رواية اوجاع القلوب الفصل الثاني 2 بقلم ميادة يوسف الذغندى حصريه في مدونة قصر الروايات
#_المشكلة_التانية
#_رواية_اوجاع_القلوب
#_بقلم_ميادة_يوسف_الذغندى
المشكله التانية
بين قلبين وطريق مسدود
كنت فاكرة إن الحب لما ييجي، ييجي واضح…
ما كنتش أعرف إن في حب ممكن ييجي متلخبط، موجع، ومليان ذنب.
عندي خمس وعشرين سنة، ولسه قلبي كان طري، سهل يصدق، وسهل يضيع.
قابلته من غير ما أخطط، ومن غير ما أحسبها.
كان متجوز… بس الغريب إن عقلي شال الكلمة دي من دماغي، كأنها مش موجودة، كأنها تفصيلة ملهاش لازمة.
حسيت إنه بتاعي.
ضحكته، كلامه، اهتمامه… كل ده خلاني أنسى الواقع.
الدنيا بقت هو، وأنا.
وبس.
قربنا من بعض بسرعة تخوف.
بقيت أصحى وأنام على صوته، وأخاف من فكرة يوم من غيره.
كنت بحبه، حب يوجع، حب يخلي الواحد أعمى.
لحد ما الدنيا قررت تصحيني بالعافية.
أهلي عرفوا.
الفضيحة نزلت على دماغي زي صخرة.
كلام، زعيق، إهانات، كسر.
بهدروني… وبهدروا هو كمان.
كنت فاكرة إن ده هيبعدنا.
بس اللي حصل كان العكس.
حبينا بعض أكتر.
بقينا متمسكين ببعض كأننا في حرب ضد العالم كله.