نظرت اليه وفي عينيها بريق حبّ تملك من كل ذره في كيانها ثم قالت
– الأمان عمره ما كان في المكان….الأمان في الشخص. وأنا قلبي ما عرف غيرك
اقترب منها حتي صارت بينهما مسافة صغيرة…. لكنها كانت ممتلئة بكل ما لم يُقال.
رفع رأسها قليلًا، نظر في ملامحها طويلًا، كأنه يحفظها من جديد.
قال وهو يبتسم ابتسامة خجولة لا تشبه صلابته بملامحه الوسيمة
– عارفة أكتر حاجة كانت وجعاني؟ إني كنت شايفك قدامي واحده تانيه…. مش عايزاني وبتطلب مني اروح لغيرها
كان لازم احس وقتها بوجعك وقهرتك
مدّت يدها ولمست كفه، تضمها داخل راحتها بحنان.
– وأنا كنت مستنياك تسمع بقلبك، مش بودنك. عارفة إنك هترجع….هتفهم اني عملت كده عشان احافظ عليك
انك اهم عندي مليون مره من قلبي اللي كان مذبوح وانت رايح لغيري
انحنى قليلًا، وأسند جبهته إلى جبهتها.
لمسة بسيطة…..لكنها حملت ثقل السنين الماضية كلها.
– أنا بحبك، يا بسملة … حب ما اتكسرش، حتى لما أنا اللي اتكسرت لما سمعت منك الكلام ده
ابتسمت، ومررت أناملها فوق لحيته برفق.
– وأنا عمري ما عرفت أحب غير معاك ….. انا بحبك لدرجة اني عايزه اروح اشكر اخويا على اللي عمله فيا لاني بسببه انا بقيت ملكك ومعاك