رواية حب بعد الزواج الفصل العاشر 10 بقلم جمانة السعيدي
رواية حب بعد الزواج الجزء العاشر
رواية حب بعد الزواج البارت العاشر
رواية حب بعد الزواج الحلقة العاشرة
خلف…بقيت كاعد برا يم اهلي وهي نايمه بلغرفه
تريكنا وابوي راح للسوك
وامي تشتغل بلبيت الساعه ٨ الصبح تقريبا اندكت الباب
اني توقعت الجوارين جاي يباركولي على العرس
فتحت الباب والمفاجئه
امل بوجهي معدله نفسه ومكيجه والعطر
ركزت زين اي هاي امل
امل …شلونك خلف
خلف…اهلا وسهلا
امل…اريد احجي وياك تعال هنا شويه مااريد احد من اهلك يشوفني
طلعت برا وبقا الباب مفتوح شويه
امل…اعرف انت البارحه ازوجت اني دزيتلك خبر بيد حسن مااعرف حجالك لو لا
خلف…نزلت حواجبي حتى تحس بنزعاجي منه ومن جيته
خلصيني شتريدين خاف يجي احد وهاي الوكفه موحلوه بحقج وبحقي
امل…اني بعدني احبك وزواجي كان اكبر غلطه
ضحكو عليه وقشمروني
خلف…المطلوب شنو خلصيني
امل…نرجع مثل قبل
خلف…ترا انتي بعدج بلعده ومايصير تطلعين وتحجين وياا انسان غريب
امل…انت مو غريب انت حبيبي انت اول حب اني اعرف انت زعلان مني
واعرف ومتاكده بعدك تحبني مثل مااني احبك
خلف…احبج منو كال بعدني احبج جمانه السعيدي انتي صفحه وطويته
ماضي ونسيته اني اريدج تتأكدين من شي واحد من
الساعه الي درتي وجهج وزوجتي واحد غيري
وعفتيني وراج بدون متقدمين اي مبرر هاي الساعه
كلشي انتهى
والدليل اني هسه ازوجت واحب زوجتي
وهسه من رخصتج مااريد احد يشوفنا سوا وانسي
خلف للابد
مو اني الي بباوع لفضالت غيره
امل…بس اسمعني
خلف درت وجهي وعفته راسا طلعت ام رشا من بيتهم جايه علينا شافتني اني دخلت وعفت امل بلشارع
راسا دخلت وراي ام رشا بس ماحجت اي شي
ام رشا…صباح الخير خلف الف مبروك
خلف …الله يبارك بيج
ام رشا….رشا كعدت
خلف…مااعرف شوفي بلغرفه
خلف…اني رجعت للصاله وتمددت كلش ضجت من شفت امل شكد وقحه الخاطر الله
شنو اني لعبه تتسلى بيه
قبل جنت ذابح نفسي عليه واتمناله الرضا ترضا
لمن شافت واحد غيري وياا فلوس دارت وجه وهسه
ملت منه وكالت ارجع اتسلى بخلف
لو تبقى اخر وحده بلدنيا بعد مااريدها
اني اكدر اتسلى بيه واضحك عليه مثل ماكانت تضحك عليه بس هاي مو اخلاقي
اني بعد مو خلف القديم جاي تضحك عليه بكلمتين
اكو مثل يكول الضربه الي ماتموتك تقويك
بعد مااسمحله تدخل حياتي مره ثانيه
ام رشادخلت لكيت رشا بسابع نومه
ام رشا….رشا رشا ماما اكعدي
رشانست هي عروسه متوقعه بيت اهله وامه جاي تكعده
رشا…بعد شويه ماما
ام رشا…اكعدي خل افتهم خو مااتاذيتي
رشا وهي مغمضه عيونه …شنو اتاذيت
ام رشا…اقصد البارحه خو ما اذاج خلف
رشا فتحت عيونه خلف صحصحت خلف
ام رشا…اي شبيج البارحه شصار خوما تعاركتو لو اذاج
رشا كعدت على حيله ….صباح الخير ماما
ام رشا…صباح الخير مبينه زينه
رشا…شنو ماما شصاير
ام رشا…البارحه خفت عليج لان بقيتي تبجين
رشا…كلشي ماصار بينا
ام رشا…كلشي كلشي
رشا….كلشي كلشي خلف نام بلكاع واني من شفته
غفه نزعت البدله بدلت ونمت
ام رشا…بس هيج
رشا…اي بس هيج
ام رشا…شعجب عافج ونام
رشا…لا خل ازيدج علم يكول اني اكرهج واموت منج
وابوي غصبني على هاي الزواجه
ام رشا…دخيل بختك يابو خلف جمانه السعيدي هي ماتريده وهو مايريده
عليمن هذا العناد بعد
رشا…اني من سمعت خلف كال هيج كيفت بلكت يمل مني
ويعوفني
ام رشا….هذا زواج شنو يمل منج قابل هو لعب
رشا….اكيد يطلكني واذا هسه بعد احسن
ام رشا…خلف مو خالي
رشا…شلون يعني مو خالي
ام رشا….هسه من دخلت واكف وياا وحده بلشارع بنيه شابه حلوه يسولفون هو وياها
من شافني عافه ودخل وهي بقت تباوع عليه
بعدين راحت واني دخلت
رشا…قصدج يحب وحده
ام رشا…الله اعلم مااعرف يله كومي اسبحي وغيري ملابسج خاف يجيك احد
رشا…ولله ماليه خلك
ام رشا…عيب من عمج بعدين تردين نصيحتي صيري حبابه
مادام خلف ماعاجبه العرس
خليه تطلع منه يعني هو الي يخرب كلشي
وانتي اطلعين منه سلامات
عمج بس يعرف انتي الي جاي تخربين
يشد وياج اكثر
اريدج تصيرين حبابه وتسمعين الكلام
كومي بلبيت افتري وياهم وبدلي ورتبي شكلج
حتى باجر اذا خلف عافج محد يلومج
اللوم كله يوكع على خلف
رشا…انتي تشوفين هيج
ام رشا…اي بلكت رب العالمين يلتفت علينا ويرجع ابوج
اخذكم ونرجع البغداد مانبقى هنا بعد دقيقه
رشا…انشاء الله يرجع بابا
الخطه الي اتفقن عليه رشا وامه ان رشا تلبس وتكشخ وتحاول تقرب من بيت عمه
لان هي ضامنه خلف مايريدها
حتى اذا طلبت الطلاك محد يلومه لو يحجي عليه
راح يكولون خوش بنيه وماقصرت ابد
بس الصوج من خلف وهي ماله ذنب
نسوان قبل افاكرهن بسيطه مو مثل نسوان هلوكت مخاويات الشيطان
اقصد البعض مو كل النسوان
اكو نسوان بعدهن على الفطره الحد هذا الوكت
طلعت رشا للحمام سبحت وبدلت وتمكيجت لبست نفنوف
حلو مرتب قبل الموديل ضيك وقصير بوكته نسمي ساك
الي هو اسمه هسه بينصل
لو كوستم قطعتين تنوره وقميص لو تنوره وقميص
وستره هذا الموديل يعتبر صيحه بذاك الوقت
اما اللبس الي دارج بكل البيوت
دشداشه ام الزخمه كل البنات لابسات منه
رشا لان جسمه حلو وبيضه كان اللبس عليه حلو
وشعرها سرح دائما مرتبه وشكله حلو
طلعت رشا لبست نفنوف ماروني ضيك وقصير والردن ركلان الي هي هسه اسمه خفاش وفتحت شعرها وخلت مكياج وعطر
اجا ابو خلف من السوك
امه اشرتله تروح تسلم علي حسب الخطه الي بينهن
هي وامه تبين لطيفه وحبابه
حتى تخلص من هاي الزواجه بأسرع وقت ممكن
خلف بلصاله وابو دخل شايل العلاليك صار كبال الباب
اجت رشا
رشا…الله يساعدك عمو
خلف انتبه هاي شغير حاله البارحه تريد تموت من البجي
شعجب اليوم لطيفه هيج
ابو خلف…هله بيج عمي شلونج مبروك
رشا…دنكت باست ايده الله يبارك بيك
خلف عينه عليهم ومستغرب من تصرفه
لابسه وفاتحه الشعر
ابو خلف….هله ام رشا شلونج
ام رشا…هله خويه هله بيك بلعافيه عليكم
ابو خلف…الله يعافيج
ابو خلف…بويه صادق تعال اخذ المسواك وخل امك تسويلنا جاي هاي ام رشا جبتوله ريوك جاي
ام رشا…شكرا حجي متريكه
رشا..اني ادخل المسواك
خلف يباوع ومامصدك
دنكت رشا تشيل العلاكه واجا صادق شال البقيه
النفنوف قصير صعد اكثر رجليه بيض وطالعات
راسا طفر خلف من مكانه ماعجبه الوضع
بس احب أوضح شي قبل ماكو حجاب داخل البيوت
الجنه ماتلبس حجاب بلبيت حتلو خمسين نفر بلبيت
ماتلبس حجاب ماكو توعيه دينيه
بس بنفس الوقت ماكو فساد داخل البيوت الناس عايشه على حب الله
الحموين يعتبرون الجنه اختهم وماينضروله غير نضره
هسه هم اكو هواي ناس بعدها عايشه على هذا الحال
المهم