رواية حماتي الفصل الأول 1 بقلم مريم الجنيدي
رواية حماتي الجزء الأول
رواية حماتي البارت الأول
رواية حماتي الحلقة الأولى
_ إلحقوني… الحقوني هتمو.تني…
_ أنا هخلص منك، أنتِ بتسر.قتي فلوس ابني
_ سبيني بقولك، إلحوقني يا ناس، سبيني، فلوس أي إللي سر.قتها، دي فلوس جوزي سبيني حرام عليكي
_ بتخرجي و ترجعي منين و مستغفله أبني و بتاخدي فلوسه و تصرفيها يا حر.مية
_ و أنتِ مالك، سيبي شعري، والله هروح اعملك بلاغ في القسم واديكي في ستين دا.هية
_ دا أنا إللي هحبسك في البيت لحد ما إبني يجي من السفر ويشوف صرفة معاكي
_ أنا لما جوزي يجي والله هقوله على ضربك ليا، ومش هسكت، و هكلم أهلي يجوا حالًا، إللي حصل دا مش هيعدي أبدًا
_هتعمليلي أي ياختي؟! اطلبي إللي تطلبيه هو أنا هخاف؟! بس والله لاخلي أبني يرميكي في الشارع
كنت مقهورة إزاي يحصل فيا كدا! حماتي تمد أيديها عليا! و تستغل أن جوزي مسافر كام يوم و تهيني كدا!
ماكنتش عارفة أتصل بأهلي ولا أتصل بنوح
و قررت أقول لنوح الأول و أشوف رد فعله
_شوفت شوفت مامتك عملت فيا أي!
_اهدي يا مريم و فهميني حصل أي مش فاهم
_ مامتك ضر.بتني يا نوح، تعالى حالًا تعالي أنا مش هسكت
_ضربتك إزاي يعني! في أي حصل أي!
_ تعالي يا نوح دلوقتي حالًا الموضوع دا مش هسكت عليه، والله مش هسكت
_ يا مريم أهدي أنا في الشغل يا مريم
_ تعالى دلوقتي يا نوح، سيب كل حاجة و تعالى، يا إما هطلب أهلي
_ متكبريش الموضوع
_ أكبر الموضوع؟ مامتك مسحت بيا السلالم، انزل بدل ما أتصل بأهلي يجوا، أو أروح أعمل بلاغ فيها والله ومش هيهمني حد
بعد ٣ساعات لقيته وصل وكان باين عليه العصبية، بس مش هسكت على حاجة زي دي، لأن لو صبرت لحد ما ينزل الموضوع هينام، و أنا مش هسكت عن حقي، أنا مقهورة و منهارة عمر ما حد مد أيده عليا
_في أي بقا
_في أي! بتسأل في أي! تاني مامتك شتـ.متني وضر.بتني ومسحت بيا السلم عشان نزلت أشتري شوية حاجات زي ما قولتلك قالتلي يا حرا.مية
_ طب تعالي البسي و هننزل نشوف في أي
كنت قاعدة بشكلي المبهدل زي ما أنا، و رفضت أغير و نزلت زي ما أنا، و الصدمة لقيت مامته بتفتح الباب مبتسمة
_نوح مريم! ازيك يا حبيبي وحشتني جيت امتى، أي دا يا مريم فيكي أي مين عمل فيكي كدا!
_ نعم! أنتِ هتعملي مش واخده بالك؟
_ استني يا مريم، ماما مريم بتقول إنك ضر.بتيها ممكن أفهم إزاي حصل دا؟!
_ أنا يابني! مستحيل طبعًا أي يا مريم إللي بتقوليه دا محصلش طبعًا
_نعم! .
تفتكروا أي إللي هيحصل، ومريم هتعمل أي!
و حماتها هيكون تصرفها أي!
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية حماتي)