رواية بيت البنات الفصل العاشر 10 بقلم جمانة السعيدي
رواية بيت البنات الجزء العاشر
رواية بيت البنات البارت العاشر
رواية بيت البنات الحلقة العاشرة
زهراء…بدون وعي رجعت اتعلق بمهند مره ثانيه
يمكن اصلا اني مانسيته نهائيا
رجعنا نكعد ونسولف ونحجي تفاصيل يومنا البعض
يوصلني للدوام كل يوم وبعدين يطلع للشغل وياا عمو
ومن اخلص دوام يتصل عليه
اذا الدوام خلصان يجي يرجعني للبيت بسيارة عمو
ماانكر كلش ارتاح من احجي وياا
ومن يسئلني عن تفاصيل يومي
ومن يكعد يحجيلي كلشي ويهتم باادق التفاصيل بحياتي
هاي الاشياء رجعت شعلت الحب بكلبي مره ثانيه
صعب تلكه انسان يفهمك الهلدرجه
وترتاح من تكون وياا
جمانه السعيدي
تحدد زواج فاطمه واكثر الاشياء جنا نخلصه اني ومهند
سوا يعني اي شغله ناقصه مهند ياخذني بسيارة عمو
نخلصه
أخذنا بيوم العرس للصالون
اني اشتريت فستان وردي فاتح كلش حلو بي كشكش من الصدر والردن طويل ضيك بي فاتحه جانبيه
ام الصالون رفعت شعري بطريقه كلش حلوه
ولبست تراجي حلق
ومكياج سموكي شكلي كله تغير
من خلصنا اجا مهند ياخذنا بس طلعت وشافني راسا صوفر
مهند…على كيفج علينا ست زهراء
زهراء..ابتسمت نضراته كله اعجاب
وصلنا للبيت وهو بقه يحوس كل شويه جاي رايح
بلزفه ماقبل اصعد باي سياره
مهند…تعاي اني اخذج للزفه
زهراء….ياا شلون تروح بلزفه انت اخو العروس
مهند…مااخليج تصعدين وياا اي واحد فهمتي لو لا لو اني اخذج لو ماكو روحه بعد قفلت
زهراء…شنو قفلت
مهند…ماعاجبج يله ارجعي للبيت
اني واكف هنا اذا طلعتي بلزفه هسه اخرب العرس كله
زهراء…هاي شبيك مهند
مهند..مابيه شي اخاف عليج
زهراء…ههه يله خل تجي ماما ورقيه نصعد كلنا وياك
دخلت جوا
زهراء…ماما مهند يريد هو يوصلنا البيت العريس
امي…اي همزين مهند ياخذنا يله طلعي جنط اختج
زهراء…سحبت وحدا بس شافني اجا أخذها رجعت جبت الثانيه اجا هو أخذها مني
طبعا اربع جنط راحن البيت العريس قبل هاي الجنطتين
وفاطمه تكول ناقصني هواي اشياء
صار اربع اشهر تشتري وتكوم
وصلنا البيت العريس وصلنا قبل العروس مهند ماقبل نفتر بلزفه وياا الناس
مهند…من تخلصون اني اجي اخذكم للبيت
امي…اي يمه فدوه الطولك
مهند…زهراء بدون ضحك وركص اكعدن واسكتن
زهراء…شنو بدون ضحك انت اشايفني كدامك زعلت
نزلت وطبكت الباب حيل ومشيت قبلهم
زهراء…فاطمه بيته وحده صحيح زغير بس كلش حلو ومرتب اهل العريس واحنا وباقي الناس من الزفه وراحت
جابو اكل جاهز تعشينا بعدين الساعه بلعشره بليل اتصل مهند
زهراء…كل شويه مهند يتصل وماارد علي هاج ماما مهند يتصل
امي…وانتي ليش ماتردين علي
زهراء..مزاعلته
امي…هلو مهند هاا ماما
مهند…ليش زهراء ماترد هاي سابع مكالمه
امي..مانسمع التليفون من الهوسه
مهند..اجي اخذكم
امي..اي منتضربنك
مهند..اجيت
جمانه السعيدي
وصل مهند وكام يدك هورن
ودعنا فاطمه وطلعنا امي كعدت كدام يم مهند
امي…شلونك يمه همزين اجيت تاخذنا العريس يريد
ياجر سياره ويدزنا بهليل
رقيه…هلو هنودي
مهند…هلو باوعت بلمرايه زهراء ماسلمت كاعده وماده البوز شبر
مهند…هلو زهراء
زهراء…مارديت
مهند…شغلت السياره ورجعنا للبيت
نزلت خالتي ورقيه نزلت زهراء لزمته من ايدها
زهراء…شتريد
مهند.. ليش زعلانه ماتحجين وياي
امي ورقيه دخلن جوا واحنا واكفين بلطرمه
زهراء…يعجبني
مهند..شنو يعجبج
زهراء…يعجبني مااحجي وياك وانت بعد لا تحجي وياي
سحبت ايدي عوفني
مهند…انتي بكيفج ازعلين
زهراء…لا استئذن منك
مهند..طبعا تستاذنيين اني شكلت وانتي زعلتي
زهراء…لا تضحكين لا تحجين شنو اني كدامك طفله ترا
اني كبرت وتخرجت واعرف حدودي زين
مهند…لا ماكبرتي بعدج زغيره
اشرت على راسه هذا بعدا زغير
زهراء…مهند عوفني مااريد احجي وياك
مهند….غير اخاف عليج ياعيوني انتي
زهراء…شكرا لا تخاف عليه عوفني
مهند… بكيفج روحي
زهراء…عافني دخلت الغرفتي بدلت وبعد ماطلعت
جمانه السعيدي
نص ساعه ودك الباب
زهراء..منو
مهند…اني اريد شاحنه
زهراء…تليفونك مونفس تليفوني
مهند…ميخالف اريد شاحنه
زهراء…مهند لا تزعجني شاحنتك بغرفتك
مهند… زين اني عندي صداع شوفي هذا العلاج مال صداع
زهراء…كمت فتحت الباب
مهند…اني اسف
زهراء…على شنو وين العلاج
مهند…اني اسف ولله حرصي عليج خلاني اكول هيج
زهراء…اريد انام
مهند…مو قبل ما تسامحيني
زهراء… بشرط بعد لا تدخل بخصوصياتي ابد
مهند…حاضر موافق
زهراء…تصبح على خير
مهند…مو هيج وياها ابتسامه
زهراء…ضحكت تصبح على خير
مهند…اي هسه وانتي من اهل الخير
بعد زواج فاطمه بشهر اجانا خبر وفاة عمو محمود أبو رشا ومخلي وصيه يندفن بلعراق والعزاء يكون بلعراق
اتصلت خاله الهام منهاره فد مره
متخربط بليل وناقلته للمستشفى وحدها
وتتصل على رشا ماترد بلعشره الصبح فارق الحياة
للوحده الضهر يله راده عليه رشا
لمن سمعت ابوها مات يله اجت للمستشفى
جمانه السعيدي
هذا الخبر مثل الصدمه علينا عمو محمود انسان محترم وكلبه طيب وحنيين
٣ ايام يله كملت اجرائات وصول الجثه
الزلم راحو استلمو الجثه من المطار وشيعو بغداد
واحنا رحنا نضفنا البيت واستقبلنا عزاء النساء
اجت خاله الهام ورشا ورضا
خالتي جانت كلش منهاره علي حتى رشا كطعت نفسنه
على ابوها حقه جانت مدلله بوجوده بلدنيا
بعد العزا انجنعنا كلنا بيت عمو محمود
اني مااعرف ليش كنت اراقب مهند ورشا يمكن اريد اعرف بعد اكو شي بينهم لو صدك كلشي انتهى
انهارت رشا ووكعت من العياط والحزن
انجمعنا عليه بس مهند ابد ماهزه الموقف ولا اهتم
اصلا اخذ رضا وطلع برا اني عمو مهدي وعمار اخذناها للمستشفى
وهو ولا على باله ابد
بس حاضن رضا ويبوس بي
صحيح هو حضر العزا بس ابد مالتقه برشا ولا اله شغل بيه بس عازاها على الماشي
اما خالتي الهام حضنه وكام يبجي هو يبجي وهي تبجي
خلصت السبعه واحنا بعدنا بيتهم بغداد
عمو مهدي…تعالو ويانه واني اخليكم بواحد من البيوت
الي قريبه علينا واي شي تحتاجونه على راسي
رشا…شكرا عمو احنا نرجع على استراليا
ام.رشا…اني ماارجع وياج هناك الي كان مصبرني على الغربه ابوج وبعد راح اريد ابقه هنا واموت هنا
رشا…اني ارجع الاسترليا اني مااكدر ابقه هنا ابد
ام رشا…رضا ماتاخذينه وياج انتي ماعندج احساس بالمسؤولية
رضا يبقى عندي
رشا…ماما لا تحجين هيج
ام رشا…شنو مااحجي هيج هاي حقيقه انت انسانه طايشه
وماعندج احساس بلمسوليه
واريد اكلج شي محمود مات بسببج وبسبب طيشج
كل يوم جايبتلنه مصيبه ساعه دعاره ساعه مخدرات
رشا…ماما اسكتي
زهراء…رشا مارادت امه تحجي كدامنا عليه حتى لا نكشف حقيقته
ام.رشا…حتى مهند ضيعتي من ايدج وهو يسوا راسج
كاعد تخسرين اقرب الناس اللج وانت ماتدرين
اوعي على نفسج
راح اضيعين ومحد يساعدج
رشا…ولو ارجع يعني ارجع ورضا خلي يمج مااريده
مهند…اني ابو اني اريده
رشا…لا رضا متعود على امي يبقى يمه
مهند…انت شنو من بشر تردين الكون يمشي على مزاجج
وين ماتردين تولين ولي انشاء الله الجهنم الحمره
مالي شغل بيج
شوفي شكلج شلون صاير من الخمر والمخدرات
ارفع عليج قضيه