رواية زمردة الزين 
تانى يوم الصبح…….
صحى زين قبلها ولقاها منكمشة فى بعضها عشان متتعداش حدودها
( خيبت امالكوا ومصحيوش فى حضن بعض هاا 
) ( نيهاهاهاها 
)
) ( نيهاهاهاها )ضحك ضحكة خفيفة على منظرها وقعد يتأملها شوية وهى حاولت تتحرك بالراحة وخلاص هتصحى اول ما زين شافها عمل نفسه نايم بسرعة
صحيت زمردة ولقيته نايم جمبها وقعدت تتأمل ملامحه الوسيمة شوية بردو
واتنهدت تنهيدة خفيفة وقامت من على السرير وراحت
تتوضا عشان تادى فرضها وخرجت من الحمام لقت زين فى حمام اوضته راحت صلت وخلصت واكتشفت انها مش لابسة فردة حلق واحدة اتفزعت لأن ده حلق والدتها وغالى عليها جدااا
وقال اكيد وقع فى الاوضة هروح اشوفه
ودخلت اوضتها تدور عليه ونسيت خالص حوار الفار
دخلت وعمالة تدور تحت السرير وفى الأرض لقت الفار جرى قدامها تحت السرير اتفزعت وصرخت
وزين كان لسة خارج من الحمام ولبس البنطلون بس من غير تيشيرت راح جرى عندها بسرعة
وهى عمالة تخبط فى الارض برجليها وتصرخ وتتنطط
زين مسكها من كتفها وعمال يهزها عشان تهدأ
زين : اي فى اي فزعتى اللى خلفونى أهدى مالك فى اي يا بت بس اقفى فى اي
زمردة بفزع : الفار الفار عدى من قدامى هنا تحت السرير
زين فى نفسه : يا شيخة منك لله قطعتيلى الخلف 
زين بارتياح : يا بنت المجنونة فزعتينى قطعت الخلف انا قولت اي امبارح وبعدين اي اللى دخلك هنا اصلا يا زمردة