للكاتبه leo Alfatlawi
زلم اهواي بالبيت بس هذه كله مواباله ولااسمعهم بس محتاره بروحي لان احس نهايتي قربت الالم مينحمل احس شي مني
ينشلع كل صرخه اصرخها تطلع من كلبي
اباوع المره العجوز اليمي اتخوف دخلت بيبي وياها كلتلها يلا فضيها لاتخليها اتلوع
–حجيه هاي ازغيره اخاف اتموت
هيه كالت اتموت والخوف اتضاعف كمت ارجف واصيح ماما لحكيني
بيبي. لاع ماعليها متموت جنها احصان نزلي الفرخ وخلصينه واذا ماتت هذه حد يومها
–راح اشتغل بس بمسؤليتكم
–اكلج متموت فضينه قبل لايجي زلمتها ويسبينا
اني شفتها كشفتني واني كمت اصرخ ولك مؤتمن الحكنيييي مؤتمننننن
لان عرفت هاي ناويه على كتلي كلبها اسود من وجها شنو الكقد الشايلته
العجوز تسحب بثوبي واني ادفع بيها واصرخ لمن صوتي انبح الخوف جان امسيطر عليه ضربتني بيبي بالعصه وكالت ولج خليها اتخلصج دمج راح يخلص وتموتين يمصخمه
–مااريد عوفوني طلعو منا ولك مؤتمننننن
هيه تتعارك واني ادفع واصرخ دخل على صوتنه مؤتمن كال اشصاير