سامحيني… والله ما كان قصدي أوجعك.
قربت منها وحضنتها، ومن غير كلام، الوجع ابتدى يهدى.
يوم فرحي جه…
وأنا في الكوافير، الباب اتفتح، ودخلت مريم.
كانت مستقرة، بس جايالي بقلب أخت بجد.
مسكت إيدي وقالت وهي مبتسمة:
النهارده أختي اللي بفرح لها من قلبي.
وفي الفرح، كانت معايا في كل صورة،
تزغرد، وتضحك، وتفرح كأنها لسه عروسة.
وأنا بزفّ، بصّتلها، لقيتها بتصفّق وعيونها مليانة دموع فرح.
ساعتها عرفت…
إن اللي بيكسب في الآخر مش اللي سبق،
ولا اللي فرشه أحلى،
اللي بيكسب هو اللي يعرف يصلّح،
وأم زي فاطمة تعرف تلمّ القلوب قبل ما تتكسر.
#تمتت
#حكاوي_كاتبة
#مرات_الاب
#حور_حمدان
تمت