رواية علمتني الأحترام الفصل الأول 1 بقلم مريم الجنيدي
رواية علمتني الأحترام الجزء الأول
رواية علمتني الأحترام البارت الأول
رواية علمتني الأحترام الحلقة الأولى
بعني أنا واحد صا.يع و ضا.يع، و مش بيركعها عايزاني أتجوز واحدة منتقبة! بتهزري يا ماما، هي دي العروسة التحفة!
_ و فيها أي يابني مش يمكن تبقى سبب هدايتك، و بعدين البنت زي القمر
_ لا يا ماما لا أنا مش بحب الأسلوب دا، و هتبقى متشددة و تقول ليا على كل حاجة حرام حرام، لوسمحتي اتصلي ألغي المعاد دا
_ ألغي أي يا متخلف أنت، إحنا رايحين دلوقتي عيب مبنفعش، يلا قوم
_مش رايح أنا مش أنتِ اتصرفتي على كيفك روحي أنتِ
_ قوم يا صايع يا ضايع، زعلان على المنتقبة! عايزني اجيبلك واحدة بشورت
_ عايز واحدة عادية يعني هو أنا طالب كتير! واحدة مش متشددة، أنا مقفول من الجوازة دي يا ماما بلاش
شدتني من أيدي وحلفت عليا لأروح أشوف العروسة ولو معجبتنيش عادي هنرفض، إذا كان هما مرفضوش يعني
دخلنا عند الناس، و والدها سلم عليا و كان محترم جدًا
_ازيك يابني عامل أي!
_الحمد الله تمام
فضل يتكلم معايا لكنه قال فاجأة
_ وبتصلي في مسجد أي بقا يا نوح؟
السؤال أربكني جدًا، مش عارف أقول أي، لقيت لساني رد
_ مسجد الرحمن الرحيم، جنب بيتنا
_ آه أسمع عنه ماشاء الله مسجد جميل، ربنا يبارك فيك
حسيت إن مكسوف من نفسي فاجأة، بس التفكير اتشتت لما لقيت واحدة جميلة داخلة سلمت على ماما و قعدت وهي كلها حياء وحتى مرفعتش عينيها، اتسحرت في الراحة و الجاذبية إللي عندها ، كانت بجد ملامحها مريحة، و حسيت بحزن إن مش دي العروسة، أكيد دي أختها
_ماشاء الله اللهم مبارك زي القمر
لما لقيت ماما قالت كدا كان نفسي أقولها، ما عندهم واحدة حلوة و مش منتقبة أهي اختارتي المنتقبة لي!!
كانوا قاعدين يتكلموا و أنا منتظر العروسة تدخل بقا أي التشويق دا كله! هي بتتقل يعني!! قولت فاجأة عشان أحرجهم و اخليهم يخرجوا أستاذة منتقبة
_اومال فين العروسة يا عمي! مش هتدخل ولا أي؟!
كلهم سكتوا وبصوا ليا بإستغراب، حتى البنت إللي دخلت رفعت عينيها ليا لاول مرة وبصت بصدمة
أنا اتخضيت فكرت قولت حاجة غلط أو عيب، أو مش بتحصل عندهم، لكن لقيت أمي بتقول بعتاب وهي بتضحك بإرتباك
_ سلامة نظرك يا حبيبي ما العروسة القمر بتاعتنا أهي!
_ اءء بس أصل أنتِ قولتي يا ماما إنها منتقبة دي بوشها!
تقريبًا الصدمة كانت شديدة عليهم عشان بصوا ليا بإستغراب أكتر، لكن فاجأة لقيت والدها بيضحك
_ دا أنت دمك خفيف جدًا يا نوح فكرت بتتكلم جد
_ معلش يا حاج ابني بيحب يهزر كدا على طول، أي رأيك نسيبهم مع بعض شوية يتكلموا؟!
ما كنتش مستوعب لسه أن اللي قدامي دي العروسة!
إزاي يعني؟ ماما كانت بتضحك عليا ولا أي!
_ هو … هو أنتِ بجد العروسة!
_اه، أنت شايف غيري؟
_ لا أقصد، معلش أصل ماما قالت إنك منتقبة
_ ما أنا منتقبة فعلًا دي حقيقة..
_ إزاي يعني ما أنتِ قاعدة بوشك أهو!
_ دا أنت بتتكلم بجد بقا! أنت مش عارف قواعد الرؤية الشرعية؟
سكت بإحراج، لكن لقيتها قالت بإبتسامة
_ قاعدة التعارف، أو الرؤية الشرعية مش ببقى لابسه النقاب عشان تعرف تشوفني، أكيد مش هتتجوز واحدة مشوفتش شكلها، يقول النبي ﷺ في الحديث الصحيح: تنكح المرأة لأربع: لمالها، ولجمالها، ولحسبها، ولدينها)
هتشوف جمالها إزاي و أنا لابسه النقاب!
_بجد؟ بالبساطة دي!
_اه شوفت سبحان الله
_ طب حلو أوي ماكنتش أعرف، أنا أول مرة أقعد في قاعدة رسمية يعني… مش مهم كملي اتفضلي
سكتت وبصت للأرض بإحراج وحسيت إنها مش عارفة تتكلم، لكن أنا كنت فرحان أوي إن دي العروسة دي عسولة أوي، و كلامها لطيف بلهجة هادية، أنا كان في معتقدين واحدة هتزعق وتقول تخـ.بطني بحاجة في دماغي فكرت هاجي ألاقي واحدة لابسه أسود في أسود
_انتِ متشددة بقا ولا أي!
_ يعني أي!
_ يعني امممم كل حاجة بتقولي عليها حرام؟
_ بقول على الحرام حرام أكيد
_ معاكي فون! عندك سوشيال ميديا
_اكيد حد قالك إن من كوكب تاني!
_بنخرجي! ولا عندك ممنوع؟
_هيكون ممنوع لي! بخرج عادي و بطلع رحلات مع صحابي، أنت مش بتحب الخروج!
_لا أكيد بحب أخرج، بحب أخرج جدًا
_طب قولي بقا أنت بتصلي؟
السؤال دا لما اتسأل منها اتحرجت مبقتش عارف أقول أي
_عايزة الصراحة ولا بنت عمها
_الصراحة أكيد.
_ أنا مش ملتزم في الصلاة، بس…بس بدعي ربنا يهديني، و بحاول
حسيت وشها اتقلب كأنها مش متقبلة إللي سمعته، لكنها قالت
_بتشرب سجاير
_لا الحمد لله
_عندك صحاب بنات؟!
_ يعني امممم زمايل مثلًا في الشغل
_ علاقتك بوالدتك و والدك أي!
_والدي متوفي، و كنت بحبه جدًا الله يرحمه، وأمي دي ست سكر، بحبها أكيد وبحب أقعد معاها، هو آه أنا مدوخها، بس مقدرش أعيش منغيرها
_ تعرف أي عن القوامة، يعني قوامة الرجل
_قوامة! أعرف الراجل يعني مسؤول عن الست وهي لازم تسمع كلامه و تطيعة وهو أقوى منها
سكتت تاني، كان الكلام مش عاجبها، ليها حق هو مش عاجبني أنا شخصيًا، اي الهبل إللي بقوله دا بس أنا ماكنتش عايز أخسر الفرصة، أنا حسيت إن مرتاح ليها ودي حاجة غريبة، أنا ماكنتش بتقبل المنتقبات خالص، وبحسهم ناس خنيقة
_بصي هتكلم معاكي بصراحة… أنا إنسان مش ملتزم.. أنا عارف أنا بصلي مرة و عشرة لا، معرفش القوامة بالمعنى الصحيح، ممكن أكون سئ في نظرك… وفي نظري، و كمان بصراحة جاي بالغصب لما عرفت إنك منتقبة
_ياا و أي لسه مخليك قاعد، تقدر تمشي يا أستاذ نوح فرصة سعيدة
_ اسمعيني ممكن… هي ممكن حاجة غريبة بس أنا مرتاح أوي، عارفة لما تبصي لحاجة و تحسي إن دي إللي كانت ضايعة منك! دا الإحساس إللي حسيت بيه لما شوفتك، حتى كنت زعلان أوي و أنا مفكر إنك مش العروسة، لكن لما عرفت حسيت إن اتنفست تاني، أنا ممكن أكون ضعيف في الدين بس أنا عايز أتعلم، عايز إللي يشد أيدي، أنا أمي قالت ليا وأحنا جايين، ممكن تكون دي سبب في هدايتك، فهل تقبلي تكوني سبب في هدايتي؟؟!
تفتكروا رد مريم هيكون أي! و لو أنتوا مكانها هتوافقوا؟! وهل اتحطيتوا في الموقف دا قبل كدا!
احكولي أغرب حاجة حصلت ليكوا في قعدات التعارف
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية علمتني الأحترام)