سكريبت عروسة شارعنا (كامل) بقلم رين
من سنتين لقوا جثـ.ـة لبنت في العشرينات ميـ.ـته في شقتها بس الغريب إنها كانت لابسه.. فستان فرح؛
البنت دي في شارعنا،
أنا عشت الواقعة دي.. ومن يومها مقدرتش أنساها لأن كل الشارع كان بيتكلم عنها، بيتكلموا عن
“عروسة شارعنا”..
بنت صغيرة لسَّه متجوزة لقوها ميـ.ـته في شقتها اللِّي في وش عمارتنا،
بنت مقـ.ـطوعة من شجرة محدش يعرف عنها أي حاجة والأغرب إن الحي كله كان بيقول أنهم أول مرَّة يشوفوها لمَّا لقوا جثـ.ـتها في شقتها..
طيب شقة مين دي؟! وفين جوزها؟!
محدش عارف..
عدَّت فترة من آخر مرَّة شفتها..
آه شفتها، أقصد شُفت شبحـ.ـها أو ر.وحها.. كل سنة في نفس اليوم اللِّي ماتـ.ـت فيه بترجع تظهر تاني، بتختار كل سنة ضحـ.ـية جديدة من شارعنا،
ومعرفش المرَّة دي مين عليه الدور.. النهاردة هترجع.. حتى لو أنا نسِيت صوت الشبابيك والأبواب اللِّي بتتقفل بكل قـ.ـوة في اللِّيل بتزامن فكَّرني،
وصوت الراجل اللِّي في نفس اليوم بيعدِّي في شارعنا وبيقول بصوت عالي
“عروستنا راجعة النهاردة.. ولو خبطت محدش يفتح.. محدش يفتح!!”
السنة اللِّي فاتت كانت أول سنة ترجع فيها،
محدش فاهم ولا خد باله.. بنت ماشية في شارعنا ببطء بتنادي وبتقول