رواية عشق الثأر الفصل الثاني 2 بقلم مينة طلال – للقراءة المباشرة والتحميل pdf

-چا هيچ الاهل عثره،

الأهل على الگلب راحت بال،

اهلنه شبيهم ويانه،

صارو على الکلب حسره،

من شافونه مكسورين،

ماجبرو كسرنه ولا حچو كلمه،

ملح فوگ الجرح وگعو،

وجو فوگ الكسر كسره،

الما مرتاح يم اهلة،

ما مرتاح كل عمرة..

_______

دُموع…

_ اشوف ولد شاب مبين من الجامعة مرتب…

لابس بنطرون نيلي وقميص اسود فوكاه جاكيت نيلي باوعلي وسألني عن ابوية وكال عمو صفنت علية!عمو يـعني يعرفني!

_ اي نعم ، بس العفو منو انت؟..

يسٰ : اني ابن عمج قادر ماعرفتيني ؟ ولو صح منين راح تعرفيني من احنا صغار ماتشوفنا الله يسامح اهلنا انتي ادومين هنا؟

صفنت بي شكيت عمتي دازتة بلعت ريك احاول انهي الحديث ويا

_ لا اجيت ويا صديقتي تخلص محاضرتها ونطلع لشغل

عكد حاجبة نفس ابوية وباوع لاديان نوب كال: من رخصتج عادي احجي وياج على انفراد شوية؟

باوعتلي اديان حضنتني تهمس: راح اختل وراة الاشجار بس يصير شي سوي حركة بسيطة اهجملج علية

ابتسمت وكتلها ماشي عافتني ومشت كبل وختلت ضليت اباوع عليها كال:

يـٰس : دائما جنت حاب اتعرف عليكم انتي وأسحاق

بس امج جانت اكبر عدو لامي

_ صدكني اخر همي احجي عن مشاكلهن..

يـٰس: اسف اني هم ماحاب افتح هيج موضوع ، بس ليش جذبتي كدام صديقتج؟ اني شايفج اكثر من مرة ادخلين قسم التمريض ويا ثامر

_ منو ثامر؟

_ اخوية؟

_ انت منو اصلان

صفن بوجهي نوب ضحك ضحكت على ضحكتة مسح وجها يستغفر : اني يـٰس ابن عمج قادر اخوية ثامر وفايز وعدنا اخوات اثنين صباح ونرجس جنا نلتم يم بيت جدو اخر مرة شفتج جان عمرج ٩ سنين بفاتحة عمو الله يرحمة..

_ جريت حسرة من ذكر ابوية :- الله يرحمة..مااذكركم ولااذكر اسمائكم تعرف هاي ١٢ سنة مو هينة.. بعد مالتقينا اصلان فنسيتكم اسمع اخباركم من عمة بس..

_ اي حقج اني اذكركم لان انتو بس اثنين بس وهم ابوية يذكركم

عدج ولد عم بعد بس مايدومون هنا

ولد عمي غايب احمد ومحمد وقاسم كلهم تربية بس غير اقسام يداومون بالمستنصرية واخواتهم اعدادية فرح وسرى

وعمج جاسم عدة صابر وصالح وهديل

صابر علوم حاسبات هنا وصالح هندسة هم هنا وهديل اعداية

_ خوش احاول احفظكم من وهيج

يـٰس : اني ادرس هنا هندسة ويا صالح قسمي قريب عليج اذا احتاجيتي شي اني يمج.. بس كولي ماشي..

_ مشكور خوية ماتقصر من رخصتك عدي محاضرة..

_ الله وياج عبالي اعزمج على جاي شي ، اذا عدج وكت..

_ غير مرة ، صديقتي تنتضرني

عفتة ومشيت سريع لمكان اديان ، نداريت بعدة بمكان وصلت لاديان لزمت ايدي وركضنا للقاعة همزين لحكنا قبل لا يجي الدكتور

طب الدكتور وكعد يشرح واني كساع عقلي يشمر

ويذكرني بتفاصيلة، عكدة حاجبة نفس ابوية الله يرحمة من جان يستغرب شي يعكد حاجبة..

صوتة ، ملامحة قريبات من ابوية فحسيت روحــي شايفتة ..

ندستني اديان تأشرلي ركزي صفنت على الدكتور هوة يكتب

عقلي يرجعني لهذاك اليوم الي اتمنى يمنسح من تاريخ عـَمريہ‏…

اخلاص: جيبو القران احلف علية

صابر : اني احفادي مايجذبون همة اطفال ليش يجذبون ويتهمون امهم؟ لو مرت ابوهم جان كلنا بيها باب وجواب!

زيد: ما تضلي مرة بوية اطلكها ، طفلة هيج تمدين ايدج عليها

شكران: لا تظلمون بختكم خل تحلف يممَكن الجهال مفتهمين غلط ، واذا حلفت جذب القران يعثرها

اخلاص : اي اي احلف ولله ، مو انة الضربت بتي ليش أضربها تعقلوها ولله اي بشر تحجيله ميصدك

جابو قران وحطت ايدها حلفت انو هية بعمرها ما مادة ايدها علية اني ولاعلى أسحاق

أسحاق اباوع علية يبجي من شافهم صدكوها ركض عليها يضربها بيديها ورجلها جرة ابوية ماقابل

زيد: ؏َـيب ابني تمد ايدك على حرمة ، مو نوب امك مااقبل هل مرة حذرتك مرة الثانية مايعجبك الي اسوي حرام

أسحاق : يابة امي اجذب عليكم ولله هية ضررربتها …

اديان: ولجججج دموع

فزيت امسح دموعي كتلها: ها ها شبيج

_ ولج الدكتور مرتين صاحج ، كلج طلعي برة ، شجاج اليوم

_ يعني طردني عزة بعيني..

_ اطلعي العاشكة ، هسه نص ساعة تخلص المحاضرة اجيج

كل القاعة تراقبنا.. طلعي صار ساعة يدردم..

_ اني وين وانتي وين

هزت ايدها شلت كتابي وجنطتي مشيت من الدكتور مدنكة طلعت من القاعة اتمشى للحديقة واني اذكر الباقي الصار وياي…

صابر: جدي مستحيل واحد يحلف جذب حتى ابن الحرام، هذا كلام الله محد يحلف علية يحركة حرك الي يجذاب..

مشت الأيام وامي كامت كل مايطلع ابوية اطلع اسحاق بشارع وتضربة وتصيح علية وتغلط حطت نكرها ويا لان فتن عليها واني تحبسني بالغرفة لحد مايرجع..

تجي بيبي تضربني ويشغلني ويضلن يصيحن تعودت عليهن

هنا عمري جان سبع سنوات راح اصير 8 سنين

كمت استغرب جية عمي غايب علينا يكعدون اتلاثتهم يحجون هواي ويروح استمرت هاي الحالة شهر لحد مااختفت امي

اطورت سالفتهم كامت تنطيني عصير اشربة وانام

مااكعد لليل الكاهم نايمين.. اضل جوعانة ادور اكل اخر شي اكل خبز ومي وانام

كمت اغيب من المدرسة هواي دائما احس بروحي تعبانة راسي يوجعني اتقيئ هواي بس اريد انام كطعت الاكل

ابوية شافني هيج وضعي جاب علاج من صيدلية شافني مجاي اتحسن أخذني للمستشفى هناك كلولة بتك عدها خمول بالغدة صاير بسبب تعرضها لاخذ علاجات منومة بشكل مفرط

ابوية مكال لامي هل كلام بس ثاني يوم اخذ اسحاق شاف هم عدة نسبة انو ياخذ منومات سألنا شناكل ونشرب

كلتله مرات يجي عمو وراك امي تسوي عصير تنطيني اشرب وانام مااكعد بعد واسحاق كال اني ماموجود مرات بليل تنطينا سوة عصير وبسكت ..

ابوية هل فترة جان يسهر بالمكتب يراجع حسابات الشركة ويسوي جرد شهري للعقارات والمصنع..

بيوم قرر يراقب امي كاللها ليوم ماارجع للبيت قفلي بابج ونامي يم الجهال..

وصدك اخذ جنطة ملابس عساس وغراضة وراح الصبح

للمغرب امي اطتنا عصاير ويا معكرونيا اكلنا شوية وجاي نطب لغرفتهم انام كالت لا نامو بصالة

فرشتلنا واسحاق حطني على ايدة ونمنا بعد ماحسينا بشي

ماكعدنا اله الصبح جدي وبيبي كاعدين يمسحون بوجهنا

فتحت اني واشوف روحــي بحضن بيبي

_ بيبي انتي هنا صدك لو حلم..

شكران : ها يروح بيبي كعدتي من كسر بيهم عساهم بالمرض الي ميلكولة علاج

صابر: لو عايفيهم يم كفاح ولاحكين زيد لا يذبحها ويتورط

باوعتلهم مستغربة شنو يذبح خفت من حجيهم ، اسحاق فتح عيونة مبتسم

_ ها جدي ها جدة صباح الخير ، اليوم يمنا

صابر: جدي كوم حتى ناخذك انت واختك يمنا..

_ ليش جدو شـَڪو

_ ماكو شي حبيبي اشتاقينالكم اني وبيبيتك واجينا ناخذكم يمنا امكم وابوكم عدهم معاملة مال جنسية

اسحاق: بس جدي اني اليوم عدي متحان لازم ادوم

شكران: جدة هسه ناخذلكم ملابس ونوديكم يلا ولدي كومو عيني

كمنا غسلنا وطب اسحاق للغرفة يطلع ملابسنا، اني وكفت بالباب اريد افوت واسمع جدي يكول لجدة..

_ الله لا يوفقهم على سويتهم الله يساعد زيد ، يعني اخو ومرتة شافهم بيتة وبغرفتة ولله لو يذبحهم سوة هم ما الومة

شكران: كلة من ور هاي البربوك مرت ابنك ، راح تخلي الزلم يتذابحون امدة النسوان الي متصون بيتها..

مجنت افتهم شنو يقصد جدو ، ليش ضايج واذا عمو يمنا دائما هوا يجينا ويكعد ويا ماما ، ليش بس يحجي بذبح اليوم..

مجنت اعرف انو اكو حدود لعلاقات الناس ، ولازم المرة مادخل شخص من ورة زوجها حتى لو جانو اهلة ، ولازم تحافظ على نفسها بيتها ، وكل مرأة لازم بينها وبين محارمها حد..

طبيت شلت جنطتي وحطيت ملابس مدرستي بعلاكة اجت بيبي حطت هدوم هواي اسحاق كاللها: جدة شنسوي بيهن نضل بملابسنة ونرجع للبيت نبدل

شكران: لا جدة مو اهلكم راحو محافظات ، ويمكن يتأخرون كم يوم فراح اخذلكم وجبة ملابس..

اني فرحت راح نبقى يم بيبي لان حيل تحبنا وادارينا

بس اسحاق ماارتاح وهوة ماسمع اي شي من حجيهم السمعتة ، اخذونا وطلعو لبيتهم وصلنا لبيت جدي محد موجود ، بس عمة كفاح واول مطبينا كالت : ها ذبحها

صابر: اي ذبحو الدجاجة اخوانج ، لاتحجين شي كدام الجهال بنيتي ميصير

كفاح: وليش مااحجي خل يعرفون سواية ام..

_ حدددج ، من شوكت تتجاوزين كلمتي روحــي لدارج..

طبت عمتي لغرفتها تبجي واسحاق يباوع لجدي سألة مستغرب: شنو الي عمة تريد نعرفة

_ عمتك تخبلت ماتعرف تسولف ، اكعد جدي خل بيبي تسويلكم لكمة حتى تروحون لمدرستكم..

راحت بيبي تسوي اكل وجدي كاعد يم التليفون الارضي ، كساع مخابر وبس يكول اي اي لو صخم الله وجهم ، اخر شي كال يمي وسدة

فتحلي ايدة ركضت الحضنة شمني حيل وضمني بصدرة : جدو بيك شي

_ جدو انتي تحبين امج؟

_ لا جدو مو هواي اني احب بابا يوكلنا ويلعبنا ماما تحبسنا

_ جدو هم شايفة عمج غايب يطب لبيتكم

_ اي جدو دائما يجينا

_ خوش يلا روحــي بدلي ويا اخوج ، حتى اخذكم للمدرسة

ركضت لاسحاق جاي يلبس قمصلتة كال: شبيج دموع

_ فرحانة راح نضل يم جدو وبيبي

_ لا مانضل بس ترجع امي نرجع

_ مااحب امي اريد ابقى هنا

_ عيب دموع

شكران: وين ولدي الحلوين سويتلهم ريوك..

ركضنا لبيبي نحضنها كعدو يوكلونا بيدهم

طلعت عمتي جابت كلاص وكعدت ويانة ساكتة ، خلصنا اخذتنا بيبي غسلتنا وجدو اخذنا بيدة للمدرسة ، وصلنا كل واحد لمدرستة اطانا فلوس وراح..

خلصت مدرسة وطلعت انتضر جدي مااجة ، شفت اسحاق جاي بهدوم المدرسة

أسحاق: تعالي دموع اني اندل طريق الرجعة جدو يمكن نسانة اليوم

لزم ايدي ورجعنا اني ويا نغني الف باء جيم حاء ونمشي..

وصلنا فرعنا ونشوف هوسة كدام بيت جدي

ابوية لازم جرباية تتحرك، جاي يصعدها بسيارة بيها صوت وجدي نايم

وبيبي تبجي بصوت عالي ، عمة كفاح تصيح وعمامي يركضون للسيارات..

لزم ايدي أسحاق وركضنا يمهم ، شافتنا بيبي جرتنا بحضنها..

شكران: ضلو يمي لا يضيعوكم اخوة يوسف ابقو يمي…

يــٰس: وين صافنة

_ سلامً قولاً من رب رحيم، شطلعك كددامي

يــٰس: خلصت محاضرتي ولكيتج طالعة شعجب مو من عادتج

_ طردني الدكتور، شنو مراقبني انت؟

_ ليش؟

حطيت ايدي على عيني حتى ماتصير الشمس بعيني كلتلة:شوف صح انت ابن عمي بس اني ماعدي اي علاقة بيكم ، ياريت بعد لا تصير بوجهي ولا تحجي وياي ، لان شوفتك فتحتلي الف جرح قديم.. ما ردت اذكرهن..

_ اسف مجان قصدي ازعجج

_ وزعجتني ياريت بعد مااشوفك كدامي ، اذا انت شفتني

كمل طريقك ولاتجي تحاجيني.. ترة حتى اخوية ميقبل اخلي علاقة بينكم!

_ ياريت اكدر

_ وليش ماتكدر لعد!

_” الكلب لو هوة ما تكدر تكولة لا”..

_ شنو

_ بعد ماازعجج ولااصير بوجهج ، بس لاتكوليلي لاتحجي وياي..

_ شبيك خوية ترة اسحاق مايرضى احجيكم , من سنين واحنا كاطعين علاقتنا بيكم شنو تذكرتني اليوم؟

_ هسه ياعمي بس مااحجي وياج خوش ، هاهيه مثل ماتريدين

بس امشي ارجعج للبيت ليش ضالة هنا ؟ الشمس اكلت وجهج..

_ لا عدي شغل ، اروح ويا صديقتي

_ شغل؟ شنو شغل مافتهمت؟ انتي تشتغلين؟

_ مايخصك وياريت ماتخليني احرجك اكثر ، الناس تباوع علينا

ممكن تروح راح تسوي علية سمعة..

_ سهلة , اشوف أسحاق وين يروح يطير , اعرف شحجي ويا

راح يمشي للقوس ضليت اباوع علية , لبس نظارتة وطلع سويج السيارة ومشة بسرعة , هزيت ايدي معاجبني شفت اديان تمشي بأتجاهي..

اديان : كلهم يكولون شبيها دموع اليوم ، ماتكليلي شجاج

_ شبية صفنت شوية ميصير ؟ شعليهم همة!

_ صاير وياج شي؟

_ لاعيني امشي نروح ، تأخرت على لمرة..

تمشينا للقوس الخارجي واشوف سيارة نيلية واكفة كدامنة نزل الجامة وطلع أسحاق: أوصلجن

دموع: أسحاق منيلك هاي السيارة؟

_ مو مهم تصعدين؟

_ اكيد اصعد وياك يمة واخيرا شفتك تسوق ، الله..

صعدت كبل بصفة حتى نسيت اديان كرصني من ايدي نتبهت خطية واكفة مستحية، ماتدري شسوي..

_ صعدي اديان عذريني من الفرحة نسيتج ولله صعدي..

_ اسحاق فدوة منين جبت السيارة؟..

_ من صديقي.. وين تروحين ؟

_ وديني للشغل، ورجع اديان لبيتهم من رخصتك طبعاً..

_ رجعن سوة واني اطيج لفلوس ليوم!

_ مااريد اكابل عمتي ضايجة حيل خل اروح

_ صاير شي ؟

_ لا حبيبي اني مااريد اروح ، خل اروح هم اشتغل وهم ماارجع يمها اختنك من البيت ..

مشا بسيارة ارقب بي سياقتة محترفة ممبين اول مرة يسوق وكل مااسالة وين تعلمت يكول ويا صديقي..

ذب اديان بيتهم ورحنا لشغلي ..

اشتغل بمطعم قريب على جامعتي يم مرة جبيرة هية وبنتها مفتحين مطعم اكل شعبي ، اغسل وياها المواعين احضر الاكل

اودي للناس ويوميا تنطيني ٢٠ ١٠ حسب الشغل اسحاق مقابل لشغلي ، بس اني مااريد احملة فوك طاقتة..

الفلوس اطي عمة ١٠ ومن تنطيني ٢٠ اغلس اضمهن مرات اجمعهن ومرات نحتاج شي اطر اطلعهن أسحاق يشتغل بس ميقبل يكولي شنو بضبط من الح علية يكلي عامل يم رجال مثلج..

عدة سلف هواي يسوي وجامعة ومصرفة هوة حتى مياكل من البيت ميتقبل شي من ايد عمتي يكره بيت جدي حيل بكد كرهة لامي

وصلني للمطعم نزل وياي سلم على خالة ام علي اشرلي باي وراح..

طبيت لبست الصدرية فرك جبتي وبديت امسح بالمكان وارتب حتى الي يجي يشوفة نظيف..

جانت خالة تطبخ الفاصولية وطبت علينا بتها تحجي بصوت عالي مبينة فرحانة..

مروج: امي طلعت فيزتي ، واخيراً راح اسافر..

ام علي : يعني قررتي بنيتي تروحين، ولله خايفة عليج

_ مالي وطن بالكاع الاخذت اهلي وناسي ، مااريد ارجع واعيش بنفس البدل ويا الناس الكتلو اهلي واسكت..

_ اخذني الفضول اسألها :- بس العفو انتي مو بنت خالة ام علي؟

مروج : لا خالة ساعدتني اشتغل وياها لحد مجمعت ، حتى اطلع من العراق اروح لخوالي همة بامريكا، توصلت وياهم كالو نسويلج لم شمل بس يخلصوها اروح.. هم الايام اطير بعد مارجع للعراق ابد..

_ زين ليش العراق شبي حلوة وناسة حلوة!

_ اذا الله قسملي ارجع راح احني الكاع بدمهم.. ارجع قوية عدي فلوس وسلطة واخذ حكي من حلك السبع..

دموع: عن منو تحجين؟

_ مااريد ادوخ راسج سالفتي طويلة ، فد يوم تحجيلج خالة ام علي من اروح هسه عذريني ماعدي طاقة ، اذا حجيت راح ارجع للمعانة ، وافتح جروح الماضي..

_ لا براحتج بس عبالي انتي تريدين تحجين ..

عفتهن وكمت طبيت للمطبخ ، حضرت الصحون والخواشيك

طلعت الخبز الحار صاحتني خالة اجت عائلة ، اخذت طلباتهم ورحت اصب ، اجت وياي مروج تحط بصينية راحت توديهن للطاولة..

اني اخذت صينية مشيت وراها، نفتح باب المطعم رفعت راسي أسحاق طب استغربت شعجب اجة ، رحت يمة احاجي ..

مروج مشت تريد ترجع للمطبخ ندارت تشوفني بس شافت أسحاق فتحت عينها..

مُروج: شــجابــك هـنـا ؟..

____