سكريبت نور يونس كامل وحصري لمدونة قصر الروايات
سكريبت نور يونس كامل وحصري لمدونة قصر الروايات
-ايه يا يونس هو انا مفيش مره اشوفك غير وانت سرحان كده؟
بصتلها وانا مستغرب ازاي انسان يبقي فيه كل الطاقه و الإقبال ع الحياه ده،
ابتسمت و قولتلها:
_اعمل ايه بقي يا ليلي مانا مش حيوي زيك كده و دايما دماغي شغلاني..
ابتسمتلي ابتسامتها اللي بتخلي الشمس تشرق جوايا و هي بتقول:
-الدنيا ابسط من كل العك اللي بيحصل جوا دماغك ده يا صاحبي صدقني،
لو قعدت تحسب لكل صغيره و كبيره كده صدقني انت اللي هتتعب.
ضحكت بخفوت و كسرت نظرتي ليها:
_وأنا بقى من غير العك اللي في دماغي ده هبقى مين؟
حاسس اني اتخلقت عشان أفكّر كتير واتعب أكتر.
اتنهدت وهي بترفع شعرها وراه وقعدت جنبي كأن وجودها جنب قلبي بيهدي الهوجان اللي جوا دماغي:
-يا يونس… انت مش فاهم قيمة نفسك.
انت شايف إن دماغك عليها حمل، بس أنا شايفاه عقل بيخاف على الناس أكتر ما بيخاف على نفسه.
بس الخوف لما بيزيد… بيكسر.
سكتُّ لحظة، وانا ببص على الأرض كأن الكلام لمس حاجه جوا مني كنت دايمًا بهرب منها:
_وانتِ… مش بتخافي؟
مش بتحسي إن الدنيا ممكن في لحظة تاخد منك كل حاجه؟
بصتلي بعيون واسعة، فيها نور وتعب سنين: