أنا انبهرت لما عرفت إنه من تصميمك وعلى الرغم من إنه عاجبني بس مقدرش اخده.
_ ليه يا سلمي؟
_ مقدرش اخده دلوقت، استني اجيبلك هدية الأول.
_ لاء طبعًا أنا مش بعطيكي الفستان بدل، أنا حابب إنك تاخديه عشان انتي بتحليه، وبعدين أنتي منحتيني أكبر واغلى هدية بدون ما تاخدي بالك.
سألته سلمي باستغراب:
_ عملت ايه أنا؟
ابتسم طارق بارتياح وقال:
_ مروان اخويا اللي ميعرفش الغلط رجعلي تاني.
_ يعني هو فعلاً كان شغال في الموضوع ده؟
_ من فترة الشركة بتاعتنا اتعرضت لخسارة كبيرة وكنا خلاص هنعلن إفلاسنا وعشان خاطر ينقذ الشركة أجبره وائل أنه يشتغل معاه في تجارته المشبوهة، بس بعد اللي حصل معاكي انا حكيت له المعاناة اللي انتي مريتي بها، ولأول مرة بدأ مروان يدرك خطورة اللي بيعمله، وعشان كدا اتفقنا احنا الاتنين مع واحد صاحب جدي شغال في مكافحة المخدرات.
حاولت إنها ترفض الفستان مؤقتًا بسبب خجلها، لكنه قدر يقنعها لما قال إنها تقدر تهاديه لو لبست الفستان في حفلة عيد ميلادها، ولما يجي عيد ميلاده هي وقتها تقدر تجيب له هدية.
كانت مع صحابها في الكلية وقت ما رن عليها طارق وعرفها بموضوع الكورسات اللي شركتهم بتقدمه للطلبة فكانت خايفة تروح بسبب أخوه، لكنه طمنها إن مروان يبان قاسي لكنه شخص طيب، قانتهزت الفرصة لأن سعر الكورسات غالي برا ودا هينفعها كتير في شغلها بعد التخرج.
تقصدت سلمي إنها تختار نفس اللغة اللي بيتقنها طارق عشان تمارس اللغة معاه، ويبقى عندها حجة إنها تكلمه في أي وقت بدون إحراج ولو بحجة إنها بتستفسر عن معلومة.
اول يوم ليها في الكورس تفاجأت بوجود مروان اللي قعد على الكرسي جنبها، وقال بمشاكسة:
_ اخبارك ايه يا سوسو؟
كان مستني منها التكشيرة اللي اتعود عليها، لكنها المرة دي غيرت أسلوبها وابتسمت بخفة:
_ الحمدلله بخير، أنت اخبارك ايه يا مستر مروان؟؟
_ معقول انتي سلمي ولا انا بتخيل؟!! فين أسلوبك العدواني!!
_ لاء مش بتحلم، اعتقد مفيش سبب دلوقت عشان أعاملك وحش!
_ يعني نقدر نبدأ صفحة جديدة؟؟؟
ردت عليه سلمي بمرح:
_ لو مش هتفكرني معجبة بيك، يبقى نبدأ كتاب جديد مش بس صفحة.
★★★★★★
بما إنهم بدأوا صفحة جديدة فعزمها مروان على عرض ازياء خاص بالشركة، لكنها رفضت بشدة واتحججت إنها مش فاضية بس الأمر اختلف لما عدت على طارق في المصحة وطلب منها تحضر عرض الأزياء عشان تشوف تصاميمه الجديدة، وهي وافقت بدون إلحاح.
والمرة دي أفراد عيلة ابو النور كانوا موجودين واتعرفت عليهم سلمي بواسطة طارق اللي قدمها كصديقة له، والحركة دي زعلت مروان جدًا لأنه حس إن سلمي رفضته هو بدل ماترفض عزومته.
ولما اتجمع الصحفين حوالين طارق وسألوه عن سر إبداعه المتضاعف في التصاميم الجديدة، قدم لهم سلمي وقال إنها مصدر إلهامه.
اتحرك طارق مع أخوه يتكلموا مع شركائهم، فقربت منها والدتهم اللي قالت بتلميح:
_ عملتي ايه في طارق يا سوسو! لأول مرة يظهر للإضاءة والكاميرات وأنتي اول واحدة اتكلم عنها وحب يظهرها في حياته للناس.
سألتها سلمي بتعجب:
_تقصدي ايه يا طنط؟
_ فكري انتي بقى وشوفي طارق حابب يوصل ايه ولمين؟!!!
طول الليل وهي بتفكر في جملة والدتهم، والاستنتاج الوحيد إنها مميزة بالنسبة لطارق!!!
زي كل سنة أهلها جهزوا احتفال بعيد ميلادها وهي طلبت من والدها تعزم طارق وعيلته وهما رحبوا جدًا وخصوصًا إنهم بقوا على علم بمساعدة طارق لسلمي.
لبست الفستان اللي صممه طارق، وعملت تسريحة شعر أنيقة وحطت مكياج بسيط برز ملامحها اللطيفة، وبالرغم من إنها مش المرة الأولى يشوفها فيها لكنه كان منبهر بجمالها وكأنه بيشوفها للمرة الأولى!!
قربت من المعازيم وسلمت عليهم واتصورت مع صحابها، وفى نص الاحتفال تفاجأ الجميع بحضور والدة هشام اللي قلبت التورتة والمشروبات على الأرض ولامت سلمي انها السبب في اللي حصل لابنها، وعنفتها عشان هي عايشة ومبسوطة وهشام مسجون وشبابه ضاع!!!
وانتهت الحفلة بشكل سيء، لكن طارق اكيد مش هيعدي اللي حصل وميعملش حاجة!
حاول مروان إنه يتكلم معاها بعد الكورس لكنها تحججت بالمذاكرة وسابته ومشيت، ولتاني مرة غيرت كلامها بعد ما شافت طارق اللي انتظرها قدام عربيته، فجريت عليه وسألته عن سبب وجوده، فقال بحب:
_ اركبي الأول وهتعرفي.
ونظرًا لأن دا كان وقت شغله في المصحة، فقرر يكون الاحتفال بعيد ميلادها في المصحة وسط الناس اللي اشتغلت معاهم فترة وكانت بتحبهم وهما كمان حبوها بمن فيهم الحالات!
وبصراحة هي تبان فكرة مجنونة وغير مناسبة لكن سلمي كانت سعيدة وحبت الفكرة لأنه رغبة طارق في إسعادها كانت سبب في الترفيه عن الحالات ولو لبعض الوقت.
والمفروض إن عنده مفاجأة اكبر من كدا، لكنه قبل ما ينطق كان وصل مروان اللي طلب يتكلم مع سلمي واخدها لمكتب طارق عشان يتكلموا على انفراد، فقال بدون مقدمات:
_ أنا عارف انك بتهربي مني، بس أنا بجد بحبك وعايز فرصة.
الجملة دي سمعها طارق، وكانت كفيلة عشان تهد كل مخططاته وأحلامه واعترافه لسلمي بحبه اللي لولا وصول مروان كان زمانه اعترف لها بحبه وطلب منها الجواز!!
اعتذرت سلمى من مروان ومهدت رفضها بإنه شخص كويس فعلاً بس بيظهر للناس عكس كدا، وهي شخصية اتربت على الحنان وبتحب الحنان والاحتواء وبسبب كدا هي وقعت في حب الشخص اللي شافت