رواية نسايم حب الفصل الخامس 5 بقلم جيجي
رواية نسايم حب الجزء الخامس
رواية نسايم حب البارت الخامس
رواية نسايم حب الحلقة الخامسة
صفيه… هيرجعها لمين يا مرت عمى… اذا كان قال ما عاوزهاش وكان هيموتها ليله الفرح.. بقت لبسانا خلاص بقت ملهاش اهل كيف عيال الملاجئ… يعني اليوم اللي هيرميها فيه بره مش هيبقالها دار…
صخر بغضب… بس من الكلام ده خلاص….
نسايم طلعت فوق.. وسلوى قالت….
خلاص ليه مش ده اللى حصل… نسيت لما مشيت يوم الفرح وكانت عايزه تخليك فرجه للي يسوى واللي ما يسواش.. ما سالتش فينا ولا في منظرنا قدام الناس.. لو كانت هربت وما كنتش لحقتها كنت قعدت طول عمرك كله يقولو ان عروستك هربت منك ليله الفرح… البت ما رضيتش بيك هربت منك وهي على اسمك بعد ما كتبت كتابك… وكانت هتخليك قدام البلد كلها الراجل اللي مرته هربت منه… وانت عمال تدافع عنها وتشيلها وتدلع فيها ولا كانها عملت حاجه.. كانها داست صباعك وهي معديه دى كانت هتمرمغ شرفك كله في الارض واسم عيلتك اللي انت امنتها عليهم واديتهم لها من الوقت اللي كتبتها على اسمك وكتبنا الكتاب .. لو انت نسيت عشان البنت حلوه وغوياك… احنا مش هننسى… كفايه كده…
صخر… ما نسيتش ياما… وانتى اصلا ممخليانيش انسى ما تقلقيش… بتفكرينى صبح وليل ٣ مرات.. ده ولا المضاد الحيوي…
سلوى.. لازم افوقك واوعيك… لان انت من اللى بتعملو ده باين عليك كده… الحب شعشع في قلبك وما انتاش دريان باللي بتعملو.. تجن وتتضايق.. ما فيش ٣ دقايق وتروح تطبطب عليها… لو ما عاوزش تتعلق بواحده قلبها مش ليك.. طلقها اكتر من كده هتغرق وما هتبقاش قادر تطلع واصل يا ولدي..
صخر طلع وهو بيقول.. على الاساس انا لسه ما غرقتش…
راح عند نسايم كانت قاعده على السرير وبتعيط.. قعد جمبها وقال….
اول مره الاقيكى بتبكي…
قالت وهى بتبكى…. تعبت قوي من كتر ما عماله امثل اني جامده… تهديت قوي وانا عماله احارب في الدنيا لوحدي… عامله شبه اللى فى نص الصحرا وخلصت منو الميه… لا قادر يكمل ولا عارف يرجع.. قاعد ومستنى الموت..
صخر.. بعيد الشر عنك ما تقوليش كده..
نسايم ببكى.. تعبت طيب كله عمال يلطش فيا يمين وشمال ذنبي كله اني حلمت يعنى.. انا كنت طالعه الاولى الاولى على دفعتي في الثانويه ٣ سنين… لحد ما خلصت جيت اروح الجامعه.. قالوا لي انتى كملت ال 18 سنه خلاص هنكتب كتابك.. على ولد العمده التعليم ملوش عازه.. والبت ضيفه عند ناسها مسيرها للجواز يجيلها عدلها وتتجوز.. طب لو ما قدرتش اعيش مع الراجل ده واتطلقت منه ومعايا منه عيل ولا اتنين…. هصرف عليهم منين بكره ولا بعدو ابويا يموت…. وافضل مع اخواتي الولاد… هيتجوز يبقى عنده عيله وبيت ومره وعيال ومحدش يبقى طايق صباح الخير… وانا هقعد عندهم لاني ما حلتيش حاجه اصرف بيها على نفسي.. عارف هيعملوا ايه… هيدوكم عيالكم ويجوزونى لاى حد.. واضطر اعيش طول عمري مزلوله تحت رجليك واعملك كل اللي انت عايزه عشان افضل جنب عيالي… ده مصيرى انا وكل البنات هنه…
صخر.. ادالها ميه.. شربت وقالت..
قالو عمده وعنده فلوس.. كان كل اللي ليا في الحياه من حق اني اكل واشرب والبس.. ما ليش حقوق تانيه…
صخر… ومين اللي قالك انك ما هتاخديش الحقوق التانيه
نسايم… ما انا ما اعرفكش… ما اعرفش انت هتعمل ايه ولا هتعاملنى كيف…. انا نفسي ابقى الدكتوره نسايم بدر الشافعي.. رومو كل احلامى عشان يكبر علقاتو… هربت من مصير مجهول لمصير مجهول اكتر منه.. بس برده وقعت معاك… كيف ما هي قالت ما بقاليش حد غيرك يعني برده كده كده بقيب مضطره اعيش واستحمل.
صخر… مجبوره عليا.. لو كنت اعرف انك مجبوره عليا ما كنتش اتجوزتك… لو كنتى جيتى قلتيلي مره ان انتى مجبوره عليا ما كنتش اتجوزتك.. ما كنتش هفرض نفسي عليكى… كنتى وقتها مرتى وكتبنا الكتاب.. وتهربى كان لازم اجيبك عشان ما ابقاش مهزقه للبلد كلها… يعني انا مش حيلا حد… انا مش عارف انا اللي ظلمتك ولا انتى اللي ظلمتيني…
نسايم.. لا انا ظلمتك ولا انت ظلمتنى بس ربنا عايز كده ربنا رايد ان احنا نتقابل… يمكن ربنا اخترلي انا دايما كنت بدعي ان ربنا يقفل في وشي اي باب ما فيش وراه خير ليا..
صخر… اه ولما ربنا قفل منك الباب نطيتي من على الصور وهربتي جدعه..
نسايم ضحكت وسط دموعها..
صخر…. اضحكي انا مش متعود عليكى تبكى.. يعنى انتى بس هربتى عشان عايزه تكملى علام..
نسايم.. مش بس كده… عايزه اكمل تعليم.. عايزه اتجوز واحد حاسسنى.. انا اتفاهم معاه اقل حاجه ليا ان انا افهم الراجل اللي انا هعيش معاه… يعني هم بجد انا مش عارفه بيفكرو كيف.. عايزين يجيبو واحد غريب اول مره اشوفه ما شفتهوش غير لما اتجوزنا وكتبنا الكتاب يعني انا ما شفتكش حتى وشك ما عرفوش… واجى اعمل معاه ليله فرح وانام معاه واقعد معاه واكل واشرب واعيش معاه طب كيف… دول حتى الرؤيه الشرعيه اللي ربنا محللها ما خلوناش عملناها…
صخر… طب اديكى شوفتيني حابه تكملي معايا ولا مش حابه.. وعلى فكره مش عاو ك تكوني مجبوره.. انا هحل لك كل حاجه لو حبيتى تتطلقى منى.. هديلك مؤخر كيف ما كنا متفقين مبلغ حلو.. هديلك كمان مكان تقعدي فيه
نسايم… وليه كل ده انت ذمنبك ايه…
صخر.. ذنبى اني حبيتك ومش قادره اهملك كده.. ومش عاوز اكمل معاكى غصب عنك.. ولو حبيتى تكملى معايا هكون دايما معاكى… ومش هسيبك واصل..
نسايم… انا كمان حبيتك بجد يعني مش عشان مجبوره عليك.. حبيتك قوي.. صوح انت مستفز وعصبى وقاسى… بس من سلبيات الحب انك ما بتشوفش عيوب حبيبك ودايما بتحطلو عذر ورا كل بلوه بيعملها..
صخر بفرحه.. قولى حبيتك تانى كده…
نسايم… اه حبيتك… تخيل..
صخر ضمها بشده وقال.. انا كمان بحبك.. بحبك قوى..
نسايم ضمته وقالت… هندى لجوازتنا فرصه تانيه.. ونشوفها من ناحيه تانيه…
صخر.. انا بوعدك انك مش هتندمى ابدا على القرار ده… وقرب منها فى لحظه جميله.. وغابو سوا فى عالمهم الخاص.. فى يوم جديد قامت من النوم مالقتوش.. اخدت شور ولسه هتنزل.. دخل صخر وقال..
صباح الهنا.. على حبيبى انا..
نسايم.. انت كنت فين صحيت ما لقيتكش..
صخر.. تعالى عاوزك تحت..
نسايم.. تحت.. فى ايه تحت…
صخر تعالى بس..
واخدها ونزلو تحت.. بس اتخبت وراه اول ما شافت ابوها واهلها.. وقالت بخوف…
ليه ابوى جاى.. جاى يقتلنى…
صخر.. اهدى انا معاكى.. متخافيش..
ابو نسايم اتقدم عليها وباس دماغها وقال…
ما تخافيش منى يا بتى حقك عليا.. شوفتى طلع زين اهو شوفتى انا ادرى