نظرت إليه بقسوةٍ اخترقت غروره ثم قالت بصوتٍ منخفض… لكنه حاد كالنصل
الوساخة الوحيدة اللي عملتها هي إني دخلتك حياتي
افتكرت إني حبيت راجل… لكن للأسف إنت أبعد ما تكون عن الكلمة دي
إنت مريض… ومحتاج تتعالج
ابعد عن طريقي يا آدم… لأنّي أقسم بالله لو فكرت تقرب مني تاني أو تهينّي… هتشوف مني اللي عمرك ما تتخيله
كاد يرد عليها لكن الكلمات اختنقت في حلقه… حين لمح زوجته تدلف إليهما
وقفت أمامهما… نظراتها مشتعلة بحقدٍ حاولت إخفاءه خلف ابتسامة باردة متكلّفة
قالت ببرودٍ يحمل غضب العالم كله:
على فكرة… في كافيهات كتير تقدروا تقعدوا فيها بدل ما تتفضحوا وسط الشركة…
ويتقال إن مدير البنك ورجل الأعمال المحترم مرافق سكرتيرته اللي ما عندهاش ذرة ضمير… وبتلف حوالين راجل متجوز وعنده ولاد
صرخ آدم بغضبٍ انفجر دفعة واحدة
إنتِي إيه اللي جابك هنا وإيه الكلام الفارغ اللي بتقوليه ده؟
وقبل أن ترد رفعت آسيا إصبعها السبّابة مشيرةً إليهما بقوةٍ وهي تقول بقوه و بكبرياءٍ
لمّ مراتك… قبل ما أنا اللي ألمها و اعرفها مقامها كويس.
ثم التفتت إلى حبيبة بنظرةٍ مليئة بتحدٍ أنثوي متعمّد وأكملت
وإنتِي… احترمي نفسك واعرفي بتتكلمي مع مين
مش ذنبي إنك عارفة نفسك مجرد ظل في حياته…