يمكن كان زماني دافن حالي في شغلي …. بعيد عن عيلتي اللي كانوا سبب من الأسباب إني أبعد عن حبيبتي
وقتها كنت هاجيلك حبيت أشكرك
كان نفسي اقولك شكرا إنك كنت جنبي في أصعب وقت في حياتي
داويتي جرحي بسرعه انا متخيلتهاش
يمكن لسه في شويه ألم بس انا مش عارف ليه جرح إتداوا بسرعه
مسكت نفسي بالعافيه عشان مجيلكيش واخدك في حضني….. إفتكرت كلمتك انك مش مسكن
لازم تكوني دوا يشفي المرض او الوجع
ابتسم بخبث لم تلاحظه ثم اكمل
– كان في واحده بتبعتلي رسايل على الوتساب
تقريبا من معارفي القُدام كان بتقعد تتكلم معايا كل فتره كده
ورفضت تقولي إسمها وقالتلي خلينا نتكلم وخلاص
إهتزت حدقتيها وإبتلعت لُعابها برعب شديد فأكمل وكأنه لم يلاحظ هذا كله
– الصراحه مشغلتش بالي لأن كلامها كان عقلاني جدا….. تحسي ان هي ست كبيره مش مجرد واحده صغيره بتتكلم
المهم مره قالتلي انت حبيت ولا عيشه الحب
للأمانه انا مكنتش فاهم السؤال
بس انا محطيتش كلامها في دماغي
– بعد اللي عشته بتجربه ساره اكتشفت ان انا حبيت بس معشتش الحب
واكتشفت ان كل اللي شرحتهولي وانا محطيتهوش في دماغي بعيشه بالحرف الواحد
اللي هو اتوجعت بس مش قوي
اللي هو معرفتش اسامحها لما شفت علامه على رقبتها