رواية حب بعد الزواج الفصل السابع 7 بقلم جمانة السعيدي
رواية حب بعد الزواج الجزء السابع
رواية حب بعد الزواج البارت السابع
رواية حب بعد الزواج الحلقة السابعة
خلف…ماصدكت الي سمعته شنو اني ازوج رشا
بقيت ساكت وواكف مثل الصنم
ام رشا…بتي ماتزوج تريد تكمل دراسته شاطره بلمدرسه
ابو خلف…اني كلت الي عندي وبعد بتج حتى امتحان ماتمتحن واذا شفته طالعه برا البيت رجليه اكسرهن
خلف طلعنا من بيتهم ودخلنا ببتنا
خلف…بويا انت تحجي صدك
ابو خلف…اي احجي صدك
خلف…شني ازوج هاي ام الولد مااريدها
ابوي…لا تزوجه هاي عرضنا لازم تزوجها حتى مانصير علج بحلوك العالم
خلف…مااريدها شني هي كوه واحد من اخواني يزوجها
ابو خلف….انت الي تزوجها انت الجبير اخوانك بعدهم زغار ومامكملين دراسه
خلف…اني مااريدها
ابو خلف…شبيه حلوه وزغيره جنه غزاله وبت عمك
بعدين الناس كله عرفت عدها علاقه بسالم
وتعاركنا امس علمودها
محد راح يخطبها
الناس عدهم صارت معيوبه وعليه سمعه
خلف…واني شعليه هي الي جابته النفسه
بلكت يرجع عمي ونفتك منهم
ابو خلف…واذا مارجع عمك شلون شلون نحميه
البنيه زغيره وبعدها طايشه
وماكو احد جبير تخاف منه وتمشي بكيفه
اذا اخذته عاد تصير كدام عيونه وبعد ماتغلط
اني لو اعرف سالم ولد نشمي ويحبه صدك ويحافظ عليه
اني ازفه اله باايدي
خاف نمنعه من سالم تروح تسوي شغله اكبر
لو تشرد لو تحب واحد ثاني
اذا اني ابوك واليه خاطر عندك ازوجه الخاطري
واذا ماتعجبك ازوجك وحده ثانيه
وعد من هلشارب
خلف…سكتت لان مامقتنع جمانه السعيدي اني ورشا شلون ابوي رهمه
اني ووين وهي ووين
كل واحد من عالم شكل
هسه نشوف الي صار بيت علي ابو رشا بعد الخطبه
رشا….ولله لو يموت ماأخذ خلف لو يبقى بس هو بلدنيا
همه هاي المشاكل كله حتى ازوج خلف
لا كاتلهم سالم ولا جيته للشارع
ام رشا…كله من وراج شلون تجيبين الولد للشارع
وانتي تدرين احنا وياهم الباب بلباب
يمه افهمي احنا مو بغداد هنا الوضع يختلف
رشا….خلاص نرجع البغداد انتي مو كلتي اذا مايعجبنا الوضع نرجع البغداد
ماعجبنا الوضع يله نرجع البغداد احسن مانبقى هنا يم هذوله المتخلفين
ام رشا…باجر اروح اخابر خالج من الجيران لازم يجي
ويخلي حد البيت عمج
ماطلعت يصرفون علينا يردون يتحكمون بينا
رشا…اي خلي خالو يااجرلنا بيت هناك ونرجع البغداد
نهى…اي اني هم ضجت اريد ارجع البغداد
ثاني يوم ام رشا راحت للجواربن حتى تتصل بااخوها
لان عدهم تليفون ارضي
بس اتفاجئت بردت فعله الي مامتوقعته نهائيا
ام رشا….. ولله ياخويه عايشين بذله ولله يصرفون علينا يردون يتحكمون بينا
اريدك تشوفلنا بيت ونرجع يمكم
اخو ام رشا….انتي صدك تحجين عايفه ببتج ملك وتجين
تااجرين بيت
اي ومنيين تدفعين الإيجار وشلون تعيشون
ام رشا…من الراتب
….هو شنو الراتب شيكفي اكعدي ببتج واسكتي
واحمدي ربج الف مره
كاعده بيت ملك وناس تصرف عليج وكلشي ماخسرانه
احجي الصدك شنو السبب اريد افتهم
ام رشا….اكو ولد عجبته رشا واجا تقدمله وهمه ماقبلو يردوها الخلف هم شايف رشا الخلف
هاي وين صايره
.اخو ام رشا…..اي اكيد همه يعرفونه اكثر منكم لو بي خير جان وافقو
بعدين بناتج شويه ضبيهن
مو هيج الحجي يردن يمشن بكيفهن
وين شافه ووين عرفه جمانه السعيدي اكيد اكو شغله ماتردين تحجيه مو صحيح
ام رشا….يعني مراح تجي تحجي وياا عمهن
رشا ماتقبل بخلف وتريد تكمل دراسته
.اخو ام رشا….بناتهم وبكيفهم بعدين خلف شبي رجال ومايتعيب
بتج تاخذ واحد احسن منه خويه نصيحه مني
عيشن حياتجن ولا تباوعن بلعالي
بعد حياة بغداد انسنها انتن نسوان وماعدجن زلمه
موزين دايرين بالهم عليجن
احمد ربجن واشكرنه
وبن لاكيات واحد بنا البيت بيت كامل بنا على احسابه
تعرفين بناء البيت شكد يكلف
ويصرف عليجن ومتعافيات
اكعدن وسكتن لو واحد غيره جان كال اني شعليه
هما عايشين بغير ولايه والهم حياتهم واني اليه حياتي
ليش اتعب نفسي وياهم
جان يكدر يفتح مشروع بذني الفلوس لو يزوج ولده
هسه بناتج نمونه قابل ماكو نسوان
اهلهن ويردون يحافظون عليهن
نصيحتي وافقي على خلف
ضاجت ام رشا من كلام اخوها وقررت تتصل بااخوها الثاني
وكان رده أصعب من رد الاول
ثنيبنهم مايردوهن يرجعن البغداد خاف مسوليتهن ترجع عليهم
ام رشا من الضوجه ضغطها صعد كوه رجعت للبيت
وهي تبجي ومامصدكه ردت فعل اخوانه
معقوله هيج يتخلون عنه
رشا…ماما ليش تبجين شكووو خوالي صاير وياهم شي
ام رشا….اهييي اهييي اي صاير عدهم نقص نخوه
صاير عدهم نقص محنه الغيره انشالت منهن
مايردونه ماعولو يخلصون منا
يكول اكعدي واسكتي انتي وبناتج لا ترجعين البغداد
مايردونه اهيي اهييي محد يريدنا
رشا….شنو مايردونا لازم يدورونا بيت بغداد بأسرع وقت
ويجون ياخذون منا
ام رشا… الله موجود النسوان الي ماعدهن زلمه بلبيت الناس تلعب بيهن لعب
عمج يتحكم من صفحه وخالج مايريدنا من صفحه
راحت المحنه وياا أهلنا الكبار
رشا…يعني شنو اني راح ازوج خلف
ام رشا ….مابيدنا حل لازم نقبل ونسكت
رشا…لو اموت ماأخذ خلف اكتل نفسي شنو اني اخذ خلف
خلف…هدوء مابعده هدوء اني سكتت مامقتنع ابد
وابوي مصمم على هاي الزواجه
وبدأ يشتري غراض للعرس وحجز غرفة نوم
واني ماادري شسوي مااريد رشا ولا اطيقها
خلف….بويه اريد احجي وياك
ابوي….اي كول
خلف….اني مااريد ازوح وحتلو ازوج مااريد رشا
خلي واحد من خواني يزوجه
ابو خلف….لا انت الجبير وانت الي تزوجه بت عمك
طايشه ومحد يكدر عليه غيرك
انت رجال صدك وتكدر عليه اخوانك بعدهم زغار
ومراح يدبروها
اخذ كلامي بت عمك انت تزوجه وتحكمه
خلف…مااريدها اكو واحد يزوج وحده مايريدها
ابو خلف….بس تزوجها اخذ مني راح تحبه وتخلفون
درزن جهال
خلف…بويه انت عزيز عدي واني احبك واحترمك
ومااكدر ارفضلك طلب بس عوف هاي السالفه
ابو خلف….اذا انت ابني صدك تزوجه وتخليني ارتاح من هاي السالفه انت ماتعرف ذني البنات امانه بركبتي
خلف اتأكد الحجي وياا ابوي ماله معنى مصمم على رئيه
اسكت احسلي وأمري لله
اما رشا قررت ماتسكت تريد تنهزم وياا سالم
لان هي متوقعه يحبه ومستحيل يتخلى عنه وبس تطرح على هاي الفكره راح يطير من الفرح
وياخذها وينهزم يزوجه
بيومها خلف التحق للجيش وعمها بلسوك والولد بدوام
رشا…ماما اريد اروح اتأكد من جدول الامتحانات وباي مدرسه نمتحن
ام رشا…اروح وياج لا تسويلنا مشكله ثانيه تعرفين بيت عمج مايقبلون تطلعين من البيت وحدج
رشا…شنو القصه هسه ارجع بسرعه لا تخافين
بعدين خلف اليوم راح للجيش سمعته الصبح من طلع
وعمي بلسوك والولد بدوام واني مراح اتأخر ابد
بسرعه ارجع
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب بعد الزواج)