هو مش حسين طلق ضي وملهاش عده يمكن اتجوزها تضمن منين ان ده محصلش
لا يا شيري معتقدش حتى لو ده حصل هو مش بالغباء اللي يخليه يخرجها في مكان عام وفي حفله كبيره زي دي
لانها لو قالتله على مكاننا زمان والفيلا واللي شافته هيخاف اكون موجود او حد تبعي يعرفها فبالتالي مش هيطلعها قدام حد
تطلعت له بشك ثم قالت بريبه
انا من رايي يا راشد كفايه علينا شغل في مصر لازم نهرب باسرع وقت
انا مش مرتاحه وعلى رايك انا بدات اقتنع فعلا ان السهوله اللي تمت بيها الشراكه بيننا وبين سالم متبشرش بالخير الموضوع اكبر ماأحنا نتخيل
قبل ان يرد عليها وجد هاتفه يصدح برقم خاص علم هويه المتصل دون تفكير
نظر لها بخوف ثم رد سريعا بأدب شديد
باشا….. اخبار حضرتك ايه انا مش مصدق نفسي انك بتكلمني والله
ابتسم الدبابه بجانب فمه ثم قال بصوت غليظ وبأمر لا يقبل النقاش
في شغل مهم لازم انت اللي تقوم بيه بنفسك ولا هينفع الورق المضروب اللي عامله للكواحيل بتوعك
ولا هينفع حد يقوم بيه غيرك
اللي اقوله يتنفذ بالحرف الواحد ولو حاجه حصلت غير اللي انا قلتلك عليه حياتك هتكون الثمن
اااااااه…… قول لابنك الصايع هو مش رايح ينام مع النسوان في امريكا
خليه يشوف شغله الناس بقالهم يومين بياخدوا منه ميعاد عشان يقابلوه والبيه بيفضل نايم طول النهار عشان مقضي طول الليل مع النسوان غير الخمره اللي لحست دماغه