رواية حب بعد الزواج الفصل الأول 1 بقلم جمانة السعيدي
رواية حب بعد الزواج الجزء الأول
رواية حب بعد الزواج البارت الأول
رواية حب بعد الزواج الحلقة الأولى
اني خلف اسمي قديم كلش بس اله سبب
اهل قبل يسمون الطفل الاول اسم غريب حتى يعيش
اني اسمي خلف حتى تجي خلفه هواي من وراي
بمعنى واحد يخلف واحد أو واحد يجي ورا واحد
قبل الأسماء غريبه عجيبه
اكثر الناس كانت تمشي جثير اي كثير
حتى أطفالهم يكثرون
او عجيل حتى الجهال تجي بلعجل
مواليد ٦٨ طولي ١٧٠ اسمر شكلي عادي يعني الملامح العراقيه العاديه بس شكلي حلو مقبول
جسمي عضلات قوي جدا والحمد لله
تعرفون ليش قوي لان الاكل كان كله أشياء طبيعيه
لامواد حافظه ولا شغلات مجمده
الخبز كبل من التنور والحليب طازج والروبه امي تحضرها بلبيت واللحم اليوم بيومه
بالاضافه للعمل اليومي اني من عمر زغير اشتغلت
ولهذا السبب جسمي بنا عضلات
احنا اربع ولد وامي وابوي
اني اكبر واحد بلعائله شخصيتي قويه والكل يحبني
يعني اهلي الجوارين كله تحبني وتحترمني
اول ما بديت افتهم وتحديدا بعمر سبع سنوات طلعت اشتغل حتى اساعد ابوي
مو بس اني الشي الطبيعي بذاك الوقت الولد كله تشتغل
وهي زغار يعني تفتح عيونه على العمل وتحمل المسوليه
هم نلعب مرات بلشارع على وقت الفراغ نلعب جمانه السعيدي
من اسجلت بلمدرسه ماحبيته هلكد
كنت اجيب الجنطه اخليه بلغرفه وارجع الصبح اخذه واطلع لا افتح كتاب ولا دفتر كلش ماأحب المدرسه
وهم ماكو اي احد يحفزني على القرايه
لو يهتم اني قريت لو لا امي مره اميه لاتقرا ولا تكتب
المهم من ارجع من المدرسه اشمر الجنطه والصبح اخذه واطلع من ارجع للبيت
لو اطلع للشغل لو انلعب بلشارع
هسه من اذكر أتعجب شلون اني طلعت اقرا واكتب
وخطي كلش حلوووو سبحان الله
وشلون كنت أنجح سنه على سنه
نجاح بلدفعات يعني مجرد نجاح ماكو هيج صراحه
امي أطيب كلب بلدنيا بس لا تقرأ ولا تكتب بس ابوي كان يقرأ ويكتب كان يشتغل حارس ليلي بلمدرسه
وبلنهار يطلع للسوك عندا عربانه يبيع بيه ملابس خياط
يعني يجيب قماش وجوارينه تخيطله ملابس أطفال وبجايم
يخلينه بلعربانه ويبيع بنص السوك القماش الشتوي بازه
والصيف بو لستر
بس شنو خير من الله
ناكل احسن اكل جمانه السعيدي وماناقصنا شي
رغم بساطة الحياة بس كلش حلوه
قبل امي تخبز كل وقت بوقته تكعد الفجر تعجن وتخبز
والضهر هم خبز حار وبليل هم تخبز وجبه ثالث
اتكول الخبز البارد ماينوكل
طبخه كلش كلش طيب
بس ماتعرف تطبخ دولمه ولا كبه ولا هاي السوالف
تمن ومرك بكل انواعه واذا عشى نكلي طماطه وبتيته وبذينجان وروبه
قبل الناس بليل تسير ناس على ناس وتكعد تسولف وتضحك وتتشاقى
بفترة السبعينات ماكان عدنا تلفزيون
الجوارين تجي ناس على ناس ونتونس اكيد يلعبون دومنه
وشطرنج والجاي يفتر هاي الكعده بذاك الوقت
شي ماينوصف يسوا التليفون والنت
ابوي ماعندا غير اخ وحيد
عمي علي إذا تشوفه مستحيل تصدك هذا اخو ابوي
ابوي رجال معكل وشخصيه والناس كله تهابه وتحترمه وتحسبله الف حساب
بس عمي لا طالب يدرس كله بنطرون وقميص
ويحجي بصوت ناصي وهادء كلش
عمي انقبل كليه بغداد وهناك تعرف على بنيه وحبه
وازوجو ١٩٧٢ اني بوقته عمري ٣ سنوات
بلبدايه العروسه زوجت عمو علي اجت كعدت ويانه بلبيت
بس ماعجبه وضعنا
وماكدرت تعيش ويانه احنا عايشين حياة كلش بسيطه
ومابيه اي نضام الاكل بوفيه مفتوح طول الوقت اي واحد يجوع يروح يطبخ اي شي وياكل بيض طمامه
بابنا مفتوح ٢٤ ساعه الجيران تجي وتروح بااي وقت
طبعا هذا وضع كل البيوت عايشين حياة شعبيه بسيطه
بقت شهرين وشردت الاهله
اهله ناس شبعانين اجروله بيت قريب عليهم وكعدت هي وعمو
وصار عدهم بنات ثنيين ولد
رشا ونهى ومحمد
عمو كان يزورنا وحدا اما زوجته و اطفاله لا مايجون اله مناسبه قويه يله نشوفهم
من تخرج عمو التحق بلجيش حاله حال كل الشباب بذاك الوقت
وكان مطمن على زوجته لان بيت اهله قريبين عليه
وقايمين بكل واجباته
واحنا نطمن على اخبارهم من الجوارين جمانه السعيدي
جيرانه يداوم بنفس الوحده العسكري وياا عمو
كنا ندزله رسايل ومرات ندزله اكل
اني الحد الان ماكتلكم اني شنو اشتغل بهيج عمر
يمكن راح تتفاجئون لو تضحكون
بس هو هذا واقع حال
مو بس اني كل الاولاد بلمنطقه يشتغلون نفس الشغله
شلون هسه كله تشتغل على التكاتك
اهلي اشترولي زمال حشى القارى
قبل ماكو مثل هسه تكتك ولا ستوته والسيارات قليله
بس الناس الشبعانه تصعد سياره
والسيارات اكثر شي نصعد بيه من ننتقل من محافظه المحافظه
اما التنقل داخل منطقتنا رغم احنا ساكنين بقضاء يعني مو منطقه ريفيه
قضاء بااحد محافظات الجنوب بدون ذكر المحافظه
يعني احنا نسميه ولايه
التنقل داخل القضاء كله على الاقدام
يعني الي ير وح للسوك يروح مشي جمانه السعيدي واذا جاب مسواك
ثكيل يااجر واحد عندا زمال يشيل المسواك للبيت بااجره
اما النساء لا كانت يشيلن المسواك على راسهن للبيت
حتى المستشفى كانن يرحن مشي رغم المستشفى حيل بعيده تقريبا ساعه مشي بس هو هذا الوضع بذاك الوقت
على فكره عيب النسوان تدخل للسوك اله شي ضروري
الرجال هم الي عليهم مسؤلية المسواك
اما الوضع وياا الجيران كان ماشي على محبة الله
يعني ناس تدخل على ناس بدون استاذان
وباي وقت
يمته ماتروح الجيران يرحبون بيك
تلكاهم ياكلون اكعد واكل وياهم
يسولفون اكعد يشربون جاي اكعد وكانما ببتك
اني كنت ولد شاب وادخل على جوارينه كبل اكعد وياهم
وبناتهم بدون حجاب نكعد ونأكل ونشرب سوا
امي اذا تخبز والجهال يشمون ريحة الخبز
يدخلون كبل من الشارع ياخذون خبز
البيبان كانت مفتوحه على طول وماكو خصوصيه ابد
المهم اني اطلع على الزمال واشيل كروه الاي مكان
اندل الولايه كله
كنت احصل فلوس خير من الله كانت بذاك الوقت الفلس والدرهم ولله فلوس قبل بيهن بركه مو طبيعيه
اول ماجابولي الزمال تكرمون مااكدر اصعد علي لان عمري ٧ سنوات يعني زغير
كنت اخلي طابوكات واصعد علي
واذا واحد عندا غراض هواي لو مسواك ثكيل
هو يشيله ويخلي على الزمال لان مااكدر اصعده
تكدرون تتاكدون من كلامي وخاصه محافظات الجنوب
اسئلو اهلكم اقصد الكبار بلعمر
اما بغداد مااعرف شنو الوضع كان عدهم بهذا الوقت
الحياة كانت بسيطه شكد ماتتوقعون
بسيطه وحلوه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب بعد الزواج)