طب والله كنت حاسه…. رغم انهم تقريبا مبيتعاملوش مع بعض وهي مبتحاولش تحتك بيه بس يا حبيبتي لما بتسرق نظره كده من وقت للتاني بحس عينيها بتلمع بس كدبت نفسي وقلت لا هي لحقت تحبه ولا هي تعرفه منين….. واللي خلاني استبعد الفكره انها عارفه قصته مع ساره…. طب وبعدين يا سالم البنت كده قلبها هيتكسر لو ابنك طلقها
امسك كفها ثم قبله بمنتهى الحنان….. ابتسم وقال بثقه
عيب عليكي يا بابا ده انا سالم الشريف مفيش حاجه تفوت من تحت ايدي ابدا
سحبها معه كي يهبط معا للاسفل وهو يكمل
تعالي….. كل ده هيتحل دلوقت اما ابن الكلب تميم انا هعرف الاعبه كويس متحطهوش في دماغك ولا تشيلي هم
وجد اربعتهم يجلسون معا في البهو الفيلا
عدي و ضيه يتحدثون بهمس معا…. اما سما وتميم يجلسون امام بعضهم البعض وكلا منهم يتصنع الانشغال بهاتفه
والخبيث نظر لها ثم قال
كده بقى يا سما نجيبلك خط تحطيه في التليفون بدل ما إنتي مشغلاه على الواي فاي بس
اكيد هتحتاجيه عشان تكلمي اصحابك او مدرسينك….. ولا ايه
هزت راسها بثبات ثم قالت ببرود ظاهري
مليش صحاب….. ومش حابه اخد دروس بره انا مكتفيه
باليوتيوب
اصلا الامتحانات فاضل لها شهر يعني خلاص مرحله وعدت وان شاء الله انجح وادخل الكليه اللي انا عايزاها