رواية أوتار أحد من السيف عبر روايات الخلاصة بقلم زهرة الربيع
جدع حليوه سهاني و عضني من كتفي قطع حته منو وضحكلي ورمح في الصحاري ومقدرتش ارمح وراه ….فضلت اتبسم على ضحكته رغم ان دمي بينزف بسببه بس مقدرتش ازعل منيه واصل يا عمتي
ست قصادها في الاربعين بتبصلها باستغراب شديد وقالت….ايه الخطرفه دي يا بت يا اوصاف …وريني كده لتكوني سخنه اشوفلك حكيم
اوصاف اتنهدت بيأس وقالت …يا عمتي انا مش عيانه…انا شوفت حلم…بس مكانش كيف اي حلم…كانت حاجه عجيبه…زي ما يكون حقيقه كيف ما انا قاعده وياكي وبحدتك كده …شاب طول بعرض …عيونه كيف عيون الصقر…قرب مني وعضني كيف ما قولتلك وهملني ورمح ومقدرتش اشوف ملامحه زين …بس هيئته تقلع القلب …زي ما يكون ديب من ديابة الصحره كل اللي فكراه عنيه …عنيه متتنسيش واصل
عمتها ابتسمت بسخريه وقالت….حلم …كل ده حلم… بقى مقعداني قبالك بقالي ساعه تقوليلي معرفش ايه وابصر ايه ومهمله كل الي وراي وقاعده اسمعك وانتي بتحلمي وتحكي احلامك كمان…قومي فزي الخيام اتملت زباين كلهم طالبينك بالاسم قومي
اوصاف قالت بضيق…قال يعني بنكسبو الدهب يا خي …دول كلهم عالم عربجيه مفيش في جيوبهم حق الدخان اللي بيشربوه
عمتها قالت بضيق…مهو من خيبتك بتخدمي على المفلسين…والمتريشين مش بصالهم…بالك يا بت يا اوصاف اعيان الشرق والغرب بيطلعو الجبل مخصوص لجل عيونك… لو تسمعي الكلام هتعومي في الدهب عوم مش تكسبيه
اوصاف وقفت بضيق وقالت….قولتلك الف مره ولا تفكري حتى يا عمتي…. انا اخري اساعدك واناولهم ميه ولا طفح من اللي بيطفحوه لجل خاطرك عشان متتعبيش لحالك..وكمان لجل اعمل بلقمتي بدل ما جوزك بيلقح عليا لو تعبت ورقدت يوم واحد ..انما اكتر من كده متحلميش..ولا هروح مع حد ولا هترقص لحد ولا هغازل واحد وشه كيف جزمتي وجاي علشان يسمعله كلمتين حلوين يشوف نفسه بيهم
ووقفت قدام المرايه و كانت بنت جميله جدا في العشرين وشها يخطف القلب بصت لنفسها باعجاب و قالت بغرور….انا اية الجبل اوصاف..وصف للعزة مش المزله…وجمالي للي شاري مش للي يتسلى
عمتها ابتسمت بسخريه وقالت….شاري ….اممم…طيب بشوقك خليكي مستنيه الشاري لحد ما تكبري وجمالك يموت ومتطوليش من الجبل غير ترابه يغطي ملامحك اللي فرحانه بيها
قالت كده وخرجت واوصاف مشيت بعدم اهتمام علشان تلبس وتجهز وتطلع لشغلها
قدام سرايه فخمه جدا من اكبر سرايات الصعيد خرج شاب في الثلاتين بطله وجاذبيه قويه قرب من واحد من الغفر وقال بضيق….هات مفاتيح العربيه
الغفير اتوتر جدا ومبقاش عارف يرد وقال….ها
الشاب مسكو من هدومه وقال بغضب…ها ايه…بقولك هات مفاتيح الزفت دي …يلا خليني اغور
الغفير قال بخوف…يا دياب بيه ..اصل…اصل ف…..فياض ..الريس فياض قال ممنوع تاخد المفاتيح و….
وقبل ما يكمل ضربه قلم قوي وقعه على الارض وحط رجله على رقبته وبقى يدوس دماغه في التراب وهو بيقول بغل …مين..قولت مييين…وهو مين هباب الطين ده علشان يمنع عني ملكي..ده خدام زيه زيك سااامع …خدام ادوسه برجلي
يتبع…
فصول رواية أوتار أحد من السيف بقلم زهرة الربيع
اضغط على الفصل الذي تريد قراءته:
- رواية أوتار أحد من السيف الفصل الأول
- رواية أوتار أحد من السيف الفصل الثاني
- رواية أوتار أحد من السيف الفصل الثالث
- رواية أوتار أحد من السيف الفصل الرابع
- رواية أوتار أحد من السيف الفصل الخامس
جاري كتابة باقي فصول الرواية.. عاود زيارتنا..