– مديتهاش فرصه اصلا تدافع عن نفسها
واللي هو مكانش الحب اللي يدمرني لو انتهى
يعني مش عارف اوصفلك بس حاسس إنه مكانش بالعمق اللي انا كنت متخيله
وجودي معاكي دلوقتي واللي حصل بينا كأني بفضي كوبايه مليانه وبغسلها علشان تنضف وتتملي من جديد حاجه حلوه حاببها بملاها بمزاجي بس غصب عني
حاببها تتملى حب رغم اني مش مستعجل عليها
بس ببصلها ونفسي فجأه الاقيها إتملت على الأخر
اللي هو برضوا حاسس ان انا عايش حاله جنان وفقدان توازن معشتوش في حياتي قبل كده
في حاجه غريبه بتحصلي ايه هي معرفش
بس حاببها…. وفي نفس الوقت عايز اهرب وابعد عنها عن الحاجه اللي حاببها دي
فاهمه حاجه…. أعقب قوله بابتسامه خجله فقابلته بابتسامه حلوه و قالت بحكمه كبيره
– انا هطلع نفسي من الحكايه وهبُص عليك من بره الدايره عشان اقدر ارد عليك رد حيادي
انت كان جواك طاقه… طاقه غضب طاقه عدم تقبل للوضع اللي انت فيه
طاقه رفض انك كنت عايز حاجه ومخدتهاش حتى لو كان بمزاجك ظاهريا
انما انت من جواك عارف ان الظروف والعيلتين والدنيا بحالها اجبروك انك تبعد عن حبيبتك
– الإجبار ده مش موجود في قانون تميم الشريف
بس في نفس الوقت حصلتلك حاجات كثير في فتره صغيره حسستك انك كنت غلطان في الحب ده