مدونة كامو – رواية خلف الابواب المغلقه الفصل التاسع عشر 19 بقلم مشاعر مبعثره – قراءة وتحميل pdf

رواية خلف الابواب المغلقه الفصل التاسع عشر 19 بقلم مشاعر مبعثره

رواية خلف الابواب المغلقه الجزء التاسع عشر

رواية خلف الابواب المغلقه البارت التاسع عشر

رواية خلف الابواب المغلقه الحلقة التاسعة عشر

: يا سلام عاوزني اصدقك كمان!!!
: هههه لا طبعا م اول نظره بس لمن عشت معاك حبيتك من كل قلبي وبقولا لك يا سمر انتي حبيبتي .
طبعا خجلت شديد لانو طلع عاطفي وكلامو حلو ، ما اتوقعتو يكون كدا 🙈حسيت اني بتزوج لاول مره في تفاصيل عشتا مع نزار في زواجي الاول ما كان لها وجود !! ولا كأني حبيت ولا اتزوجت ولا عشت علاقه مع راجل تاني كل حاجه معاه غير وعندها معنى ❤
سرحت فيه لفتره طويله، غمز لي قلت له مالك ؟
: انتي ما بتحبيني؟؟
غطيت عيوني بيدي قال لي : لا ما تعملي كدا يلا قوليها .
بقينا في قولي ما تقولي لمن سمعنا صوت الاولاد في البيت انا قلبي بقى في يدي وقمت مخلوعه قلت له الاولاد جو .
: ايوا جو.
: وانت بارد كدا مالك؟ حانعمل شنو؟ لو جونا وعرفو العملناه😱😱
قعد يضحك لمن دمع قال لي حسينيني اننا عملنا شي حرام يا بنت انا زوجك الموضوع عادي .
: عارفه ياخ لكن الاولاد ما بعرفو🙈🙈
كنت سامعاهم بنادو فيني وليان بتقول ماما مشت وين خلت مهيلم براه ، اوعا يكون حصل لها حاجه ، قلت له : نزار اتصرف الله يخليك بعد شويه بجو يدقو لينا الباب .
وفعلا دقو الباب انا خفت خوف قال لي : خليك .
لبس ومشى فتح حد وشو لقاها لين قالت له : انت قاعد؟
ماما ما لاقنها قال لها : قاعده تتحمم حبيبتي كانت عاوزه تدخل قال لها : خلي بابا يرتاح حبيبتي وتاني حاجه نحن بقينا كبار خلاص تاني ممنوع ندخل غرفة بابا بدون ندق الباب حتى لو الباب فاتح ماشي؟
: حاضر .
مشت كلمت ليان قالت لها : ايوا انا مش فهمتك من الاول؟
: بس ماما دخلت عادي؟
: هي تدخل ، نحن لا فهمتي؟
قلت له : اسي انا اطلع كيف يا نزار قدامهم؟
: زي ما دخلتي😜
: انا جاده معاك .
: سمر مافي داعي انك تخافي دا الوضع الطبيعي بين اي اتنين متزوجين وعندهم اولاد ، بعدين جيبي ملابسك وحاجاتك كلها الدولاب هنا تاني حاتنومي معاي .
: لالا ما بقدر اخلي اولادي براهم .
: ما بتجيهم عوجه ليان زوله واعيه وفاهمه وح تنتبه لهم وتفهمهم كمان ، مهيلم صغير نرقدو معانا .
: بصحو بليل ويفقدوني .
جاء راجع السرير تاني وقعد جنبي ، قال لي : الشايفو انك بتتهربي مني م اكتر.
: لالا والله ما قصدي كدا.
: طيب ليه بتعقديها كل م احلا؟ وبتفتشي الاعزار ، اولادك صغار انا عارف وما عندي مانع تفضلي معاهم لمن ينومو بعداك تجيني .
: ماشي طيب خلينا نمهد لهم اول بعداك……..
: لا من اليوم يا سمر! اصلا لازم يكون في بدايه لكل شي ، وما تخافي كدا احسن لهم ولينا عشان الوضع يبقى واضح بالنسبه لهم ويفهمو .
: خلاص تمام.
باس راسي بحنيه كبيره وقال لي : يلا امشي اتحممي عشان تطلعي عليهم .
قلت له : انا يداب فهمت سر الحنيه الفي القلبك دي!!!
ابتسم وقال لي شنو؟
: قبلة الراس البتاخدا من الاولاد كل يوم قبل تطلع !! وعرفت انك ورثتا من والدتك كمان !!! لانها عملت معاي نفس الشي !!
وحسيت براحه واطمئان شديد وقتها ، ذي ما حاسه في اللحظه دي .
: دي عباره عن مشاعر حب لكم ، ما بقدر اظهرا الا كدا.
: ربنا يخليك لي .
مهيلم شكلو وصل جنب الباب وبقى يدق بعشوائيه ، ويضحك ويقول كلامو المامفهوم داك ، ضحكني عاوزه اقوم له، نزار قال لي : خليه علي وامشي الحمام ، م تتأخري على الاولاد عشان ما يفهموك غلط😉 مع غمزه قالا ، انا طوالي دخلت الحمام وهو فتح الباب لمهيلم ، شالو وقعد يلعب فيه لمن انا طلعت مداه لي و قال لي : يلا استلمي ، دوري في الحمام
قلت له : دقيقه بس اجفف شعري ما يعملوها لي قصه ذي المره الفاتت ، قعد يضحك ضحك 😅
قال لي : والله يشغلوها لك تشغيله ، عشان كدا قلت لك تعالي انقلي هنا وابعدي عن الشبهة😅 الاولاد ديل بفهمو خاصة لين وهاني ، والله يوم يقول لك ليه كل ما نخليك مع بابا تتحممي وتغسلي شعرك ، وفعلا لين الممحنه قالتا لي بعد طلعت لهم .
طبعا في اسئله كتيره ذي دي ومواقف بتعرضو لها الازواج البكون عندهم أطفال ، لانهم ما بكونو فاهمين طبيعة العلاقه بين الزوجين ، وفي عمر معين صعب الزول يشرح لهم !! بس برضو غلط نتجاهل اسئلتهم دي ، ولازم نديهم اجوبه مقنعه ومنطقيه بحيث ما يسألو في مكان تاني ، ولا يتشوش ذهنهم وتدخلو افكار تانيه .
عيناك تحتضنان قلبي !! اهرب اليهما من قسوة المشاعر ، تدفئان قلبي البارد ، فيرتجف بهدؤ !!
نبضة تلو الاخرى ، يقفز فرحا بين الضلوع المتشابكه ، وعلى انغام همسك الممتزج بصوت الانفاس .
جعلتك وطنا اسكنه ب أمان ، واغفو بين احضانه كما لو انني لم اعرف الراحة قبله ❤…..

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية خلف الابواب المغلقه)