رواية هوس مجهول الفصل السادس 6 بقلم ڤونا
لو سمحت معلش ممكن اعمل مكالمة أبوس ايدك.
بصلي بتعاطف وعطاني الفون وهنا رنيت علي يوسف.
_ ألو
ـ أيوة يا يوسف أنا مريم.
اتكلم بلهفة_ مريم أنتِ فين وايه اللي حصل.
عيطت_ هبقى احكيلك بعدين بس تعالى الحقني قبل ما چون يوصلي أرجوك.
ـ اهدي اهدي وقوليلي أنتِ فين.
عيطت أكتر_ مش عارفه.
ـ اهدي طيب ولو حد جنبك خليني أكلمه.
بالفعل اديت الفون لصاحب المحل وكلمه وقاله العنوان ويوسف قاله نص ساعة بالكتير وهيبقى عندي.
خلص المكالمة وحاول يهديني حتى جابلي أكل وعصير بس أنا مكانش ليا نفس خالص.
_ اهدي طيب،طب قوليلي حد كان بيضايك ولا ايه.
كنت بعيط وبس لغاية ما سمعت صوت سببلي رعب!
ـ بتضربيني وتجري يا مريم.
بصيتله برعب وأنا ببعد وبقف ورا صاحب المحل.
كنت بتكلم برعب_ ابعد عني ابععععد.
كان باصصلي بشر وقرب مني بس صاحب المحل وقف قصاده.
_ ما قالتلك ابعد.
بصله چون بعصبية وفجأة ضربه جامد خلاه وقع علي الأرض.
بعدين بصلي بشر وبدأ يقرب مني!
_ أنتَ مجنون يا چون، مجنووووون!
أنا مستحيل أبقى ليك.
طلع من جيبه مسد*س وحطه علي دماغي.
ـ لو مش هتبقي ليا،مش هتبقي لغيري.
لمتابعة باقي الرواية زوروا قناتنا على التليجرام من هنا