رواية حب بعد الزواج الفصل الثامن عشر 18 بقلم جمانة السعيدي
رواية حب بعد الزواج الجزء الثامن عشر
رواية حب بعد الزواج البارت الثامن عشر
رواية حب بعد الزواج الحلقة الثامنة عشر
خلف اذا ماانفذ هاي الخطه بدقه مراح تنجح
رشا ذكيه ومراح تصدك بسهوله
رجعت للببت وانتضرت حمودي بجي علينا
وابوي هم اجا
خلف…يمه اني اريد مره ( حتى امي وابوي مايعرفون بلخطه)
امي…الله يستر ومريتك
خلف…عوفيها يم اهله شعليه
ابوي…لا مااقبل تزوج على رشا
خلف…حضرت جنابه ماتقبل ترجع وياي قابل شمسويله
ازوج واشوف حياتي
الي بعمري عندا اطفال ثنيين
ابوي…لا هسه تتصالحون
خلف…ماكو صلح بعد واني مو زغير هم اريد اشوف جهالي
اعيش حياتي
اجي كم يوم اخلصن اركض وراها
عليمن هلمنيه ازوج احسن
امي…اي ولله صدك
خلف..من باجر ترحين ادوريلي مره لا تخافين من رشا
لان عدها خبر تعرف اني راح ازوج وهي موافقه
ابوي…تحجي صدك
خلف…طبعا صدك شنو اتشقا مثلا راح تكمل شهرين زعلانه
رحت عليه الف مره
شنو قحط نسوان خوما قحط
احجي بثقه وعصبيه حتى الكل يصدك وأهم واحد حمودي
حتى يوصل السالفه الرشا
انتضرت حمودي يروح البيت اهله اريده ينقل كلشي الرشا
حمودي …ماما خلف يريد امه تخطبله مره
ام رشا…شنو مره
حمودي….يعني عروسه .يريد يزوج
رشا…منو الي يزوج
حمودي …خلف
رشا…لا مايزوج بس يهدد
حمودي…ولج وصا امه باجر ادورله عروسه وعمو كاله
ومرتك يكول تبقى ببت اهله شعليه
رشا…شنو تبقى بيت اهله ولله اكلب الدنيا علي اني يزوج عليه هو بكيفه خل يطلكني ويزوج براحته
ام رشا…حقه شلعتي كلبه صار شهرين يركض وراج ويتوسل بيج حتى ذهب جابلج
وانتي ماتقبلين ولله خلف خوش ولد ومايتعوض
والف وحده تتمنى
رشا…اي يطلكني ويروح يزوج براحته
ام رشا…اني ماادخل نصحتج جمانه السعيدي ومايفيد وياج الحجي
راكبه راسج اي غلط واعتذر قابل هو ناكر غلطه
رشا…تمددت وماكدرت انام صدك خلف يزوج غيري يعني يبطل مني
وبعد مايريدني شنو مايريدني هو كال احبج
لا مستحيل مستحيل خلف يسويه
ماكدرت انام ولا اغمض عيوني كتلني القهر
اي اني احبه بس مااريد ارجعله
خلف…ثاني يوم كدام حمودي اللح على امي
….يله يمه روحي اخطبيلي اريدها حلوه كون بنيه
مامزوجه اريدها حلوه
حتلو مامكمله دراسه اريدها زغيره
يمه فدوه بسرعه كون المره الجايه من انزل ازوج
ادفع باامي وماكووو
فعلا امي طلعت ادورلي مره
خلف…ولك حمودي امي اذا لكت عروسه الك دينار هديه
حمودي…ماأخذ منك رشا ماتقبل
خلف…رشا شعليه
حمودي مو رشا البارحه ضاجت من سمعت تريد تزوج
خلف كلت بكلبي هو اني اريدها اضوج بلكت تحس شويه
امي رجعت وكالت وصيت كم وحده ادورلك مره
هذا الحجي كدام حمودي
واني كمت اكمز اي عفيه باامي
فدوه اروحلج كلبج على كلبي
حمودي من رجع الاهله فجر القنبله النووويه
اليوم عمتي طلعت ادور مره الخلف
رشا…ياا هاي المره شبيه تخبلت ولا غزرت وياها العشره
طالعه ادور مره الخلف
بقت رشا تترصد الاخبار تخاف خلف يعوفه ويزوج
وحده ثانيه
خلف بليل رجعت أكدت على امي ادورلي مره واني راح التحق ومن ارجع يصير خير
بهذني اليومين مارحت الرشا ولا شفته
حتى تصدك التمثيليه
ولا شفته ولا شافتني يومين اني ماواصل بابهم
اريدها تفكر زين
وهذا الشي حرك نار الغيره بكلبه اكثر
اريدها تستوي على كيف جمانه السعيدي حتى من ارجع هلمره الكاها بيتنا كاعده
كون تنتضرني بس تشوفني تكول التوبه بعد مااعوفك
القوات العراقيه جانت زارعه اللغام على الحدود بينا وبين ايران كانت مهمتنا نطهر هاي المنطقه من اللغام
تبقى اللغام على الحدود فقط يعني مو نسبه جبيره
واحد من هاي اللغام انفجر وماكدرنا نسيطر علي
الولد الي قريبين علي ثنيبنهم ماتو واني دخلت شضيه
بكتفي ووحده ابطني
انقهرت على جماعتي اكثر ماانقهرت على نفسي صدك الموت وين ماجان يعني الحرب خلصت وهمه ماتو
على سبب مامتوقعينه ولا يجي بخاطرهم
المهم نقلوني للمستشفى العسكري وكدرو يطلعون الشضايا
من جسمي وانطوني اجازه شهر
الوحده العسكريه اتصلو على ابوي وبلغو بخبر اصابتي اجا هو واخواني ثنيبنهم حضرو العمليه
امي مااحجيلكم كالبه الدنيا بلعياط متهستره
رشا..كاعدين وسمعت عمتي عاطت راسا امي لبست العبايه وراحت عليهم تريد تعرف شكووو
شويه وسمعت امي عاطت وثنيبنهن يبجن
رحت ورا امي اريد اعرف شكو شصاير
اني سمعت خلف متصوب واني كلبت الدنيا بلعياط يمه
كلشي اله خلف غير اموت إذا صار بي شي
الدنيا صارت سوده بعيني من سمعت الخبر
هاي اليله أصعب ليله مرت عليه كنت خايفه علي بشكل مومعقول
امي رجعت البيتنا واني بقيت بيت عمي
لان عمتي بس تبجي ومنهاره فد مره
ووحده بلبيت بس حماي الزغير وياها
نضفت البيت ورتبت الغرفه وعطرته بقيت كاعده وادعي الله يعديها سلامات
خلف الحمد لله وضعي ماكان محرج الشضيه الي بجتفي
ما داخله جوا قريبه بسرعه طلعوها
بس الي بطني داخله عشره سانتيم بطني طلعوها
بس يرادلي وقت يله اتحسن
ثاني يوم الدكتور كال تكدرون اطلعونه العصر طلعنا من المستشفى
ابوي واخواني حالتهم حاله اول مره اشوف ابوي يبجي
انقهرت علي حيل جمانه السعيدي
وصلنا للبيت امي لاكتني تبجي بصوت عالي اجت تركض وحضنتني واني احاول اطمنه
رفعت راسي شفت رشا كبالي ودموعه تجري منا ومنا
نسيت الوجع نسيت التعب والخوف
اخواني كامشيني منا واحد ومنا واحد وامي ابوي كدامي
اشرتله بعيوني تعاي
قربت حضنتني حيل
خلف…اخ اخ وجعتني
رشا…خفت عليك خفت مااشوفك بعد تحجي وتبجي
خلف…لا تبجين مااموت اريد عشر جهال منج
دخلوني للصاله والناس والجواربن كله اجتمعت عليه
وام رشا جابت جكليت طشت عليه
وتحمدتلي بلسلامه
كل الي اجوني من الاهل والجيران ماكو على السانهم غير انت ماتتصوب بلحرب
هسه من خلصت الحرب تصوبت
كتلهم نعمه بس على هاي جماعتي ثنيبنهم ماتو كدام عيني
بليل من الناس كله راحت كتلهم اريد بغرفتي
امي… ابقه هنا يمه واني اكعد للصبح يمك
خلف…لا اريد بغرفتي يم مرتي
اجت رشا وصادق وصلوني الغرفتي ونمت على الجربايه
رشا…اجيبلك بعد مخاد
خلف…لا تعاي نامي بحضني
رشا…مو انت مسوي عمليه
خلف…بس اشم ريحتج اصير احسن
فتحت الكنتور وطلعت ثوب نوم ابيض وبدلت كدامي
اول مره تبدل ملابسه كدامي
اشرتله تعاي من هاي ايدي الي مابيه عمليه
اجت نامت بحضني
رشا…خاف ااذيك
خلف…لا مااتاذيني بس اشم ريحتج أطيب كل جروحي
رشا…ولله خفت عليك
خلف..تحبيني
رشا…اي احبك
خلف…ليش شلعتي كلبي اذا تحبيني
رشا…لان ضجت منك ضربتني
خلف تحجي بدلع حركت اهل اهلي
رشا…اني زعلانه
خلف.. النوب عليمن زعلانه حتى هلمره اروح اضرب نفسي هاون حتى ارتاح جمانه السعيدي
رشا…تريد تزوج وحده غيري وين الحب الي تكول علي
خلف…اي مو دمرتيني رجليه طاحن من الروحه والجيه
اعتذرت الف مره كلت