والاحلى من ده كله انك مش مستنيه مساعده من حد
صغيره ومتمتلكيش اي حاجه الا انك عايزه تبداي من الصفر وتعتمدي على نفسك حتى لو هتقعدي في اوضه فوق السطوح …..مش ده كلامك
هزت راسها ببط ء بينما كانت دموعها تسيل بهدوء فاكمل برزانه
-كنت عارف انك محتاجه الحضن ده…. وكان نفسي احضنك واحنا في الحفله بس اول ما فكرت اتحرك ناحيتك جالي تليفون باللي حصل
فاضطريت امشي…… وبرغم اني مكانش ينفع اسيبهم دلوقت الا اني قلت اخطف نفسي ساعه اجيلك فيها احضنك واقولك متخافيش كلنا جنبك ومعاكي وبعدها هرجع تاني
ابتسمت له من بين دموعها ثم قالت بامتنان
بجد شكرا…. انا مش عارفه اقولك ايه
برغم ان طنط سمر مسابتنيش من اول مارجعنا و ضي اختي كمان
بس مش عارفه….. كنت حاسه اني مخنوقه لدرجه اني مش قادره اتنفس
دون ان تشعر وقد فقدت تركيزها بسبب تلك المواجهه الصعبه اكملت
ساعات بنحس ان احنا محتاجين حد مايعرفناش نفضفض معاه ويطبطب علينا
شكرا يا تميم مش هنسالك الموقف ده ابدا
تميم ….. تميم اصبح يغلي من الداخل حينما تذكر كلمات مشابهه حدثت بينه وبين تلك المجهوله التي بدا يشك انها هي….. لكن الان اصبح شك اقرب الى اليقين ينقصه فقط ان يمسك دليلا قاطع بين يديه الا وهو