رواية كفي والمنجمة الفصل السادس 6 بقلم الكاتبة Leo alfatlawi
بارت السادس
مؤتمن جان وجها تعبان وعيونه حمر اشرلي وين تردين
من الخوف اريد اجاوب مااكدر ضليت بس صافنه وارجف هوه جان هادء بس هذه ميمنع انو راح يعتقني كال وين مواحجي وياج
–هااا اء اهنا
–شنو اهنا اشبيج ليش مغيره ملابسج وين تردين
–اء بالغرفه بس ضجت غيرت ملابسي
–بويه بيج شي احجي شنهو صاير
بعدني استوني اريد ارد ولو شنو ارد واني مااعرف حتى احجي دخلت سماح تركض كالت يلا بس اتفاجأت منشافته موجود رد شنهو الصاير وين تردين بيها
— اااا نطلع للمزرعه
–همم للمزرعه كلتلي تمام سماح طلعي اريد احجي ويه غزل
–طالعه
ركضت وراها وين طالعه ولج اخذيني وياج
–وين تاخذج وياها انتي ثوله شنهو امسويات كالها وسحبني من ايدي رجعني
مال اتقنعني مامسويات مصيبه خلي اتولي احجن
–كولشي ماكو بس اريد اطلع ويه سماح حباب
–سماح طلعي بويه وانتي رجعي مكانج دفعني
رجعت كعدت مكاني وسماح طلعت بس اراقب تصرافته اكيد ماعرف اني وره الشغله لو يدري جان علكني من شعري موهيج يحجي بهدوء اشوفه سد الباب واجه كعد مقابلي يم ميز المرايه اول شي جان بس يباوعلي بعدين كال
–راح اتزوج
ااهااا
–شنو اهااا اكلج راح اتزوج
–يعني ماماتت
–منهو الماتت
–تهاني
–وانتي شدراج تهاني متعارضه
اشوفه كام واجه يمي جان مضيك اعيونه ويباوعلي بشك اني ضربتها ويا صفنه دنك عليه وكال اي اسمعج كولي شعرفج تهاني مريضه
–مو مو شفتك الصبح اتخابرهم وطلعت تركض
–همم بس اني طلعت بليل موش الصبح
–هاا اي قصدي هوه قبل الصبح ورحت لعمتي سألتها
–عمتي متدري من طلعت جنت بالديوانيه
–هااا اء
–امم كملي. غزل شمسوي يامصيبه تحفيني اسمعج
–كولشي ماسويت متشوفي بالغرفه محبوسه
— ولكعبه لو احبسج بقوطيه هم اتسويلج اطلابه بت فريال
–ماراح اسويلك مصيبه لان حطلكني قبل لاتتزوج
–منو كلج صاير قبل مره تدخل بيتي اتصير حرمتي تطلك وتطلع منا بويه خليها ابراسج مطلعين منا بس للكبر
–ماراح اوافق على زواجك
–ميعتاز موافقتج اصلا ماعاقدج محكمه بس كلت اكلج مااريد اتصير مشكله من اتسمعين
–مؤتمن لويش دسوي هيج بيه
–شنهو العملته
–هوه شنو الماسويته تره انته واحد ضالم ومستبد جبتني ودمرت مستقبلي وشمرتني لويش لان تكره ماما اني شذنبي
–اني لو اريد انتقم من امج ورقه وحده للمحكمه اخلها عمرها كلها بالسجن بس ماادور وره مرة هاي مومن شيمتنه ننتقم من حرمه وانتي بت عمي وهذه مكانج من البدايه بيت متروس زلم امشوربه بتهم متربايه بحضن الغريب
–لعد مجبتوني وخليتوني اهنا لويش اتنزوجتني
–انتي اجاي اتحاسبيني على غلطه انتي بلشتي بيها وكملتيها غزل انتي مقتنعه بالسويتي
–اني مسويت شي غلط اتزوجت سيف وهذه من زمان جنه مخطوبين لويش طلكتني منه شنو الاستفاديته وهسه انته راح تاخذ حبيبتك
–دنك عليه بسرعه عصر وجهي وكال كم مره نبهتج متجيبين اسمه
اريد ادفعه مااكدر وحس وجهي راح يطك
شوفي غزل وان يجي يوم وطلكتج بدون شعور رجعه لسيف ماكو راح تبقين اهنا كون اتسوين وحده من عمايلج العوجه بذاك الوكت راح اعلمج الامهات شتجيب طلقه ابراسج واخلص بعد ماانبهج
صارت عينه بركبتي عكد حاجبه انتبه للمداليه عاف وجهي وجرها من ركبتي انشلعت
شمرها بسلت الزباله وطلع سد الباب حيل ورا يمكن انشلع من قوه الظربه
حسيت اخدودي تحركني من العصره والله اذا طلع عنده ذرت عقل اطلع ماافتهم يعني مااطلكج وحتى من اطلكج تبقين اهنا شيحس هذه مقتنع شنو ديحجي
واندكت الباب دخلت هيفاء كالت تعالي جدو يريدج
–شيريد اصخام جدج متكليلي لوهم يريد يبشرني بزواج التحفه حفيده
رفعت اديه للسمه اندعي ياربي كون حتى اذا اتزوج ميشوف السعاده ولاالطفل بعمره كون يموت بحسرتهن
— يمه اسم الله على اخوي بيش طالبته
–ولي انتي بيش طالبته العالم اتموت وهوه لازم يتهنه وبعدين انتي اشطلعج من المطبخ ولي رجعيله قبل لامج تجي تسحل بيج الطارمه
ماردت طلعت مغثوثه متقبل على الشفيه اخوها اتكول نازل من السمه الاجلح طلعت وعرفته راح يحجي عن زواجه يلا بعد احسن خلي اخلص منه رحت شفتها بعدها اباب المطبخ ضحكت باوعتلها زعلانه رحت حضنتها كلتلها تره والله انتي حبابه واحبج من دونهم بس لاتجيبين طاري اخوج الاملح كدامي
–ياااع غزل اخوي املح
–لاابيض يلج لج على كوله سماح خافي الله من اتوصفي وراج اخره
–ميخالف غزل انتي ضايجه منه بسلا تدعين علي والله اعز من روحي مؤتمن ادعي عليه بس هوه لا ماارضاها
–ؤك تمام بعد مناوجاي ادعي على صبحه
–يعني ميصير اتسكتين اله تدعين
–لعد وين اخلص الوقت
–دروحي جدي امتانيج بالديوانيه
عفتها بعد مارضيتها لان خطيه اشكد طيبه وحبابه دخلت للديوانيه لكيته كاعد ومقابيله مؤتمن
كال تعالي جدي صوبي رحت كعدت يمي اباوع لمؤتمن يباوعلي وعيونه تتطافر منهن الشرار
اتذكرت طالعه بالتراك وبلا حجاب اهووو والله نسيت يلا هسه اشويه ويطفي بده جدو الحنين النازل من السمه كبل بالحفره مال الجريدي يسولف ويتوعض وينصح بينه اتكول لامنه من الشارع كفره وجاي يدخلنه للاسلام يكسب بينه ثواب واندار يوصي مؤتمن هاي قطعه من روحي اذا اتريد اذيتي اذيها رجع ييحجي وياي
–شوفي جدي الله امحلل للزلمه اربع نسوان واكثر الزلم بالديره متزوجين 3 واربعه والحمد الله عادلين بينهن
–امم واني المطلوب مني شنو
–مامطلوب منج شي بس مؤتمن رايد يتزوج
–اي لعد الف مبروك خلي يتزوج شنو المانعه
–ماكو شي يمنعه بس كلت مااريد يتگدر خاطرج وطلبو اهل المره موافقتج انتي بالذات
–لامحضوج وارح اوافق بس بشرط
–امري يبويه
–يطلكني
–لاميطلكج وهسه حجينه بهاذه الشي وراح يعدل بينجن وان شاء الله ماراح يقصر وياج انتي بالذات
–جدو شوف يتزوج ماعندي اي اعتراض بس مال اضل على ذمته هاي مستحيله لو يموت والله اسود حياته ومراح اوافق ابد اذا ماطلكني واخاف يضربني لو يسولي فلم هندي وتعالي اتصلي بيهم وافقي غصبا عنج والله لويذبحني ماراح اقبل
–عليش يجدي تره انتي بتنه وحنه ماعدنه مره تطلك
–مااعرف مثل ماطلكني من سيف خلي يطلكنه هسه
طفر مؤتمن كال استغفر الله لاتوبين ولاتبطلين اتجيبين هاي السيره اعرفج ولج وحق الكعبه ادفنج بمكانج وانعل ابو اصلج
–مااريدك لويش متحس مااطيقك ولاراح يجي يوم اتقبلك بي خلي عندك كرامه والمسيح اخرب حتى زواجك لواعرف وراها موتي كلتها وختلت وره جدو شفت نضرته اتخوف
— الاعوج عمره مينعدل وانتي ترباتج عوجه لاتنعدلين ولااتصيرين مثل باقي البشر ولوتبقين بس انتي بالديره هم ماراح اخليج شايله اسمي
جدو. مؤتمنننن شنهو هالحجي
–جدي ركبتي الك بس هاي متبقى على ذمتي مارايدها خلها يمك كالها وطلع ركع الباب وراه
–كومي جدي لغرفتج يلا انتي امبين تربات فريال امااثره عليج اهواي لبالي تفتهمين بس طلعت غلطان راح اتضلين اهنا حتى بعد مايطلكج مؤتمن رجعه لمج تنسيها ويلا فارجينه كومي
كمت طلعت يلا هسه بقت عليك عاد اشلون حنين لعد ذوله منين اجو مجلوبين غير عليك
طلعت اتفاجئت شفت سمر وره الباب تتسنط اول مشافتني طكتها ضحكه وكالت ها مدامت اهواي
–المهم اتحرم عليج عادي
–اقلها مامطلكه بعدني بت ابيوت الف واحد يتمناني مومن سبعت عرسي اطلك
–هم عادي نمت ابحضنه واشتميت عطره وشبعت ماضل ابنفسي مثل باقي العالم ضلو حسره عليهم يكمشون قميصه مو —-
اني كلت هيج وهيه اتخبلت راحت لغرفتهم مشتعله نار عفيه مؤتمن ماضاله وحده
مامخيله عليه استغفر الله هسه شنو المميزة بي وهيج كاتلات روحهن اشو واحد خبل يمشي ويتعارك ويه روحه وانوب يحبله فرس البحر
رحت لغرفه العجوز ابشرها لكيت عمتي كدامي كال هاغزل بشري شنو الصار
–عمه مااريد اصدمج بس راح اطلك كلتها وضحكت
–اصخام الصخم وجهج
–لويش عمه مكان وحده انصير اثنين اني وياج ونعيش نفس الغرفه والله حونسج
–اصخام ابوجهج يعمه انتي شلحكتي اتشوفين العرس وانحسبت عليج زواجه
–لاابشرج ليله وحده كفتني مال عمر كامل ابن اخوج طلع العرس من عيني وكرهني بي
العجوز. موبكيفه مؤتمن يطلكج
-لويش هسه انتي متكيفين
–انتي تنكتمين سمعتنه جدام العالم طلجو بتهم من سبعتها عليش معيوبه وسترنه عليها وخلصت جنج متعرفين تفكرين يالعوجه لو امج علمتج بس عالمياعه ماكو ستر وسمعه
–يلا شكو بيها واذا اطلكت اتخلينه اني وبتج سوه انادريج اوووف راح اطلك واخيرا واخلص من حفيدج الغثه وان شاء الله اخلص منكم هم عن قريب
–اني احجي ومااشوف غير شمرتني بالعصه طلعت اركض صار ابوجهي مكرم وكاظم داخلين للبيت كاظم ابسرعه دار وجها ومكرم اول بدايه ضاج لان شافني بهالشكل بعدين من شافني اضحك كال خير ضحكيني وياج شمسويه
–راح اطلك
–كولي غيرها صدك تحجين
–والله هسه مؤتمن كال لجدو
–شنو ابكيفه هذه اكيد اتخبل
–يااخي عوفه علما يعقل اتخبلو انتم هوه قبل انتو لويش معترضين
–اشو هذه هز ايده وراح للديوانيه هوه وكاظم الي بقه متعجب من الحجيته مالبالهم مؤتمن يدك بيهم الناقصه يدك صدر يجيبني لهنا ويطلكني بس حيل بيهم يردون يلمون السالفه راح ينفضحون
رحت لغرفتي فرحانه حتى للعشه بعد ماطلعت من فرحت افكر اذا طلكني هسه اخذلي فتره والح عليهم ارجع لماما صحيح ارجع مطلكه بس احسبها تجربه فاشله مرت ابحياتي وارح تتعده وانساها
اتاخر الوقت جعت طلعت اشوفلي شي اكله وصلت للمطبخ واسمع صوت نقاش عالي طالع من غرفه بيبي الفضول سحبني وكفت وره الحايط اتسنط صوت بيبي وهيه اتكله
يجده هدي لاتگدر حالك واسمعني
–يلاااا واهاي واني هديت اتفضلي امريني اسمعج
–خلها على ذمتك لاتطلجها اتركها تخدمك انته ومريتك الجديده
–استغفر الله جده غزل متبقى بسمي انتهت كطعو الكلام
–ولك يجده سمعتك چدام الديره طلج بت عمه بسبعة عرسها عليش ماراح يسألون
— الي يريد يحجي يطبه مرض اخر همي رحمه لدينج بسج
–موش راح تجي امها وتطالب بيها وترجع المشاكل
–خليها ابالج مستعد احركها وماارجعها لمها وهاي الشغله الثانيه هم شيليها من تفكيرج
–يجده اشمالك تسودنت وتحجي بحركه چاي اكلك سمعتنه جدام الناس انته خلها بااسمك واني الاتعهدلك چدام الكل اچسرلك راسها وخليها تحسب احساب حتى النفس التاخذه
— اذا على حجي الناس سهلا وحتى من اطلجها يبقى بيناتنه خلص سدو السالفه
–وين والله ياخذها ويفچنه من شرها
–جدددده لاتدعين رحمه لهلج بسج بويه
كالها واسمع دفر شي كسره وصوت عمه اتكله هدي يبعد امك اشمالك حسيت خطواته قربت احتاريت وين انضم ماكو غير الحمام دخلت بي شفته طلع صعد الدرج امنت رجعت طلعت ردت اروح واسمع العجوز اتكلها موش اكلج متغير وصاير مايتحاجه محد يصدكني
ام مؤتمن. هوه مؤتمن من يومه حجي من راسه اشوكت سمع چلمه من واحد اشكد دكيتي وحجيتي حتى ميجيبها وجابها لهنا
–وماطوله هيج وچتل روحه وجابها غصبا عالكل عليش هسه يريد يطلجها
–والله عمه شوفي بت ابنج اشكايلتله ومسودنه اوليدي من الصبح لسه يركع جكاير
–بس خلي يطلچ واني اعرفن اشلون اصلخها
–چاهسه اشمالكم بت ابطول زري محد يكدر يحاجيها دخلي طكيها خلي نفتهم شنهو العملته وسودنة الزلمه
–لا تبلينه وياه اذا سمع امكربين صوب حرمته شيخلصنه خلي يشمرها وكتها ماله حق بعد يحجي وروح معتصم لطلع حليب امها من خشمها واخليها تتمنه الموت وماماطايلته هينه يبت فريال جنج موش سهله مثل امج ربي دزها الي بعد اسمه جاموش هذه الجنت طالبته والله يفريال راح اشوفج بنيتج بين اعيونج وهيه تترجه الموت
–اي عمه بعد طوايفي سوي بيها مثل ماعملتي بأامها بس ها موش هم تنهزم من بين اديج لا كون هيج تضل بس للذل وبرد دمي بيها
رجعت لغرفتي خفت من كلامهن شناويه اتسوي هاي شنو السوه بماما وخلوها تشرد من الخوف حتى الجوعه طارت نمت بقلق
مرت الايام وقرر مؤتمن يطلكني بعد شهر صح الوضع متوتر بس جان فرحان بزواجه يجهز اخذ مشيه وافقو واشتغل الضرب اطلاق النار والهلاهل وضلينه ابيومها للصبح محتفلين هوه جان مبينه الفرحه عليه نمنه وجه الصبح
وكالعاده كعدت على صوت بوق الصباح عمتي ام مؤتمن وهيه اتكول يالفاهيات الساعه عشره
كمت غسلت وبدلت ملابسي وطلعت لكيتهن كلمن كامشه شغله دخلت المطبخ وصارت بوجهي كالت ماالله ويخلصني من اصباح وجهج
–هلو صباحووو عمتوو
–عمه اتعمج روحي غسلي الاستكاين وحضريهن الولد كعدو
–تمام تامرين من اعيوني
–من الله يعمي اعيونج ويخلصني
–هم شكرا صدك سماح بسلا شمرتو الزباله
–اي خيه شكو ضايعلج شي بيها
–عزززا مؤتمن شمر المداليه بيها ونسيت اطلعها قبل كم يوم
-عمه. ولج بسلا ذهب يمصخمه
–اي عمتو وموبس ذهب لايمكن الماس لان بيها فص يلمع
—يمه اصخام الصخمج وصخم امج ربي راح تجلطني منين جبتها ليه متكلي كالتها وطلعت للحاويه البره ادور
وسماح كل اشويه تطلع صوت ضحكتها وكوه تسكت اتخاف منها
–خلصنه التحضير وفرشنه بالساحه عدهم ازغيره حلوه لان بيها شمس حلوه دفو اتمو للريوك وعمتي ردت تحجي ويه روحها يمكن مالكتها
جدو جان يباوعلي ضايج اتكول اني الراح اتزوج واطلك حفيده مو هوه استغفر الله عائله مكوكه مگلوبي ملعوب بعداداتها
دناكل وعمتي صاحت غزل كم مره كلت لمي شعرج
–لويش عمه اني دوم لامته
–وهذه الشعر بالاكل شنهو
–عزا عمه صدوك دتحجين دشوفي الشعرايه بيدج اشكدوتها اني شعري اطول من سفرتج
–ولج هذه شعرج مااعرفه
–امم يمكن اي هوه صح دوم من يطيح يتقلص حجمه ويصير بي كساح
–ولج بت فريال اتضحكين عليه ولك مؤتمن تسمعها
–هسه مؤتمن شكو دخلتي كلتي شعرج كلتلج اي
رد جدو اشلون مناكل اوجوه الجفن نسوان مال حرك الاسمع صوتها اجسر راسها
مؤتمن جان ساكت على طول اتحسه مو ويانه دوم يتصفن بغير عالم الله اعلم اشضاملي من مصيبه
خلصنه الاكل ولمينه السفره
جنت بالمطبخ اغسل اماعين سمعتهن كال اجت طلعت اشوفها منو لكيت مره كاعده يم الجده والبنات يمها يتضاحكن عرفتها العرافه نفسها على السريع رحت كملت غسل اماعين وغسلت اديه دااطلع من المطبخ صار ابوجهي مؤتمن يعدل بالحزام سلاحه على متنه وكفت تانيته يعبر لان سد الباب بعرضه اتكول ثور
باوعلي وعكد حاجبه كال كلبيتج غيريها وحجابج ويييين
–ماكو احد بس ولدنا
–وشنهو ولدنا موش زلم
–لاذوله اخوتي وحبابين هم ميباوعون
–استغفر الله غزلي بويه انتي موطفله ليش متفتهمين لو انبياء يصيرون وانتي كدامهم بهالشكل اطفرين هم راح اتصير عنهم بيج
–والله لابسه كلبيه بعد شنو البس اتريد
–انتي لوباقيه عالتراك اهواي احسن وعليش تمشين بلاحجاب
–نسيت تره حتلو البس مراح يفيد شعري اطويل راح يطلع من جوه كلت اختصرها وخليني هيج
–ضايع الحجي وياج عالغرفتج عدل تغيرين وتلمين شعرج احسن ماافصم راسج وهاا لاتوصلين يم العرافه
–امم بس روح انته
اباوعله هزايده وطلع عرفني اجذب وراح اروحلها مااعرف ليش هيج يضوج منها واني هم رحت ركض اول مشافتني كالت
هلابهالوجه الحلو اليضحك للهوه هلابالكمر المضوي
–هلابيج خاله يلا شوفيلي بختي ابسرعه قبل لايرجع
–تعالي يبعد طوايفي كعدي جاري
كمشت ايدي باوعت اشوفها ضاجت
خير شنو بيها بعد لويش ضجتي
البيج موالج لاتضوجين وتكدرين روحج
شنو يعني مافهمت
–غلطتج متأاثر على غيرج بس تاذين اروحتج تصرفي بعقل يبنيتي لاتخلين طيشج يروحج
–حزوره هاي
–رايح راجع ماايشوف غيرج
–منو
بعدها ماجاوبت والعجوز كالت كومي نضفي غرفتي
–بيبي غير اعرف شنو دتحجي انطيني صبر
–بت فريال كومي لااجسر العصه على راسج
–انتو ماعدكم غير راسي اتكسرون عودكم عليهن
–همست خاله فدوه شوفي ايدي اشوكت اتموت هاي
بعدني استوني كملت احجايتي واسمع مؤتمن وراي صاح غززززل
طفرت لغرفه بيبي ابسرعه البرق فتت وسديت الباب همزين ماكمشني تالي بلشت بتنضيفها لويش اطلع وترجع اتحيله عليه وانكتل
صرت نادره ربع ساعه خليتها اتخبل تلمع وضليت كاعده اخاف اطلع واشوفه كدامي هسه اني اشوكت ابطل لغوتي والحجاب لويش انساه اشكد ثوله
دخلت عمتي باوعتلي وضحكت كالت عليش كاعده وحدج
–مم مؤتمن بعده بره
–كومي تعالي وياي وعوفي المره ليش اتفاولين عليها ولج
–بعد مااحجي بس مااطلع خاف مؤتمن يشوفني
–كومي بحماي خومو اتضلين لليل اهنا اليوم ماعنده شغل اشلون بالله اتضلين محبوسه
–انطيني شي اخلي على راسي
–هاج هاي شيله جدتج
اخذته وكمت وياها طلعت اشوفها كوه ضامه ضحكتها واني كامشتها من من كلبيتها اول ماطلعت لكيته واكف يم جدته الحنينه اشلون اثنين ربي مال حرك
جان واكف امدنك سمع عمتي شال راسه باوعلي و رجع دنك على فونه الحمد الله ناسي مدري مغلس رحت كعدت يم عمه والعرافه جانت كاعده اتسولف ويه العجوز امبين صداقتهن قديمه
اجه مكرم سلم وكف يم مؤتمن كالتله العرافه متخليني اشوف بختك يمه
–لادخيلج عوفيني شوفي مؤتمن اشوكت يجيب الرابعه
–ياااع ويزوج على هالكمر
–ابشرج اتزوج بعد كم يوم عرسه
–تعال خلي اشوف كفك وراك اخيك
مؤتمن. عمي فوتي حالي خزعبلاتج خليهن يمج روحي للبنات كصي عليهن خو هنه يكيفن
كصيت وخلصت مثل متگول يلا هسه لازم اروحن كالتها وكامت وصلت يمه قبل لااتعبره مشت ايدها بالهوه كبال اعيونه ابسرعه رجع راسه ليوراه وابتعد عنها حسته خاف منها ابتسمت اشلگيت ابگلب يالمالك مچان بي
–مقتنعه بالهرج مالتج
–تشتاگ وكت الفجر والعشك موش الك مضايع اكليبك بالغلط
–اتوكلي حجيه
— حذرتك گبل لاتتعب اعيونك كلبها حجز ومايحن
ابتسم وفتح جف ايده اكبالها وسده بحركه سريعه باوعلي ورد يباوعلها رافع حاجبه يضحك
هيه طلعت وهوه صعد غرفته عفيه مره اتريد تفهم كلمه منها ماكو
صار وكت الغده واني استوني متريكه رحت لغرفتي مااشتهي
غيرت ملابسي داانام وشفت الباب انفتحت دخلت عمتي ام مكرم كالت هاعمه متجين تاكلين
–لاوالله موجوعانه استونه اتريكنه
–اي والله يمه اني هم يلا خليني كاعده يمج انجوع ناكل سوه بعدين
–هلابيج عمه تعالي اهنا كعدي يمي
–غزاله يمه اشبيج وجهج اصفر
–مابيه عمه بس دااحس بدوخه راسي يفتر وهم مشتاقه لماما لويش نستني هالشكل
–تره ماكو ام تنسه بزرتها البزر اعز من الروح هسه ابحيل الله تنرزقين بطفل واتحسين امج اشلون اتحبج من اتشوفين محبتج لبنج
–لعد لويش مسالت من اجيت لسه
–منهو كلج ماسالت غزل يمه راح اكلج بس ابروح ابوج لاتكولين عمتي كالتلي سكتي يمه والله يهدي الكلوب وترجعين لحضن امج
–شنو عمه كولي والله مااكول
–امج اجت مرتين بس جدج ماخلاها تدخل يتلكاها من الطريق ويطردها واخر مره جايه هددها كاللها اذا وصلتي مره ثانيه اقدم الاوراق للمحكمه واسجنج جنت ساكت لخاطر البت وهسه يمنه بعد ماعدنه شي
–شنو الاوراق الخايفه منهن ماما وليش هالكد كارهيها
–قصه طويله وابسبب هاي الاوراق حتى ام مؤتمن اطلكت ودمرت بيوت
–صدوك لويش اطلكت
–بعد وفات معتصم الله يرحمه جنتي زغيره على ايد امج جدج ماهون بيج ترحين من حضنه اقترح على ابو مؤتمن يزوج امج واتضل اهنا بس سمعت ام مؤتمن لمت غراضها وطلعت زعلانه منعها وكالها اذا طلعتي اطلكج بس ركبت راسها طلعت منا طلكها منا لان كسرت كلمته وبماانو اني متزوجه اخوها وهيه اجتنه لهناك مطلكه رجعوني لهلي وهم طلكوني راس براس
–عزا وتالي اشلون رجعت لزوجها
–من طلعت الاوراق وطاحت بيد جدج امج خافت اخذتج وانهزمت واختفيتو ناس اتكول هاجرت ويه اخوها للخارج وناس اتكول غير محافظه بس منندل وضاعت اخباركم من ذاك الوكت عمج ايس من رجعت امج راح رجع حرمته
–لعد انتي لويش مارجعتي
–الزلمه اليمشي بكلام نسوان مارايدته هذه موش زلمه
–ومؤتمن دينتقم مني لان امه اطلكت ابسبب ماما
–لاييمه مؤتمن اهواي انضلم اكل الحصه الجبيره من البهذله وامج الله يسامحها جانت خالته ابراسها واشكو مصيبه تشمرها علي شبع ضيم ايام واشهر سوده عليه ينام بالبرد بالمزرعه
–لويش هيج ماما سوت
–لان من ذاك الوكت صح عمره ازغير بس جان زلمه واكفلها عضم بزردومها ميرضه بالغلط وهيه جانت طامسه بالغلط
–امم لعد اني حااكل النتيجه
–لاتخافين هذه كلبه ارهيف بس لوانتي اتعقلين وتصيرين نادره اتبطلين مياعتج وتحوي حتى زواج يبطل
–عزا عيع مااريده خلي يزوج
–جاحضري روحج للضيم والنار الراح اتجيبيها لنفسج اكوم اروح اشوفهم خلصو الغده لان ذني خوثات ميعتمد عليهن
طلعت خليت راسي على مخدتي عزا ماما امسويه اهنا مجازر خرب بس والله عجبتني حيل بيهم واني اكول متقبل نرجع مناك اثاري لاعبه فلك بيهم بس اريد افتهم هيه من بغداد اشلون اتعرفت على بابا من البصره
مرت الايام ماكو شي كل يوم مثل القبله امتانين زواج مؤتمن وغاطين بمشاكلنه وين العجوز ميعدي يوم اذامااكل رزاله منها وبهذله
زواج احمد ورجاء هذه الاسبوع والكل بتحضر باقيه اني اباوع بالوجوه محد كلي شنو معتازه لو شنو تردين العجوز اخاف جانت شاده اشويه هسه انوب زادت كامت اتطلعلي شغلات من جوه الكاع اطيح حظي بيهن وجدو زعلان لان حاسب طلاكي اني السبب الرئيسي بي يكول طولت لسانج وتربيتج العوجه وصلتج لهنا
اما ام مؤتمن الفرحه ماتوسعها عيد وجابه العباس الها راح يطلك بت فريال ويتزوج وتكسر خشم فريال
زوجت بابا لحد الان مشايفتها بس كالو تجي للعرس يعني حشوفها ماضل شي بس الله اليستر لايفترسني
هاي كولها واني اقنع روحي اكول مضل شي وارجع لماما لان وره طلاكي مستحيل اضل اهنا على شنو ضاله وخاصتا الدوام حيبدي ومدرستي بغداد ومحد راح ينقلني لان ماعدهم وحده اداوم واتكمل دراسه توصل سادس تكعد ماكو مدرسه بعد يعني حتلو انتقلت هم اوصل سادس وابطل حالي حال الباقيات قانون ويمشي على الكل
جهزو غرف العرسان جانت اخشابهم اتجنن تحفه مااعرف اشلون رجاء اتنازلت عن خباثتها وطلبت مني ارتب وياها الغرفه اتكول ذوقج حلو مومثل ترتيبنه اتعرفين وجان اي نقص اكتبه الها تطلع تشتري وانكمل لحد قبل العرس بيومين كلتلها اتقنع احمد اروح وياها للصالون لان مؤتمن ميقبل بس احمد اذا كله بلكي يكول اخوها ويقبل كم مره كله رفض بس بعدنه انحاول ويا
اني مؤتمن قليل نلتقي بس مرات يجي للغرفه بليل احس عليه يكعد اشويه ويطلع لايحجي وياي ولايطلب شي
حتى سماح جانت متضايقه من تصرفاته لان اكثر الوقت مخابراته ويه تهاني لو بالواجبات دوم طلايب وفواتح وشغل يعني قليل تواجده بالبيت بالصدف اتشوفه
العرس بعد يومين ماكو غير مؤتمن اطلب منه عسى ولعلى يرضه رحت لسماح سالتها عنه كالت بالغرفه تلكي نايم روحيله
صعدت للغرفه فتحته الباب على كيفي شفته امجتف ونايم حتى نومته تختلف عن باقي البشر
دخلت وسديت الباب لازم اليوم اطلع خومواحضر العرس بالكلبيه حتلو اترزل اتحمل ميخالف
رحت يمه كلت على كيفي مؤتمن مؤتمن
كعد اول شي صفن ابوجهي وبعدين كال شكو
–اريد افلوس اطلع اجيب ملابس
–افلوس اخذي من محفضتي بس طلعه ماكو وصي عمتي
–متعرف قياسي ولاشنو اريد
–غزل طلعه ماكو ويلا طلعي اريد انام كالها ورد غمض اعيونه هزيته من متنه كمش ايدي كال احساس وكلنه ماكو كرامه هم ماكو شنو انتي
–حباب فدوه راح البس مستور وحجاب وابسرعه اروح واجي حباب
–غزل انتي جاي تفتهمين شنو احجي
–لا ماافتهم اريد اطلع
–استغفر الله هاي اشتحجي وياها بابا انتي بياطريقه تفتهمين
–كولهن طلعن واشترن بس اني باقيه امعفصه صايره العب النفس خلص مااريد اطلع حتى العرس مااحضره اخاف حضرتك تنزعج
كمت سحبت ايدي من ايده و طلعت منه لان من صدك صاير مينحمل وشنو العرس واذا ماحضرته قابل شنو هوه قحط
بس جذب اموت اذا ماحضرت اشوفهم كلهم فرحانين ومتونسين واني بس اباوع من الشباج غير انط واموت
كعدت ودموعي تنزل واني اتخيل كولها حاضره ومتونسه بس اني محبوسه صار وكت الغده ولازم اكون وياهن بالمطبخ بالتحضير لان هالايام اساعدهن حتى بالطبخ كمت غسلت وجهي وطلعت رحت للمطبخ لكيت هيفاء دااتصب الاكل وكفت وياها اسطر الاماعين كالت اشبيج غزل عليش اعيونج حمر
قبل لااريد سمعت امها اتكول بقت ماعدها ملابس الله اله الماعنده عشيره كالتها وضحكت نزلت ادموعي
هيفاء. لاتبجين اني انطيج مني
–لاشكرا حبيبتي مااريد
عمه. يااااوعليمن اتنطيها عدها اخو ورجل انتي شنو مسؤوله عنها يااا صدك الاخوه متبري والرجل شامرها نسيت
–استغفر الله هسه هاي شرد عليها بلله مسحت ادموعي ورجعت للغرفه حتى غداهم مااريده دخلت وسديت الباب كعدت
اشويه واجت هيفاء كالت جدي يكول خلي تجي تتغده كلتلها مااريد موجوعانه راح انام عافتني وطلعت
داانام دخل مؤتمن كال غزل حضري ورحج بس اكمل غده نطلع
لاعرفت وين نطلع ولاويامن لان كالها وراح كمت ابسرعه بدلت فستان طويل خليت ميكب شلت شعري كبايه عالي علمود ميطلع شعر من الشال بس اشلون حلبسه مااعرف اخذته ورحت لسماح لكيتها استوها مخلصه الغده كالت تعالي نغسل اماعين
–يااا ولج اريد اطلع ياامعاعين
–منهو يطلعج
–مؤتمن كلتها وضحكت لان مجاي اتخيل اشلون راح اطلع ويا ولج لبسيني الشال مااعرف
–تمام تعالي وياي فوك لان حضر جنابج ماجايبه دنابيس وياج
رحنه فوك دخلنه لكينه مؤتمن يبدل دخلت وياها للغرفه دتلبسني الشال كال غزل راح اطلعين بذني
–امم لان ماعندي غيرهن
–شنهو ماعندج غيرهن لبسي عباء
–وشلون البسها هاي
–مثل باقي البشر اشلون تلبس لبسي
–والله مااعرف
–هاي هيه جاخلينه منطلع
–يعني انته دتطلعني لودتذلني والله مصايره هاي صدك قهرني عفتهم وردت اطلع كال
–انتضري شوفيلج حجاب من سماح
سماح. تره ماعندي حجاب على طولها
— فدوه دبريلي اي شي لازم اطلع
راحت ادور وهوه كعد يباوعلنه كال خلي اشوف وين تصفه وياجن
كل التطلعها لوطويله لوعريضه اخر شي راحت كالت اجيب من رجاء عدها
ضلينه وحدنه بالغرفه مااعرف استحيت لان وجودي ويا بالغرفه جان موحلوه حسيت احساس مااعرف شنو رحت فتحت الشباج اريد الهي روحي لحد متجي سماح صار بيت تهاني مقابيلي
–شنو اتحس من راح تاخذ حبيبتك
–عليش ماحاسه بي قبل
–امم لالويش ماحسيت حسيت بس كون متطلع حوبت ذولاك الناس واتطير فرحتك مثل ماطيرت فرحتهم
كام اجه يمي كال غزل لومااعرف بيج طفله ومامسؤوله عن كلامج جااتصرفت غير تصرف وياج وماخليت بيج شي صاحي ولوماكو كرن بسمع هذه الحجي من حرمته ويسكت
–لامووكتها حباب صدك اني طفله عوفك مني تعال شوف حبيبتك هسه تطلع كمشته من ايده ووديته يم الشباج اريده ينسه الصخمته بالحجي لان اخاف بدل الطلعه احصل دفره لان وجها اشوفه انطعن اجت سماح دخلت اتفاجئت من شافتنه لان جنه قريبن واحد للاخ لبالها اكو شي متدري دااسويله واهس لحبيبته اكثر
–ها بشري انطتج
–ولله لومااكلها مؤتمن كال منتطي
اخذتها ولبستها اجت على قياسي عدل اشوف مؤتمن صار اعصاب كال مقتنعه انتي هذه لبس لج شوفي جسمج اشلونه
–لعد اشلون مااروح لوشنو
سماح. اول متوصلون شوفولكم شي اشترو ابسىرعه ولبسي مكان هذه
–وشعرها شوفي نصه طالع من ضهرها بويه ناويات اتفضحني لوشنهو
–هسه حرفعه مااخلي يبين كلتها ورفعته جان واكف يباوعلي مااقتنع رد كال بعد صارت مصيبه تكبر بين شعرج طويل ورافعته ذاك وينه
–اكصه
–حتى اكص راسج وراه خبله انتييي
–لعد شنو اسوي كلتها ونزلت ادموعي لان صدك قهرني ميرضه بكلشي
استغفر وكال فضيني بالعباس محد جابها ليه اني الجبتها الروحي استاهل يلا بويه طلعي
نزلت اركض صعدت ابسرعه بالسياره اخاف يرد بحجايته اجه هزايده وصعد الطريق يخبل بس اشلون اتهنه بي ومؤتمن يمي ابسرعه سد الجامه بالبرده كال لااتضلين اتباوعين منا العالم ا
–وشنو واذا شافتني وياك غير زوجتك
–زين بعد ذاكرتها
— سكتت مارديت امبين جفصت بالحجي لمن وصلنه مكان مثل المول قبل لاننزل كال غزل صوتج ميطلع ولا اتطفرين ولااتعاندين من احجي وياج
تمشين وتدنكين بالكاع ملابس خلاعيه وملخه متوكفين يمهن اصلا فهمتي لواعيد
–لافهمت
–نزلنه كمش ايدي ومشه لان ازدحام بس حسيت قشعره بجسمي سرت مااعرف لويش بالاخص من يعصرها احس كلبي يدك رحنه نفتر بالمحلات جان مؤتمن على اعصابه يمشي وياي وكل محل اذا صاحبه شاب يطلع منه اصلا حتى قبل لاانشوف شنو بي
طاحت رجليه وهوه مامقتنع شنو اخذ كل حاجه هاي مصلخه هاي ضهرها طالع هاي قصيره هاي هاي هاي كرهني بالبس
–مؤتمن
–همم
–تعبت
–شسويلج غير انتي تردين تشترين نرجع
برطمت
صك على اسنونه وكال خره بعشيرتج لااتسوين هيج
–لعد ارجع واني مامشتريه شي
— اكو مول ثاني هسه انروحله تعالي نرجع للسياره
صدك رجعنه واني ميته تعب رحنه مول ثاني جان اشيك واحلى حتى ملابسه وغراضه اتجنن نزلنه رحنه محل جان بس بنات اتبيع هوه اخذ كرسي وكعد كال يلا اخذي التردي لان صار اليل بعد ماضل وقت واني بلشت ماخليت شي مااخذته اخذت اثنين بدلات وحده طويله وحده قصيره لان ماقبل بالقصير بعدين كال اخذيها هم لااترجعين وسويلي مناحه
مرت اكثر من ساعتين اباوعله يكوم ياخذ فره ويرجع يكعد يمكن ماطالع ويه واحد قبل لان اشوفه متفاجئ بالاشياء الااخذها وكل اشويه يستغفر ويباوع ساعته
حتى ملابس نوم هم اخذت ماخليت شي خلصت المحل على ايدي الحمد الله رحت يمه كلتله خلصت
–الحمد الله خلصتي تره صارلج 4ساعات
–يلا بعد خلصت
كام وصل للدفع واتفاجى بالسعر باوعلي وصفن كال خاف غلطانين عادو الحساب نفس الشي همزين جان جايب ويا كارت مصرفي عاد دفع طلعنه بس مشكله الغراض كوه شلناهن انترست السياره ترس صعد ديسد الباب
كلته يااامؤتمن نسيت اجيب فرجه شعر هوه مارد شغل ومشي عالسريع مثل الانصرع
نص الطريق كلتله تره جوعانه بلاغده وهسه
وقت العشه
–نوصل واكلي
–لاحباب اخذني مطعم اقلها عزيمه مال طلاك
–دار وجهه باوعلى وضحك كال هاي سهله هسه اعزمج بس هاي كلمتج السم لااتذكريها كل دقيقه ركدي
رحنه منطقه مااعرفها شنو بس شط بيها عرفته شط البصره بس منظر تحفه يخبل نزلنه جان ليل وبي مكانات خاص عوائل حجزلنه مكان كعدنه ناكل
جان على طول الطريق ساكت وحتى من كعدنه هم نفس الوضع اكتشفت مؤتمن من نوع الهادء بس اذا عصب مينحمل
الكعده جانت اتخبل والجو يموت بس الخرب الكعده تهاني كل دقيقه تتصل ويفصلها كلتله اخذ راحتك رد عادي
–تراج بعدج مرتي المفروض يكون عندج احساس
–اني لو عندي احساس ماكعدت وياك هالكعده
هز ايده وكام راح يخابر على صفحه اجه ابو الجاي كال انفضلي خلاهن الولد وراح اشويه واجه مؤتمن شافني اشرب جاي كال منيلج
–الولد جابه هسه اشوفه ضاج حيل كال اكيد كالعاده فتحي حلكج كدامه وضحكتي
–لاماحجيت بس كلتله شكرآ
— كومي غزل من طيح الله حظي
–لعد لويش اتضوج تره انته العفتني اشكد حلو يعوفني ويحاسبني ليش وحدي رجعنه الطريق كله كالب خلقته وصلنه نزل نزلت الغراض وهوه نزل الباقي شمرهن بالغرفه وراح
يلا هسه انته اشوكت اتعدلت خلقتك حتى هسه اريدك تتعدل
ضليت للصبح اقيس واعدل بالغراض نمت تالي وكت
ثاني يوم من الصبح كعدونه لان اليوم الحنه كالوحده كمشت شغله علمود انخلص من وكت خلصت على السريع رحت لغرفت احمد دكيتها رد منو فتحتها
–احمد فدوه كوم خلي اعدل الغرفه ابسرعه
–كملي شغلج علما اخذلي اشويه نومه
–دخلت ارتب المتبقى من البارحه الشغلات الباقيات كملت ضلت بس الفرشه احمد احمد
–هممم
–فدوه كوم خلي اكمل
–هسه
–يمعود راح اتصير الوحده لازم اروح للصالون
راح يعوفني ويرحن
–اني اوديج بس عوفيني
فرحت لان جذب مؤتمن ماقبل اروح واني هيج كلت ردته يكوم اشو صارت صدك همزين يلا اجت وحدها
رحت لغرفتي حضرت البدله القصيره والحذاء الااخذهن وياي وحضرت شنو اريده وحضرت الجنطه يم الباب رجعت لغرفه احمد شفت مره بالصاله مااعرفها صفنت ابوجهي كالت امنين انتي
–مره مؤتمن
–اها هلابيج
عفتها لان مااعرفها اجت عمه سلمت وبوستها كلتلها عمه اريد مبخره كملت غرفه احمد بس ابخر بعد
–احمد كعد
–لاوالله نايم بعد اصلا اشتغل وهوه نايم
عوفي خطيه تعبان من اكمل احضرله ملابسه واكعده
–يلا يعمه روحي كملي
المره جانت اتباوعلي بشكل موطبيعي اني اتعودت على هاي النضره لان ماضي ماما المشرف غني عن التعريف
بس سمعتها كالت اشلون البيت كله شباب وهاي بلا حجاب
ردت عمتي خيه طلع شعر بالسانه وحنه انعلم ميفيد
عفتهن وصعدت لغرفه احمد حضرت ملابسه وبخرت رحت يمه عالفرشه كعدت يمه العب بشعره حمودي حماده حبيبي اشوكت تكعد
–غزل حبابه عوفيني
–عمري راح الوكت كوم حضرت ملابسك
كعد يتمغط ضربته على صدره لاتذب تعبك عليه كمش ايدي وضحك عضها دااسحبها منه دخل مؤتمن كال شتسوين اهنا وخرت من يم احمد نزلت من الجربايه كلتله يم اخوي شيوي قابل
–طلعي يلا وانته احمد ماضل وكت يلا كوم فضها العالم اجت بس جان يحجي بعصبيه وطلع
–اشبي هذه خبل
–غزززل حضري روحج ولاتلغين
–اممم حبيبي بس اليوم اخلاقي حلوه وياك استغلني لان عرس واني احب الاعراس
كام ضحك ودفعني كال طلعي خلي ابدل وحضري روحج خلي اوديج
طلعت رحت ابسرعه للغرفه حضرت اموري ابسرعه ولبست حجاب وضليت امتانيه شفته نزل طلعت اركض مادام مؤتمن موهنا خلي اصعد بسياره قبل لايلكفني
احمد. اشبيج مستعجله
— لان ام الصالون عليها ازدحام كالت مالحك يلافدوه.
رحنه وصلت للصالون جان مركز جبير حاجزات البنات يمه نزلت ضل واكف لمن دخلت يالله راح
دخلت شفتهن كولهن اهناك بس اتعجبت من شفت تهاني وياهن اشكد عين وكحه هاي وسماح اعيونها حمر رحت يمها اشبيج يالعوبه
–متشوفيها اهنا حالها من حالنه وانوب مؤتمن يدفع الحساب
–مو ماعدها اهل خرفان ميكولون بعدهم معاقدين
–سكتي لااتذكريني راح اموت
–عوفيها عليه اذا ماموتتها انتضري
–غزل لاتسوين مصيبه
–لاع بس ولي عني وخليج بعيده فقط للمشاهده بس تعالي وياي بس عندي شغله
رحنه لغرفه التبديل لبست البدله القصيره وكلتله عضيني من زندي
–يااا غزل
–ولج عضيني
دنكت عضتني بس عالكيف جريت شعرها شوطتها خليتها اتعضني حيل
–يلا هسه طلعي خليني اشوف شغلي
طلعت فتحت شعري رحت لم الصالون كلتها على طوله بس سرحي وخليلي مكياج خفيف مااريد مثل هذه عيع اشر على تهاني هيه نطت
–عليش عيني لازم ماعاجبج سويت روحي
ماامنتبها رديت احجي ويه ام الصالون كلتلها بس فدوه اخفيلي علامات الي ابجسمي راويتها العضه وكلتلها الباقي جوه اريد اتخفيهن
ضحكت كالت حقه يتخبل عليج جنج حوريه بس عوجت لسانج كافيه
كعدت وهيه بدت تشتغل اجت سماح كالت شنو سويتي ولج تهاني تبجي
–كولشي مسويت بس تدرين بمؤتمن للصبح ميخليني انام شوفي جسمي كوله امزورك
— ههههههههه ولج راحت اتخابر مؤتمن لحكي كملي لان هسه يجي يسحلج
–سمعتي ام الصالون راح انسحل خلصي ابسرعه
اشتغلت بس للامانه شغلها جان تحفه ماعرفت روحي حتى جسمي صبغته كالت مامعتازه انتي صبغ بس اني اصريت اريد اموت تهاني
اجت سماح تركض كالت مؤتمن يكول خلي تطلع غزل
تهاني جانت واكفه كوه كامشه روحه لاتضحك عود متشمته خبثت
–سماح اخاف اروح ويا وتالي يخرب مكياجي اتعرفين مؤتمن ميكمش روحه بهيج اشياء
–دروحي هسه واني امكيجج
–يااا وشعري لافدوه مااروح هسه يخليني اسبح من جديد
–غزل مؤتمن بالباب واكف على اعصابه طلعي لايسويلنه مصيبه
طلعت لان شفت روحي كلش حميت راح انكشف جان مكان مدخل رحت بي لكيته واكف شال راسه حجه من بين اسنونه منهو كلج اطلعين
–احمد جابني
–واشلون مصلخه كدام العالم هيج
–تره بس نسوان
–لاتخليني اسبج انتي والنسوان وهاي النسوان شنهو ماعدها ارجوله اتروح اتسولفلها
–لويش يعني هسه اني هم اسولفلك على البنات
–مسح وجها وكال غزل الج دقيقتين اتلبسين واشوفج مزروعه بالسياره لاوروح عمي ادفنج بكاعج
–امم لعد روح شوف تهاني اشلابسه
–خره بتهاني اكلج لبسيييي وتعالي ابسررررعه
رحت شفته صدك معصب دخلت لكيتها تضحك لبالها عود انتصرت حجيت بصوت تسمعه لج سماح هذه مات غيره يمكن لان عصب على البدله وداعت ماما كلتله لعد تهاني هم لابسه قصير كال خره بيها شدخلني
جنت البس واحجي عفتها وراي اطفر قهر وطلعت شافني كال ضمي وجهج لاطلعين هيج
انداريت اريد اخلي الشال شفتها اتباوعلي من الشباج الفوك خليت الشال وصحتله كلتله تره مدااشوف
اجه يمي كال يلا شبكت ايده وكلتله اكمشني حيل تره والله هسه اتفرطح وافضحك كدام العالم اسمعه استغفر وكمشني من خصري وعصره كال فضيني
–ااااي مؤتمن تره دتااذيني
–اشتعلت عشيرته حسج يالمصيبه كم اكلج لاتفهين بالحجي ياغضب الله
وصلنه صعدت بالسياره وعيني بيها واني احس الفرحه بعيوني اتريد تطلع صح ماعندي شي وياها بس مااعرف لويش كرهتها حسيت بس اريد انتقم منها مع العالم مااعرفها مااعرف هيج اسوي اريد انتقم من مؤتمن لان اعرف راح تتعارك ويضل اليل كله يتوسل بس ترضى
وصلنه نزلت دخلت للغرفه نزعت الحجاب طلعت من الغرفه لان عرفت وراها مصيبه هاي الدكه رحت لغرفه احمد اركض دخلت لكيته يبدل كال شكو
–احمد اخويه حبيبي الحكني
–شنهو شمسويه من مصيبه
–فدوه راح انكتل احميني مو انته اخوي
–غزل غزل شكو غير تحجين
–مؤتمن يريد يكتلني لان مرته الجديده غارت مني لان احله منها وحالته لااتخلي يكتلني حباب
–ابكيفه اشحده يوصل صوبج بس غزل شنهو لابسه
طالعه حلوه مو ييي اخبل مو رحت ركضت بسته ابخده وحضنته احلى اخو انته ياربي يسعدك وتتهنه بعروستك
خليته ينسه لبسي وفرحان ذكرته بعروسته ضل يسال اشلون طالعه وشنو حجت واني اسفط جذب من يمي لمن دخل مؤتمن للغرفه كال صار ساعه ادور وانتي اهنا
ابسرعه كمشت ايد احمد هوه وخر ايدي وخلاني بحضنه هاي غزل يمي جاي اتساعدني بالبس رايد شي
اشوفه يشتعل وينطفي وخاصتا شافني بحضن احمد ومصلخه بس خلي اتغير هذه لبسها كالها وطلع شبكت احمد اتشكر منه رجع فتح الباب كال احمد جيب وياك وسكت وخرت عن احمد اجه هوه سحبني كال موكافي مصاخه وانتي جيب وياك الكامره ولااتطولها يلا
اخذني ويا سحل
–مؤتمن حوكع
–انجبي وحسج مااهيسه امشي
–مؤتمن اشبيك عالكيف امشي
–لج امشيييي
وصلنه للغرفه شمرني وكال اذا سمعتج طالعه منا اطيح حظ اهلج اسمعتييي
–لعد شنو ماراح احضر العرس
–لامتحضري وهاي شنهو الزراك بمتنج
هاا هذه هذا اا
غزززل منين اجه
سماح عضتني والله اشبيك
اجه يمي على مكان الزرك كرصها حيل خلاني اطفر كال متتشاقين ويه بشر اذا بس لمحتج واصله صوب واحده افصم راسج سمعتيييي
دخلت عمتي ام مكرم كالت شنهو الصار
—هاي متطلع منا بعد وحنيه زايده ويه احمد ماكو اذا شفتج يمه اكسر رجليج عافنه وطلع
–ولج غزل لاتخبلين الزلمه
–عمه اصلا مسويت شي
–ياااا راح تجلط الزمه واتكول اشسويت يمه ترا يغار لاترحين يم واحد بهذه البس حتى لو اخوج ولج يمه مؤتمن بطبعه يغار موانوب انتي مصلخه وتفترين انتي شعراتج من حضن لحضن من اشوكت احمد صار اخوج وحنيتيلي تره لعبتج مكشوفه غزززوله يمه
–والله عمه تردين الصدك شفت تهاني مقهره سماح قابل اعوفها هيج
–لاخبلي الزمله وخلي يمشي ويحجي ويه روحه امسود زين من طلع يردم حطان ميشوف دربه
–عفيه لازام اخذ ثار هاي بتج خوثه لازم اوكف وياها
–ياخوفي انتي وبتي تتخبلن من وره تهاني
هيه طلعت واني غيرت لبسي لبسيت البدله الثانيه وكثرت عطر قوي بس لعبت روحي منه مااعرف ليش اخذت نفس ورجعت خليت مكياج طوخته
اجت العروس الهلال اتعالت بالجو طلعت اركض بس البدله جانت اشويه مفتوحه من فوك هسه يكلي ضميتي الجوه طلعتي الفوك يلا وين حيشوفني بعد رحت ويه البنات العرس جان يخبل هوسنه وركصنه واتعرفت على مرت بابا طلعت نفسها المريه الي اجت الصبح بس مالها شغل بيه فرحانه بعرس ابنها واني هم مارحت يمها لان جان تركيزي ويه تهاني صرتلها مثل ضلها لان عرفت تتختل اتريد تلتقي بمؤتمن
واني هم على عنادها كل اليسأل منو هاي اكول بصوت عالي مرت مؤتمن اريد ادقها
سماح. بس خيه ماتعبتي من التطفر
–دشوفيها حتموت اشلون دتباوعلي
— اشعملت من رحتو من الصالون ساعه كامله تبجي وراكم خفت لايصير شي بالطريق بيكم
–حيل بيها مو اتريد اطلكني يالله تتزوج خلي العب على اعصابها اشويه واطلك بعدين
—
–منهو يطلكج مؤتمن امم صدك عليش غيرتي وين بدلتج ذيج
–كلت بصوت عالي موكلتلج مؤتمن ماراح يكعد عاقل اول سحبه اجت بيده من الطول للطوال كوه فلتت روحي وقنعته لليل يأاجلها
ماخلصت الحنه واله واني شبعتها قهر وبجي بس حسيت روحي بهتانه رحت للعمه
–لحكيني حموت
–شنهو صابج ولج
–مااعرف بطني توجعني
–اي اركدي من التطفر يمه اشكد طفرتي
مرت بابا كالت غير فرحانه بعرس اخوها
–اي والله خاله كوليلها كم اخو عندي غير بس هذه لعد المن افرح
اشلون العجوز اتخلي الواحد ماخذ راحته لازم اتسممه كالت بعد كم يوم عرس شيخ الشباب وفرحي ركص للصبح هاي فرحتنه الجبيره راح تجي ام احفادي العزيزه
امم خليها على كبرج فرحي بيها
عفتهن وكمت عود اجيت اشكيلها وجه القرد طلعتني ضايجه وعلى شنو ضايجه هم مابيه خير
رحت الغرفتي بدلت وخليت راسي على المخده داانام دخل مؤتمن قبل لايحجي كلتله فدوه روحي راح تطلع لاتطلعلي سالفه وتحاسبني عليها والله حموت
اجه يمي كال اشبيج كعد يمي صار ابصفي اشتميت عطره لو حسيت معدتي كلبت دفعته وركضت للحمام اتقيأت
دخل وراي اشبيج غزل طبعا اكيد بردتي من لبسج هذه
لاع مابردت بس يمكن اكلت شي بايت
رجعت لفراشي كامشه بطني
–كومي اوديج للمستشفى
–لاهسه انام اصير زينه بس وخر مني عطرك مطيب
–يابه وخرت اصيحلج عمتي
–لاراح انام احس راسي طبل صاير بس طفي الضوه من تطلع
–لاراح اضل اهنا علما تبدي الحنه وطلع لان نسوان بغرفتي
غمضت اعيوني وهوه اتمدد يمي بس احس معدتي تكلب كل اشويه اريد اتقيى وخاصتا مؤتمن عطره سطرني
–مؤتمن
–ممم
— راح اموت وخر فدوه
–شنو بويه منهو واصل صوبج
–لاعطرك لعبت روحي منه
نزع تشيرته وشمره كال يلا هسه ارتاحي نامي
انداريت للجها الثانيه نمت تالي اليل حسيت ايد تتلمس بطني ونفس بركبتي عصرت كلبي خفت يرد بحجايته احس يطبع بوسات خفيفه على خدي كوه اتمالكت نفسي بس من وصل يم شفتي اتحركت بطل ابسرعه واسمع حسرته اشطوله انگلبت للجهه الثانيه
رجعت نمت للصبح مادريت ابروحي اشكد رمو الهوسه مالت الغنه للصبح ولاعلى بالي لان اول مره اتعب هالكد بعد اتوبه اخبث اثاري الخباثه اتعب
الصبح كعدت على احد يتلمس بوجهي فتحت اعيوني لكيته مؤتمن
–صباح الخير
–صباح النور
–اشلون صرتي
–لاتمام بس جوعانه
–يلا اذا عالجوع سهله كومي البنات صايرات هوسه ومااكدر اطلع كومي سويلي طريق
–لويش انته بايت اهنا من البارحه
–اكو اعتراض
–لابس ماحسيت
–وانتي اشوكت حسيتي حتى متفاجأه هسه البنات جانن نايمات فوك ماكو مكان اطريت انام اهنا
كمت رحت للحمام غسلت وبدلت ملابسي طلعت ردت امشط حسيت روحي مابيه حيل
–بيج شي
–امم روحي بهتانه
كام اجه يمي غزل من البارحه كلتلج اوديج للمستشفى عليش اتعاندين يابويه
–لامومال مستشفى هسه اصير زينه يمكن لان جوعانه
مشطت اشلون مجان وضفرت شعري ردت اكوم حسيت بدوخه سندني كال غيري خلي اخذج انوب اشتميت عطره دفعته وركضت للحمام اتقيأت مااعرف لويش هالكت كرهت هذه العطر
–انتي عليش هالكد عنوديه بويه خلي انروح انشوف شنو من قز القرط بيج
–لامهسه العصر اذا مصرت زينه اخذني
دااطلع وحسيته سحبني من ضفيرتي كال وين اليوم عدنه ولد خلي شي علي راسج
رجعت لبست الشال اشلون مجان وطلعت للمطبخ كلتلهن مؤتمن يريد يطلع سون مجال
طلع مؤتمن واني كعدت يم سماح خليت راسي على الميز
–اشبيج
–روحي راح تطلع
–اخذتي عين من البارحه
–امم حوبت تهاني ضلت اطفر وراي
–يااا غير چا ماسولفتلج البارحه هم شاركت بالخباثه اتعلمت منج
–شنو
–اشو كعدتي مابيج شي
–مو اكو خباثه كولي شسويتي
–ولج ضلت لتالي اليل اهنا للحنه مالت الزلم هيه وامها وانتي ماكو مااعرف اشلون اردها عني اجه مؤتمن كلتله النسوان بغرفتنه بس غرفت غزل خاليه روح اهناك واجيت يمها كلت مؤتمن ميفوت هيج ليله اخذها ونام من وكت حتى الحنه عافها ماشاف شنهو چدامه
–عززا واني اكول لويش اجه واني اطرد بي
–ولج غير اخذت امها وطلعت يمكن انجلطت بليل
–تستاهل مواتريد خراب خلي تستلم
الولد طبخو الغده وجابو طباخ للعشه واحنه وياهم بالشغل بس اني جانت حالتي ابد موخير اتروح الدنيا وترجعلي
للعصر خلصنه كولشي وصار وكت الزفه مؤتمن دز خبر لااني ولاوعمه انروح للزفه
استسلمت للامر الواقع لازم كل شغله ادخل حرب طاحنه ويه مؤتمن يالله احصلها
رحت للغرفه بدلت وكملت شغلي لان حتوصل العروس وهنه استعدن للزفه وطلعن
كملت كلشي لبست شال لان شباب حتدخل لازم اتحجب
طلعت عمتي كالت غزاله وجهج اصفر يمه
–مااعرف عمه يمكن تعبت رحت يمها خليت راسي بحضنه ضلت تمسح على شعري
غمضت احس روحي تعبانه اشلون مشموره من مكان بعيد ضليت ابحضنها لمن دخلت العروس والضرب وراها والهوسه
رحت يم الباب اباوعلها بالبدله البيضه طالعه اتخبل كلبي عصرني حزت ابكلبي البدله اتمنيت البسها وصير عروس اشوفها اشلون فرحانه وتضحك واحمد طاير وياها كمشها وكعدها وهيه اتعدل ابروحها وخر البركع عنها وباسها منضرهم يخبل ليش اني ذني كلهن مامريت بيهن كل وحده تحلم بهذه اليوم واني بشنو حلمت
كوه سحبت النفس نزلت دمعتي مسحتها شفت مؤتمن واكف يمه ابتسم واتحسر
درت وجهي حسيت ايده انمدت على متني وضمني اله همس بذني كال جنج على بدله بيضه هسه اجيبلج المول هوه وبدلاته
دفعته وخرت من يمه داارجع للغرفه شفت تهاني واكفه كدامي كالت انتضري عندي حجي وياج
–تعبانه وروحي طالعه وخيري
جرتني من ايدي حيل وكالت لواتموتين البراسج ميصير رجعت عليها صفعتها راجدي
ماسمعت غير مؤتمن وراي صاح غززززل
خفت انداري خفت انضرب اجت عمه كالت كولو يالله العالم اهنا لاننفضح اخذتنه للغرفه بس اتريد الوضع يهدء لان مؤتمن اتخبل من شافني ضربتها كدام العالم وشافها تبجي
دخلنه للغرفه وتهاني بلشت بجي وشكاوي اخر شي كالتله اشوكت اطلكها لواطلكها هسه لومتشوف وجهي بعد
–اششش صوتج بوييه مناا العالم
–كلتلها ماراح يطلكني تعرفين لويش لان مو رجال مو كد كلمته
هوه اندارلي وركضت عمتي كمشته علمود لايضربني واتكله دخيلك يعمه ماتفهم دخيلك
–انتي طالك
فصول الرواية: 1 2