التفت إليها ببطء ملامحه متشنجة ثم قال بغضب شديد:
إنتِ تعديتي حدودك يا حبيبة ايه اللي جابك هنا اصلا ؟
ضحكت بسخرية لاذعة:
أنا اللي تعدّيت حدودي ولا إنت اللي عمرك ما عرفت يعني إيه تبقى راجل متجوز
قبض على يده بعنف:
خلي بالك من كلامك
اقتربت منه خطوة، وعيناها تلمعان بدموعٍ حارقة رفضت أن تسقط
لأ… المرة دي مش هخلي بالي أنا تعبت… تعبت من نظرتك ليها… ومن سكوتك لما حد يجيب سيرتها… ومن جنانك أول ما اسمها يتقال
زمجر بغضب
اسمها مَيتجابش على لسانك بالطريقة دي و لا تفتحي الموضوع ده انتي ساااااامعه
اتسعت عيناها بصدمة ممزوجة بألمٍ مهين
أهو ده اللي أنا بتكلم عنه
حتى وأنا مراتك… لسه بتدافع عنها
مرّر يده في شعره بعصبية
الموضوع خلص من سنين… افهمي بقى
صرخت فيه بانفجار:
لو خلص… ليه عينيك بتفضحك كل مرة تشوفها؟
ليه بتتحرق لما حد يقرب منها
ليه لحد النهارده… مش قادر تكرهها زي ما أنا بكرهها رغم أنها خانتك ….خانتك يا ادم مكنتش مكفيها فبصت لغيرك
ساد صمت ثقيل…
صمت كان كافيًا ليؤكد لها كل مخاوفها
ابتسمت ابتسامة مكسورة وقالت بصوتٍ خافت لكنه قاتل:
أنا خسرت من أول يوم وافقت أتجوزك فيه
كنت فاكرة إني هكسب راجل
بس طلعت بنافس ذكرى ست تانية لسه ساكنة جواك رغم كل اللي عملته فيك و كل اللي شوفته بسببها