تمام يا أستاذ… كل حاجه جاهزه….كل الورق الي حضرتك طلبته موجود
ابتسم قاسم ابتسامة باردة لكنه كان يراقب كل تفصيلة في جسدها…. طريقة جلوسها…نظراتها.. حتى انقباض كفوفها على الملفات
نار الغضب والفضول التي لم يعرف كيف يسيطر عليها تتأجج داخله
بدأ يشرح بعض الملاحظات على الملفات بصوت هادئ لكن كل كلمة كان يقذف بها شيئًا من التحدي
لاحظي هنا، يا رضوى… لو غلطه واحده حصلت حسابي هيكون معاكي ….مليش دعوه بالي راجع القضيه قبلك
رفعت عينيها إليه…. ثابتة رغم الخوف وقالت بصوت هادئ لكنه حاد
تمام… متقلقش حضرتك ….انا راجعته قبل ما توصل مرتين ….مش بحب اعتمد علي حد
ابتسم قاسم ابتسامة خبيثة وكأنه يقول لنفسه…. اللي جاي شكله جااااحد….
تحدث بصوت شبه مزاح لكنه مليء بالتهديد
حلو… بس افتكري… أنا محدش يقدر يوصل لدماغي ….لاحظت انك ماشيه علي نفس خطواتي في ترتيب النقط
قلبها تخطى سرعة دقاته…..كانت تعرف أنه يتلاعب بالكلمات ….يعرف كيف يثير الأعصاب…. كيف يشعل النار تحت برود الكلمات لكنها رفضت أن يظهر الخوف
كل شيء واضح يا أستاذ قاسم ….طبيعي أن افهم طريقه شغلك و امشي عليها … أنا هعمل كل حاجة بالمستوى الي يليق بمؤسسه قاسم المصري….اطمن