رواية كانه لم يكن الفصل الثالث 3 بقلم مها أسامة
رواية كانه لم يكن الجزء الثالث
رواية كانه لم يكن البارت الثالث
رواية كانه لم يكن الحلقة الثالثة
وفاء : بصراحه أنا فى حاجه عايزه اقولهالك بس متزعليش منى أنتى صاحبتى ولازم انصحك
جميلة : تنصحينى بايه
وفاء : جلال مش شبهك أنتى انسانه كويسه وقلب نضيف لما بتحبى بتحبى بجد اللى زى جلال ده ميعرفش الحب
جميلة لم ترد تنتظر أن تكمل حديثها
وفاء : جلال كان بيجى هنا كل يوم مع بنت الصراحه أنا شوفته مره كنت مع صلاح وبعد كده صلاح شافه وقالى اقولك بس مكنتش بعرف اوصلك طبعا
جميلة لم يصدر منها أى رد فعل فلم يعد مهم بالنسبة لها فأخيرا خرج من قلبها وعقلها
وفاء : ساكته يعنى .. مش مصدقانى ؟!
جميلة : لا مصدقاكى بس احنا سبنا بعض وأنا جايه هنا عشان أفك مش هنقضى القعدة كلها نتكلم عن ماضى صح ولا ايه ؟!
وفاء : غريبه !!
جميلة : أنا عايزه اتمشى شويه
وفاء : ماشى يلا بينا
وفى أثناء المشى قالت جميلة : أنا جعانه
وفاء : وأنا كمان ريحه الفسار السخن فتح نفسى
جميلة : لا فشار ايه أنا نفسى فى ساندوتش برجر
وبالفعل ذهبو وكلبو ساندوتشين برجر
جميلة وهى تاكل : أنا بقالى فتره نفسى مش مفتوحه على الاكل كده .. أنا هطلب واحد كمان اطلبلك معايا
وفاء : لا مش قادره اخلصه وكمان مش عايزه اتخن مفيش فستان عايز يدخل فيا
جميلة : اه صح أنا نسيت اسالك أنتى خلصتى حاجاتك ولا لسه
وفاء : لا لسه ورايا حاجات كتير
جميلة : خلاص أول منخلص نروح أنا وأنتى نخلص كام حاجه كده ومفيش مشكله لو خرجنا كل يوم
وفاء : حبيبتى والله مش عارفه اشكرك ازاى
جميلة : تشكرينى على ايه بس .. أنا فاضيه ومش ورايا حاجه .. أول حاجه هنروحها محل فساتنين الزفاف أنا اعرف محل كويس جدا
*********
داخل محل فساتين الزفاف
وفاء : بصراحة كلهم حلوين أنا محتاره اختار مين فيهم
جميلة : بصى الفستان ده شكله عجبنى اوى
وفاء : حلو اوى فعلا بس يارب يدخل فيا
جميلة: روحى قسيه وان شاء الله يبقى مقاسك
وفاء دخلت البروفه ومعها صاحبه المحل تساعدها فى اللبس
جميلة تنتظرها فى الخارج : ها ايه الاخبار ؟
خرجت وفاء وهى ترتدى الفستان الابيض : ايه رأيك ؟
جميلة : تحفه بجد ومظبوط عليكى
وفاء تنظر لنفسها فى المرآه بفرحه : عجبنى برضو اوى
التفتت تسأل صاحبه المحل : ينفع اصوره ابعته لخطيبى ؟!
ردت : للاسف ممنوع التصوير ممكن يشوفو لما يجى يدفع
وفاء : ماشى .. هرن عليه دلوقت يجى
اتصلت به واخبرته ان يأتى ليدفع تمن الفستان
وفاء موجهه حديثها لجميلة : هيجى بس هيأخر شويه
جميلة : طيب تمام نلحق نختار الطرحه والتاج ليقين على الفستان قبل ميجى
وفاء : لما يجى صلاح يشوف الفستان الاول
جميلة : مينفعش العريس يشوف الفستان غير يوم الفرح بيقولو فال وحش
وفاء : لا وعلى ايه بلاش احسن
اختارت جميلة معها الطرحه والتاج ودخلت وفاء مسرعه تغير الفستان ومعها صاحبه المحل وفى هذه اللحظه جاء صلاح
صلاح : ايه ده جميلة ازيك !
جميله : الحمد لله تمام وانت اخبارك
صلاح : انا كويس الحمد لله .. ايه يابنتى مختفيه أنتى وجلال يعنى
جميلة بابتسامه مصطنعه : طيب هروح استعجلك وفاء من جوه
خرجت وفاء قال لها صلاح : فين الفساان مس لبساه يعنى ؟
وفاء : لا طلع فال وحش انك تشوفنى بيه قبل الفرح
صلاح : امممم .. طيب المهم عجبك
وفاء بفرحه : اه اوووى
صلاح : خلاص على بركه الله
ودفع فلوس الفستان وقال لها بصوت منخفض : مبروك ياعروستى
وفاء ابتسمت خجلا : الله يبارك فيك
اتمشو صلاح بجوار وفاء وبجانبهم جميلة
صلاح : عقبال منفرح بيكى ياجميلة
جميلة بابتسامه : إن شاء الله
صلاح : جلال مش باين يعنى مش بشوفو ؟!
وفاء : سابو بعض
صلاح : احسن والله ..جلال مكنش كوبس ولا شبهك ده تحمدى ربنا والله
جميلة : ايوه الحمد لله
ثم وجهت حديثها لوفاء : لو انتو خارجين اسيبكو أنا ونكمل بكره مش عايزه ابقى عزول
وفاء : عزول ايه بس .. أنا من غيرك مكنتش هعرف اخلص كل ده .. أنتى جايه معانا ناكل حاجه وبعدها نروح
جميلة : لا حبيبتى اسيبكو أنا .. ونكمل بكره
وفاء : لا مش كفايا متعباكى اليوم كله معايا
صلاح : ايوه ياجميلة مينفعش
جميلة : لا معلش مره تانيه
واستأذنت وتركتهم وذهبت لمنزلها وكانت كل يوم تخرج مع وفاء لمده اسبوع وانتهوا من شراء جميع الطلبات
جميلة : بصى بقى احنا كده خلصنا كل حاجه مش فاضل غيرك
وفاء : ازاى
جميلة : يعنى شويه دلع كده تفكرى فى نفسك بقى مفضلش غير اسبوع على الفرح .. نحجز انا وانتى مسكات وبادكير وشعر والحاجات دى أنا محتجاها جدا هههههه
وفاء : اه والله ياريت
ذهبو ليحجزو وهما فى طريقهم طلبو ساندوتشات بطاطس يأكلوها فى الشارع
وفاء : أنا بقالى كزا يوم كده حاسه فيكى حاجه
جميلة : أنا ! .. ليه بتقولى كده ؟!
وفاء : حاسه عايزه تقولى حاجه ومتردده صح ؟!
جميلة : بصراحه اه .. بس قولت لنفسى مش وقته أنتى مشغوله فى فرحك والتجهيزات
وفاء : تصدقى بقى أنا زعلانه منك .. تجهيزات ايه وفرح ايه .. احنا بنقضى اليوم كله بره مع بعض وحتى ولو هسمعك حتى لو فرحى بكره .. حتى لو فى الفرح نفسه
جميلة حكت لها كل شئ يخص مصطفى
وفاء : بتحبيه ؟!
جميلة : بصراحه لما قعدت مع نفسى الفتره الاخيره وراجعت كل حاجه بينا اكتشفت ان بحبه من زمان بس مكنتش واخده بالى .. يمكن مكنتش حابه نقرب من بعض خوفت نبعد فحبيت علاقتنا تبقى صداقه وبس عشان يفضل معايا على طول وللاسف مكتشفتش ده غير متأخر
وفاء : وهو يعرف الكلام ده ؟!
جميلة : لا أنا زعلتو منى اخر مره .. ومش عارفه اوصلو من ساعه متلفونى باظ زى مقولتلك
وفاء : متعرفيش اى مكان بيروحو .. انتى مش قولتى صح انكو كنتو بتشتغلو مع بعض روحيله الشغل
جميلة : روحت وقالولى ساب الشغل
وفاء : وهتوصليلو ازاى .. متعرفيش الفيس بتاعه ولا الانستا ولا اى حاجه خالص
جميلة : لا عارفه بس مش حابه
وفاء : ليه
جميلة : خايفه يكسفنى ..
وفاء : جربى مش هتخسرى حاجه
جميلة بهزار : طيب خلينا بس فيكى دلوقت ولما تتجوزى ابقى اشوف الموضوع ده
وفاء بضحك : لا مانا هتابع معاكى مش هسيبك
جميلة : والله هتوحشينى … أنا مبسوطه أن بقضى وقتى كله معاكى بعد كده مش عارفه هعمل ايه بفكر ارجع الشغل تانى
وفاء : ومين قالك ان هسيبك لما هتجوز أنا هفضل معاكى .. انا كمان هتوحشنى الايام دى مع انها مرمطه بس حباها عشان معاكى
حضنو بعض فى الشارع
جميلة بهزار : الناس هيقولو ايه ههههه
وفاء : احنا نمشى عشان بيبصو علينا ههههه
واتمشو شويه وقبل ان يودعو بعضهم
زكرتها جميله بمعاد الحجز غدا الساعه الثالثه عصرا
وفى اليوم التالى
ذهبت جميلة ووفاء فى معادهم