بقلم:- أسماء أبوشادي Ana Amera Habeby
___________________________________________اللهم صلي وسلم وبارك على سيدنا محمد وعلى آله وصحبه أجمعين
بتمر الأيام وتفوت
وحبك جوايا مستحيل يموت
هنعيش ونتحمل مع بعض ونتشارك نتألم ونفرح
المهم مع بعضنا
أنت وعيلتي وأنا
هو دا الترتيب عندي. أنت أهم وعيلتي أهم وبعدين انا ومش مهم أنا خالص طلاما أنتوا بخير
فات شهر على ابطال مملكة العشق
في شركة نور عز
سما قررت تروح الشركة لنور وتتكلم معاه هناك. طلاما مش عارفة تتكلم معاه في البيت
سما بتوتر / أستاذ نور موجود
السكرتيرة بترحيب / أهلا بشمهندسة سما. أيوة موجود اتفضلي
ابتسمت سما بأصطناع وخبطت ودخلت لما سمعت صوت نور / أدخل
سما بتوتر / سلام عليكم
نور اتفاجئ من وجودها في الشركة وقام وقف / انتي جيتي هنا أزاي
سما / يعني جيت أزاي. بالعربية
نور بحدة / وازاي تخرجي من غير أذني والبهايم اللي على البوابة والسواق ماحدش بلغني ليه
سما بضيق / لأن أنا طلبت منهم كدة. وقولتلهم هعملك مفاجئة وخرجت زي مابخرج دايما بسواق وحراسة يعني لا أنا ولا هما خالفنا اوامرك
نور ببرود / وجيتي هنا ليه. ليه مصرة تعيشي دور الزوجة اللي بتحب جوزها وعايزة تفاجئه وتفرحه