صلوا على خير الأنام ♥️♥️
+
—————-☆☆☆☆☆☆
+
قد مر يومان على الأحداث السابقة، لازالت الأوضاع كما هي لا جديد يُذكر فقط هدوء ما قبل العواصف،
+
مع غروب الشمس في تلك الدولة الباردة، اجتمع الفريق الاستخباراتي في مكان سري سبق وتم تجهيزه لمثل تلك الاجتماعات الخاصة، سيف جالس على كرسي مكتب دوَّار يهتز به بهدوء بينما يغمض عينيه وملتزم الصمت، مالك مُمد على إحدى الأريكات يُعلن ملله من كثرة الانتظار، أما أكثرهم تحفزًا كانت العميلة ” ٢٦ ” تمسك الهاتف وتحركه بسرعة بين يديها كأنه تستدعي رنينه الآن…
+
_” وقفتك مالهاش لازمة ” قالها سيف بهدوء ومازال يحاوط عينيه بذراعه في وضع النوم…
+
ردت ” لمار ” تكشف عن مخاوفها من جديد:
_” فات وقت كتير يبقى مش هيرد، وممكن شَكّ كمان، انت خاطرت جامد لما اتواصلت معاه من حساب ” آنا ” مع اننا عارفين إن مفيش بينه وبينها تواصل سابق أصلًا، ده غير أنها أكيد شكت فيك هي كمان مش معقول ظهرت لها ليلة واختفيت كدة ”
+
فتح سيف عينيه ببطء، ثم قال بنبرة عملية:
_ ” كان لازم نجرب….. خلينا نفكر بالعقل، ” آنا ” كانت تحت تأثير الدوا اللي حطيته في العصير ومستحيل لما تفوق تفتكر ايه اللي حصل بينا… وأكيد ماكذبتش في أي معلومة قالتها، هي أكدت إنها سمعت اسم عماد يونس أكتر من مرة أثناء الاجتماعات، وإنهم كانوا بيبعدوا تواصله عنها عمدًا كسياسة مُتبعة في المنظمة لمنع الاتحاد الشخصي بين الأعضاء “