رواية فقدان الزاكرة الفصل التاسع 9 بقلم آية موسى
رواية فقدان الزاكرة الجزء التاسع
رواية فقدان الزاكرة البارت التاسع
رواية فقدان الزاكرة الحلقة التاسعة
كان سيف بيلعب مع الاولاد ويوسف بيساعدني ومحمد وبابا بيتكلموا مع جاسر .. النهاردة قررت اجمعهم علشان نبدا سنة جديدة..مع بعض
ليلياس: العشا خلص
سيف :اخيرا .. كنت حموت من الجوع
قعدنا على السفرة .. كنت أنا وماما عاملين كل الأصناف الي بنحبها .. محشي لماما ويوسف .. ومكرونة بشاميل لسيف .. و ملوخية لبابا و جاسر .. و صنينة فراخ بالخضار لمحمد و اولادي .. و بيتزا ليا
كانت سفرة متناقضة .. بس كانت بتعبر عن كل واحد فينا
كنت حعمل زي كل سنة واعزم لبنى وكريم .. ادهم ومريم .. بس قلت لا .. المرادي حتكون بس لينا .. احنا كعائلة صغيرة
الكل كان سعيد باللمة دي .. وانا أولهم
خلصنا وسيف اول ما قام عن السفرة
ـ الكيكة فينن ؟!!
طبعا جبنا الكيكة لسيادة الرائد .. بقا ظابط في القسم
كنت بنشرب الشاي و ب نتكلم عن موضوع تافهه الي بقت مغرقة المجتمع
اي حد يعمل حاجة هبلة يبقا ترند
بصيت لولادي الحلوين .. ماسكين اختهم وبيلعبوها .. بيحبوها جدا .. بيفكروني باخواتي .. الجداد طبعا
بعد ما روح الكل .. جه الاولاد لجاسر
ـ بابي .. فين الهدايا الي وعدتنا فيها
ابتسملهم ومسك سهير
ـ تحت التلفزيون
جريوا التلاتة وسهير حاولت تفلت من جاسر هي التانية وتروح تاخد هديتها بس كان مش سايبها وبيضحك عليها
ـ هاتوا هدية اختكم معاكم
جابوا الهدايا وقاعدوا قدامنا وهما بيفتحوهم بحماس وسهير ما عرفته وقعدت تعيط .. فجاسر قعد يفتحها معاها
بصيت لجاسر وهو بيعاملها بطريقة حنينة و طريقة اب حقيقي .. الي يشوفوا ما يصدقش أن الشخص ده هو هو جاسر الي كان عاوز ينتقم
ـ بابي الهدايا دي علشان الكريسماس صح
ـ لا يا آدم … الهدايا دي علشان انتم كنت شطورين السنة دي .. واحتفالنا مع جدو علشان احنا داخلين على السنة الجديدة واحنا مع بعض و صحتنا كويسة .. مش علشان الكريسماس .. تمام يا آدم
ـ تمام يا بابي
وفجاءة حصل فيضان من الاحضان علينا
***
نيمت العيال الي اصلا ناموا لوحدهم .. حبيبي يا سيف .. يفضل يلعب معهم على ما يتعبوا .. ونضمن كلنا أنهم حيناموا بسرعة
مسكت كوبايتين هوت شوكت و صحن الحلو بتاعي ( حلى الحطب ) الي بقى ترند هو كمان
لا بس الحق يقال .. تحفة
قعدت جمب جاسر
ابتسم واخد كوباية الهوت شوكلت
ـ تسلم ايدك يا حبيبتي
ابتسمت
لقيته سرح وبص قدامه
ـ مين يصدق اني انا وانتي ممكن نحب بعض .. اتنين اتقابلوا في اسوء الظروف .. فاكرة كنا قد ايه نكره بعض
ابتسمت
ـ فاكرة .. بجد ما كنتش ممكن ولا واحد في المئة اتخايل اني ممكن احبك
ـ ليه ما اتحبش ولا ما اتحبش
ضحكت عليه
ـ انا عاوزة اسافر روسيا
ـ في الجو ده !!! .. عاوزة تموتينا من البرد
ـ لا بجد عاوزة اسافر روسيا
بصيله بطرف عينه
ـ انتي مكلمة ادهم ومريم
ـ اه بصراحة .. ليه
ـ اصلهم فضلوا زن طول النهار .. بتفقوا عليا !
ـ لا والله .. بس احنا بجد عاوزين نسافر روسيا
ـ متاكدة حتتحملي برودتها
ـ متاكدة
ـ مش موافق
ـ جاسرررر
ضحك
ـ خلاص .. حعمل للولاد باسبور ونسافر على روسيا
ـ هييي .. طب يلا افتح الفليم
ـ حاضر يا حبيبتي
كنا بنحضر.. كنت مركزة فيه هو .. بصيلي وابتسم .. وفتح موبيله
ـ احنا دخلنا السنة الجديدة .. كل عام وانتي معايا يا حبيبتي
ـ يارب تكون سنة حلوة علينا كلنا
ـ يارب يا حبيبتي
ـ بحبك
ـ وانا كمان
وكدا بدينا السنة مع بعض .. مع عيلة حلوة وبتحب بعض
لقراءة الرواية كاملة اضغط على : (رواية فقدان الزاكرة)