رواية اخفاء فضيحه الفصل السادس 6 بقلم جمانة السعيدي
رواية اخفاء فضيحه الجزء السادس
رواية اخفاء فضيحه البارت السادس
رواية اخفاء فضيحه الحلقة السادسة
مر اسبوع على وامي لا ليلها ليل ولا نهاره نهار
تفكر بكلام الناس وشنو الحجي الي راح يطلع علينا
وشلون راح نخلص من هاي المصيبه
الي تورطنا بيها
واني حالتي
اسوء من حالتها
بس نايمه بلفراش ومآ اعرف شنو مصيري
ما اعرف شنو الثمن الي راح ادفعه على هاي الغلطه
بعدين امي كالت راح اكول العمج هو جبير وفاهم
واكيد راح يلكه حل
ابوج عصبي وخاف يتهور ويسوي شي نتندم علي
جمانه السعيدي
اتصلت بعمي وكالته تعال عندي شغله وياك
بس اريدك تجي من ابو رهف يطلع ما اريده يعرف
هاي الشغله سر بيني وبينك
عمي كاللها من يطلع ابو رهف اتصلي عليه واني اجيكم
الصبح بابا طلع للدوام
وامي اتصلت بعمي كال هسه جاي
شويه واجاااا
دخلته امي بلاستقبال واني رحت سلمت علي
ورحت اخدر جاي
ام رهف خويه اني اليوم ناخيتك واكعه بمشكله ومحد غيرك يحله
ابو سيف كولي محتاجه فلوس
ام رهف لا عساك سالم مستوره والحمد لله
…الله يسلمج
…اني ولله ما اعرف شلون افاتحك بلموضوع بس ولله مضطره
انت جبير وفاهم وعندك تدبير للامور ابو رهف عصبي
وخفت احجي كدامه يتهور وتكبر الشغله
….كولي قلقتيني
….رهف قبل زواجه هي وأمير بكم يوم هو جاي الله يرحمه يشوفها ويطمن عليها
تعرف شباب وبعدهم ازغار والشيطان شاطر
وصاير بينهم علاقه
…لا لا وبعدين
…لان عرسهم قرب ما جان ابالهم تصير هاي المصيبه
وانو مامنيين لان العرس بعد يومين
وهي جانت واثقه بي لان ابن عمها ابن خالتها ومستحيل يغدر بيها
جمانه السعيدي
….وبعدين
….بعدين هسه رهف حامل وهذا الي بطنها ابن امير
واحنا واكعين بمشكله
اذا ابوها عرف يذبحها
ابوها عصبي كلشي وهيج شغلات ما يتفاهم
واذا بطنها كبرت شراح نكول كدام العالم وشنو العذر
ابو سيف لا مو خوش خبر صح اني فرحت بقالي شي من ريحة امير بس رهف شلون
ولله ياخويه هاي صدك مشكله
ام رهف اروحلك فدوه الكيلي حل يطلعني من هاي المصيبه صار اسبوع واني مانابمه
وشايله هم الدنيا كله على راسي
اذا صار شي على سمعت رهف أخواتها هم يتاذن
وراح توكف قسمتهن
الناس مراح تكول مزوجه الناس الها الضاهر
وانت ادرى بلمجتمع وخاصة ويه البنات
مايصدكون يلكون سالفه صدك جذب يضلون ياخذونها ويرجعونها
جمانه السعيدي
ابو سيف زين اذا اخطبها السيف تقبل
ام رهف مثل الي انصدمت السيف
ابو سيف اي اني راح ارتبه وي سيف واشرحله السالفه
واذا على ابو رهف لاتخافين اني اقنعه
ام رهف زين الناس شراح تكول منا مات امير
ومنا اخذو خطيبته الاخوووو
ابو سيف انتي ماللج علاقه بكلام الناس
خل الناس تكول اخو زوجها اخذها احسن ما يكولون
طلعت حامل وبعدها ما مزوجه
ام رهف وهناء شلون
ابو سيف معقوله هناء اضوج على هيج شغله هي بعدها
مصدومه بامير وهاي اعضم مصايبها
بعد موت امير كل المصايب تهون
بعدين خليها تزعل يومين اتلاثه شهر وبلاخير راح تقبل
بعد هي ليش توكف بوجه قسمت رهف المن تريدها
ورهف اذا ما اخذها سيف مصيرها تتزوج اول وتالي
خلي نزوجها السيف ويستر على هاي الفضيحه قبل لا تطلع وتنتشر بين الناس
اني هسه رايح انتي قنعي رهف واني رايح احجي ويه
سيف
واذا اقتنعت اتصلي عليه واني اجي احجي ويه ابو رهف
جمانه السعيدي
طلع عمي وامي اجت للغرفه بس شكلها محتاره
رهف هااا ماما عمي شكال
ام رهف عمج لكه حل الهاي الفضيحه بس باقي على موافقتج وموافقت سيف
رهف وسيف شنو علاقته بلموضوع
ام رهف عمج يكول اخطبها السيف ونستر على الموضوع
رهف شنو سيف يااا عمي يحجي صدك
ام رهف ماكو كدامج غير هذا الحل واذا ما توافقين
بعد اني ماعندي غير حل
اني مراح اجبرج بس زواجج من سيف راح يكون موقت منا لمن اجيبين وتكومين بلسلامه
وساعته اطلبي الطلاك هيج تحافضين على سمعتنا كلنا
هسه الحل صار بايدج
رهف يمه شلون اعيش ويه سيف اني اكرها
ام رهف هنا خمس اشهر لوسته اتحملي شلون مجان
وطلعي نفسج من هاي المصيبه
رهف ياربي ماكو غير هذا الحل
ام رهف الوحيد سيف الي راح يقبل بيج بهذا وضعج
وراح يستر على هاي الشغله ومراح يحجي بيها ابد
لان انتي اول وتالي بت عمه ومستحيل يفضحج
جمانه السعيدي
رهف سكتت بس ما مقنعه ابد
ام رهف شكلتي عمج منتضر الموافقه حتى يفاتح ابوج بهذا الموضوع
رهف موافقه وأمري لله
ابو سيف طلعت من بيت ابو رهف واتصلت بسيف وكتله انت وين اريدك بموضوع مهم
سيف جاي افول بانزين عشر دقايق واكون يمك
ابو سيف اريدك تجي البيتك عدي موضوع مهم اريد احجي وياك بي
ابو سيف واني انتضر سيف هناء حست اكو شي
هناء شو اليوم ماطلعت للشغل
ابو سيف هسه اطلع شويه عندي شغله اخلصها واروح
هناء وشني هاي الشغله
ابو سيف حبيبتي ماتخصج اكو واحد عندا عقار يبيعه
ومنتضر سيف ياخذني اشوف العقار ومناك يوصلني للمكتب
اريد جاي طيب من هذني الادين الحلوات
بس راحت هناء اجاني اتصال من ام رهف كالت رهف موافقه على هذا الحل
بقيت انتضر سيف يرجع واشرحله الموقف
شويه جابتلي هناء الجاي شربت وسمعت الهورن مال سيارة سيف وطلعت
كتله افتح المشتمل عندي شغله مهمه وياك
سيف حسيت بقلق شكووو
ابو سيف هسه احجيلك كلشي
كعدنا وسيف راح يجيب القوري يخدر جاي
ابو سيف تعال اكعد توني شربت جاي عندي شغله مهمه اريد اطلبها منك
سيف أمرني بويه كووول ترا قلقتني
ابو سيف اني اعرفك انسان كفو ومستحيل ترفضني طلب ابد
سيف اطلب عيوني تاخذهن
ابو سيف عيونك سالمات
اريدك تتزوج رهف بت عمك
سيف نزلت حواجبي شنوووو شكاعد تكول
ابو سيف الي سمعته اريدك تتزوج رهف
سيف وليش هذا القرار ترا امير ماصار غير شهرين ونص من مات شلون ازوج خطيبته
ابو سيف امير بعد عقد الشيخ وعقد المحكمه غلط ويه بت عمك قبل العرس بيومين
وهسه بت عمك حامل واحنا نخاف من الفضيحه
هاي الفضيحه راح اتأثر على بناتنا كلهن مو بس رهف
واني ما اريد ابن امير يربي واحد غيرك
بت عمك ما غلطت وهذا الولد مو ابن حرام
هذا ابن امير ومن صلبه
وانت الوحيد الي تكدر اطلعنا من هذا الوضع
جمانه السعيدي
سيف ولله فاجئتني ابد ما متوقع انحط بهيج موقف ابد
رهف بت عمي والنعم منها واني ما شفت منها شي موزين
ابو سيف يعني موافق
سيف يابه اني من ايدك هاي