رواية حب بعد الزواج الفصل الحادي عشر 11 بقلم جمانة السعيدي
رواية حب بعد الزواج الجزء الحادي عشر
رواية حب بعد الزواج البارت الحادي عشر
رواية حب بعد الزواج الحلقة الحادية عشر
خلف…الصبح محد اجانا امي حضرت الغده ونجمعنا كلنا
ابوي راح صاح رشا لان لا عشى ولا ريوك
اجت لا بسه دشداشه طويله كعدت كبالي واخواني اجمعو
كعدنا ناكل
ابو خلف…باجر أعقد بلمحمكه انت ورشا حتى تاخذ العقد
تقدم علي اجازه وقدم على السلغه سلفة الزواج
خلف…انشاء الله
الضهر مارحت للغرفه نمت بلصاله وياا اهلي
وهي نامت بلغرفه
العصر اجونا الجوارين يباركون ومافضت الهوسه اله لليل
واني لا شفته ولا شافتني
بليل دخلت انام هي كاعده تسفط بلملابس بلكنتور
حتى ماباوعت عليه
سحبت المندر وتغطيت ونمت وماحجيت وياها اي كلمه
الصبح كعدت قبلها طلعت سبحت ولبست دشداشتي البيضه خليت ملابسي الوصخه على صفحه حتى من تكعد تغسلهن وياا ملابسه
طلعت اتريكت لكيت ابوي جاي من الحراسه ونايم بلصاله
امي كعدته تريكنا اخذ واحد من خواني وياا للسوك
والباقين نايمين على السطح
بلتسعه يله كعدت ست الحسن تمشي وتتثاوب
باوعت عليه اني برا كاعد
بدون اي سلام كتله ملابسي بلغرفه اغسليهن
ماحجت اي شي غسلت وجه ورجعت للغرفه اخذت ملابسي وأخذت ملابسه غسلتهن وشرتهن على الحبل
بعدين دخلت تسبح واني ارتب بلصاله خاف يجينا احد
بيها ريحة جكاير فتحت الشباك
جان اسمع رشا عاطت من الحمام
رجعت عاطت مره ثانيه
الحمام بداية البيت كبال الصاله
خلف…دكيت الباب شكوو شبيج
رشا…اااه ااه الحكلي خلف
خلف…ولج شبيج بس بعصبيه
رشا….هاي هاي طلعت عليه هاي
خلف..شنو هاي غير افتهم افتحي الباب
رشا…مااكدر يم الباب مااكدر
( مستمره تعيط وكانما خايفه من وحش)
خلف…صيري على جه راح افتح الباب
( سركي الحمام فتحته جبيره يعني اكدر افتح الباب من برا)
دفعت السركي باصبعي وفتحت الباب
رشا….لا تباوع لاتباوع هاي هي كدامك
خلف…شنو كدامي غير افتهم
رشا….هاي الصرصر شوفه شكبره
خلف…باوعت هاي المردانه الحمره الجبيره صاعده على الحايط وهي كلبت الجووو
خلف…انتي صدك تحجين هذا العياط من هاي
قربت ولزمته بيدي وهي كامت تعيط بلزايد ولا زكه نفسه
بنهاية الحمام من الخوف وتعيط
كامت تصيح لا تلزم لا تلزمه
خلف…هي شني ومالزمه اخذته وطلعت
وهي رجعت طبكت الباب
خلف…كمت اضحك عليه هاي من كل عقله هذا العياط من هاي
طلعت من الحمام وبعد ماشفته بس بلغدا واني نمت الصهر
يم اهلي وهي نامت بلغرفه
بليل دخلت للغرفه سحبت الفراش ونمت الصبح بس طلعت ابوي كال كعد رشا جمانه السعيدي ترحون تعقدون بلمحكمه
خلف..اي هسه يأبه دخلت الصحيات وغسلت ورجعت عليه للغرفه اني من ادخل ومن اطلع ابد ماااباوع عليه ومالي شغل بيه
وكفت يم الجربايه اباوع عليه نايمه على الفراش لابسه دشداشه نص ردن حمره وصدرها دلع
وشعرها نازل على اامخده والغطى واكع منه
خلف….رشا رشا اكعدي طبعا من بعيد ماقريت عليه
ماردت عليه
خلف…رشا رشا اكعدي
دارت وجه على الجهه الثانيه وكملت نومته
خلف…رشا رشا اكعدي نروح نعقد ماترد عليه
هذا الحجي الساعه بسبعه الصبح هي متعوده تكعد الساعه
تسعه مرات تسعه ونص يله تكعد
خلف…ضجت منه صحت بصوت عالي رشا اكعدي
فتحت عيونه ورجعت عمضت كالت اي هسه
خلف…شنو ابقه واكف هنا طول النهار اكعدي
رشا…روح واني هسه اجي وراك
عفته وطلعت رحت يم اهلي محضرين الريوك
ابوي…وين مرتك
خلف…صار ساعه اكعد بيه وماتكعد
امي….اي هذا الفرق بين بت الولايه وبت العرب
بت العرب تلكاها كاعده من الغجر ووجه ينفط دم
تركض ركض وبت الولايه كل النهار نايمه ومن نكعد نعسانه
ابو خلف….ممنوع اسمع هذا الحجي مره ثانيه رشا بتنا
وهسه تتعلم علينا
بعدين هي جانت عايشه عيشه غير عيشتنا
هسه تتعلم علينا شويه شويه
ابو خلف…روح بويه كعدها
خلف… افففف استغفر الله هاي شلون شده ياربي
رجعت عليه جمانه السعيدي رايحه بسابع نومه وماتدري بلدنيا وين ماوين
صحت بصوت عالي رشا رشيوه كومي
هي راسا فزت كعدت على حيله خايفه
شعرها طاح على خدودها بس شافتني سحبت اتغطى وغطت صدرها
خلف…كومي بسرعه
رشا…شبيك خوفتني
خلف…مو صار ساعه اكعد وانتي عبالك ماخذه منوم
رشا…اي كعدت ياربي شتريد من الصبح شلون ماانام
خلف…قابل شريد متعلم اكعدج الصبح اليوم نعقد
رشا…اااف بس على هاي
خلف…لا اريدج تتنازلين عن املاكج قابل شريد منج
رشا…اي كعدت روح هسه اجي وراك افففف استغفر الله
خلف…وثول تافاافين من الصبح شعندج
رشا…ياربي ولله انعس قابل هي طايره المحمكه بلعشره ونروح
خلف…لا هسه انروح حتى نكمل كلشي ونرجع بسرعه
رشا…كاعده أمري لله ياربي احنا وين عايشين اكو واحد ؤكعد هيج وكت
خلف…بعدها ادردم سدي حلكج وكومي بسرعه
خلف..طلعت وهي بدلت وطلعت وراي امي صاحت علبه تعاي تريكي ماقبلت ضاجت حضرته لان كعدناها بلسبعه
دخلت سبحت
شويه وطلعت مبدله لابسه تنوره بنفسجي طوخ وقميص ابيض وحذاء ابيض ومكياج وعطر
خلف…روحي أمسحي المكياج وتعاي
رشا…شنو امسح المكياج شلون اطلع
خلف…اطلعين مثل خلق رب العالمين
رشا….ماامسحه
خلف…تمسحينه وغصبا ماعليج شنو شايفتني عندي كرون
طالع وانتي هيج بعد أصيح تعالو تفرجو على زوجتي حلوه طالعه
رشا…انت شبيك الخاطر الله
خلف…شبيه رجال واخاف على عرضي
ابو خلف…يابويه لاتسوي مشكله
خلف…اذا ماتسمع كلامي وتمسح المكياج اجي اني امسحه
بمعرفتي
امي….ياا غير بعدها عروس
خلف…تمسحه يعني تمسحه
ابو خلف…عمي أمسحي الخاطري
رشا….اففف ياربي اني شسويت عندك ليش هيج يصير بيه وين جنت ضاملي هاي القسمه
خلف…شكاعد ادردمين احجي بصوت خل اسمعج
رشا…اندب حضي الاغبر وين جنت وين صرت
خلف…هااا حضج الاغبر ولله اني حضي الاغبر طحت
بوحده مثلج ماتنجرع
رشا دخلت مسحت بس الحمره وطلعت
راح وياهم ابو خلف علمود العقد وهم حتى يمنع اي مشكله تصير بينهم
كدرو يكملون العقد بنفس اليوم ورجعو للبيت
باقي ايام الاجازه خلصت على نفس الروتين بليل خلف ينام بلكاع والضهر ينام يم اهله
والكلام بينه وبين رشا كلش قليل
خلصت الاجازه ولتحق للجيش
رشا فرحت راح تخلص منه لان مادام هو بلبيت لازم يتعاركون
خلصت السبعه وابو خلف سمح الرشا تروح الاهله بلنهار
ساعه وترجع
اما خلف من التحق لكه الوحده مالته منقوله
المنطقه اسمها عين دبس بكركوك وعلما راح وراهم وثبت نفسه واحد وعشرين يوم يله نزل
كدر يحصل اجازه عرس بوكته ١٤ يوم الاجازه
وفوكه إجازته الاعتيادية وياها سبع ايام يعني راح يكعد على كلب رشا واحد وعشرين يوم
وقدم على سلفة زواج طبعا تاخذ وقت يله تطلع
هاي الفتره الي غاب بيه خلف اقصد ٢١ يوم الي خلصهن
بلجيش ام رشا رجعت فتحت موضوع الامتحانات
وياا رشا
ام رشا….مادام خلف هلكد يغيب جمانه السعيدي ليش ماتقرين وتمتحنيين
مو احسن ماكاعده هيج طول النهار