رواية القاسي والبريئة الفصل العاشر 10 بقلم إيمان ابراهيم
رواية القاسي والبريئة الجزء العاشر
رواية القاسي والبريئة البارت العاشر
رواية القاسي والبريئة الحلقة العاشرة
جاسر طول الليل كان بيفرك وعلى نار واخد قرار انه لازم يكتب على هديه عشان يضمن انها بقت على اسمه وقال انه هيكلم باباها الصبح عشان ياخد معاد ويروحله ونام بس طبعا مش اوى لانه كل ما يفتكر هديه وهى واقفة بين العمال الدم بيغلى جوه دماغه 😠 وكان عايز النهار يطلع بسرعة ونام بالعافية .
اول ما النهار طلع جاسر صحى وفطر واتصل بكمال وطلب يقابله صباح الخير ياعمى ازى حضرتك كمال رد عليه صباح النور يابنى انا كويس الحمد لله جاسر قاله دايما يارب ممكن اجى لحضرتك النهاردة محتاج اخد رايك فى حاجه مهمة قاله تشرف طبعا ده بيتك جاسر قاله متشكر اوى يا عمى خلاص هخلص شغلى فى المدرسة وفى الارض واجى لحضرتك وقفل معاه .
وجاسر راح المدرسه وكان عصبى جدا وكل شويه يتعصب مع حد من التلامذة بتوعه وشويه يشد مع زمايله لحد ما اليوم خلص معاه بشق الانفس زى ما بيقولوا وبعدين راح الارض وبرضه كان شايط وطايح فيهم ومحدش عارف يكلمه ولا يفتح بقه حتى احمد اخو لاحظ عصبيته وقاله مالك يا جاسر من الصبح وانت مش طبيعى في ايه جاسر مفيش يا احمد مفيش احمد قاله لا فيه ماهو مش طبيعى العصبيه دى ونهلة كمان قالتله ايوة يا جاسر انت اكيد فى حاجه قولنا طيب احنا اخواتك يمكن نريحك من اللى مضايقك قالهم متشغلوش بالكم انا عارف هعمل ايه كويس لما احتاج لحاجه هبقى اقول وسابهم وطلع عشان يستعد لمقابلته مع كمال وفعلا راح حسب المعاد واتصل بهديه عشان يقولها انه جاى قالتله انت ليه مقولتليش انك جاى من الصبح مع انك كلمت بابا قالها محبتش اصحيكى من بدرى وقلت اسيبك تصحى براحتك وكده كده كنت مقرر اكلمك قبل ما اجى كده بساعة ولا ساعتين لانى عارف ان بتبقى مشغولة فى الارض اغلب الوقت 😏 قالتله بعد كده قلى من بدرى عشان برضه اعمل حسابى ومتعتمدش ان بابا هيقولى ادينى عرفت منك برضه وده المفروض قالها ماشي حصل خير المهم انا ساعة كده وهاجى قالتله خلاص مستنياك وقفلت معاه بس هى كانت حاسه انه متغير وفى حاجه بس فى نفس الوقت قالت تلاقى فى حاجه فى الشغل ولا حاجه ولما ييجى هتساله وقامت عشان تجهز لمقابلته .
وفعلا جاسر وصل فى معاده وهديه فتحتله اهلا يا جاسر اتفضل قالها ازيك يا هديتى عاملة ايه قالتله كويس الحمد لله اللى يسمعك دلوقتى ميسمعش صوتك وانت بتكلمنى كان فى حاجه مزعلاك قالها لا متشغليش بالك حاجه بسيطة وهتخلص انا مش بسيب حاجه تضايقنى كتير قالتله طيب تعالى يلا نقعد نستنى بابا اعملك ايه تشربه عقبال ما بابا ييجى قالها اى حاجه من ايدك حلوة شغل التثبيت بقى ده 😉😁 هديه قالتله خلاص هعملك قهوة انا عرفت انك بتحبها قالها ماشي وكمال جه وسلم على جاسر وقاله اهلا اهلا يابنى خطوة عزيزة قاله الله يعز مقدارك يا عمى قاله خير يابنى ايه الحاجه المهمة اللى عايز تاخد رايى فيها قاله اه طبعا يا عمى هقلك بس انا حابب فى وجود هديه عشان هى حاجه تخصها برضه وخير متقلقش قاله ماشى نستنا بقى لما هديه تيجى وهديه جت وقدمت القهوة لجاسر شرب بق كده وراح قال انا عارف طبعا انى اتفقت مع حضرتك وهديه ان الخطوبه بعد اسبوعين كمال قاله مظبوط جاسر قاله انا عندى طلب واتعشم ان حضرتك تقبله لان ده هيخلينى مطمن اكتر قاله طلب ايه يابنى خير قاله انا نفسي يبقى كتب كتاب مش خطوبه لانى عايز هديه تبقى على ذمتى مش تبقى خطيبتى بس فكمال وهديه بصوا لبعض وبعدين كمال قاله طيب ايه اللى حصل خلاك تفكر فى كده قاله الصراحة يا عمى انا راجل دمى حر شفت هديه وهى واقفه مع العمال لوحدها وانا عارف برضه ان حضرتك وشريف مش دايما بتقدروا تبقوا معاها شريف عشان شغله وحضرتك ليك برضه اشغالك مع التجار وكده وهنا تعتبر ارياف شويه وشفت انى لما ابقى كاتب عليها احسن ليها كتيير من ابقى خطيبها عشان محدش يتكلم لان هنا مش زى القاهرة وعايز لما اجى وابقى معاها فى اى وقت محدش يقدر يقول حاجه كده ولا كده لان وقتها هبقى مراتى ووقفتها مش هتبقى لوحدها تانى لانى هكون معاها فى كل مرة وبعدين هى هتفضل هنا لحد ما نخلص الشقة عادى وبعد ما نخلص يبقى الفرح والدخلة مع بعض هااا قلتوا ايه !! كمال بص لهديه وقالها ايه رايك ياهديه فى الكلام ده ردت قالتله انا لسه بعرفك افرض حصلت حاجه واختلفنا هبقى انفصلت من قبل ما اتجوز اصلا جاسر قالها يا هديه انتى كل حاجه طلبتيها انا عملتها وكل حاجه حبيتى تعرفيها عرفتيها يبقى قلقانه ليه وبعدين ليه افترضتى الحاجه الوحشه هو انا عشان خايف عليكى ومحبش انك تقفى لوحدك وسط العمال وعايز وقفتى معاكى تبقى بصفه رسمى وشايف ان ابقى جوزك احسن كتتير من خطيبك ولا انت مش واثقة فيا بقى 😉😉 لعيب لعيب يعنى كمال بقى رد قاله لا يابنى متقولش كده احنا ثقتنا فيك كبيييرة هى هديه بس عشان كلمة كتب كتاب كبييرة شويه ولازم بس تفكر وان شاء الله كل خير جاسر قاله يعنى حضرتك مش ممانع كمال قاله انا معنديش مانع اذا هديه هتبقى مرتاحة جاسر بص لهديه بعنيه بصة كده اللى هو وافقى بقى راح غمزلها فى الخباثة كده وقالها هااا يا هديه 😉 راحت هديه قالت خلاص يابابا اللى تشوفه قالها خلاص يبقى على بركة الله جاسر طبعا حس انه كانه كسب معركة وقال خلاص يبقى انا هتفق على كل حاجه وممكن على نهاية الاسبوع هديه تيجى تشوف الشقة عشان نبتدى الشغل فيها فى اسرع وقت ماشي كمال قاله خلاص اتفقنا وسلم عليهم وقام روح .
هديه طلعت لرقيه وحكتلها طبعا رقيه كالعادة لازم تقول حاجه قالتلها كتب كتاب كده مرة واحده هديه قالتلها اه هو مش مرتاح اوى لللخطوبه وشايف ان كتب الكتاب احسن عشان لما ابقى فى الارض ويبقى معايا يبقى بصفته جوزى مش بس خطيبي رقيه قالتلها ربنا يكملك على خير يا حبيبتى قالتلها عقبالك يا روكا .
عند كمال شريف لما رجع من الشغل كمال قاله على اللى حصل فشريف قاله مش بسرعة كده يابابا كنا نستنا شويه عشان هديه تعرفه اكتر كمال قاله هو شرح وجهة نظره والصراحة لقيت ان كلامه معقول انت وبتتشغل وانا برضه ومش هينفع يبقى داخل طالع كده وهو خاطبها بس لكن لما كاتب عليها احسن شريف قاله خلاص