روايه صك الغفران الفصل الخامس عشر بقلم الكاتبة فريدة الحلواني فقط وحصريا – روايات فريدة الحلواني

قالت بحدّة مكبوتة:

وبتشوف إيه بقى؟

نظر إليها طويلًا ثم قال بصدقٍ فاضح:

بشوف حد تاني بيقرب من حاجة أنا تعبت علشان أحافظ عليها

اتسعت عيناها قليلًا لكن كبرياءها لم يسمح لها بالتراجع

أنا مش حاجة بتتحافظ عليها يا آدم و لا اصلاً انت حافظت عليا فوق بقى”

ضرب المكتب بيده لا بعنفٍ صاخب بل بقهرٍ و جنون:

وأنا عمري ما قلت إنك حاجة

ثم أردف بنبرة مشروخة:

بس إنتي فاكرة إني هقف أتفرج

اقترب أكثر صوته انخفض حتى صار شبه همس

قوليلي… لو الأدوار اتعكست وشفتي حد واقف جنبي بالطريقة دي كنتي هتسكتي….و لا خلاص مبقتش فارق معاكي

لم تجبه…صمتها كان إدانة

تنفّس بعمق وكأن صدره لم يعد يسع ما فيه…قال بأمر و تجبّر:

اللي حصل ده… ما يتكررش

رفعت رأسها بعناد واضح:

إنت مش من حقك تفرض عليّ أتعامل إزاي و لا هسمحلك تدّخل في حياتي

نظر إليها وفي عينيه خليط من الغيرة والخوف والغضب

يمكن…

ثم أضاف بصوتٍ مبحوح

بس من حقي أخاف.

تراجع خطوة كأن الاعتراف أفقده قوته ثم قال وهو يدير ظهره

اتفضلي… تقدري تمشي.

خرجت آسيا وقلبها يخبط بعنف

وفي الخارج كانت نهال تراقب من بعيد وحين رأت ملامح آسيا فهمت أن الضربة أصابت الهدف بدقة

همست بابتسامة خبيثة:

ولسه… ولسه

خرجت آسيا من مكتب آدم بخطواتٍ ثابتة ظاهريًا بينما كان كل شيء بداخلها يتداعى لم تلتفت لم تُظهر ضعفًا لكن صدرها كان يضيق كأن الهواء قد خانها فجأة