شششششش…. اهدي وكفايه عياط
كلنا معاكي صدقيني محدش هيسيبك لوحدك ولا اصلا هنسمحلك تبقي لوحدك
بالنسبه لاختك فهي بقت امر واقع في حياتنا كلنا
مش بالغصب لا خالص
عشان هي حبيبه اخويا وماصدق قدر يخليها ملكه كل اللي مستنيه القضيه تخلص عشان يعلنها للدنيا بحالها
وانا واثق ومتاكد ان ابويا وامي ادام دخلوها بيتنا عمرهم ما هيطلعوا منه ثاني
انا معرفش ايه اللي في دماغهم او ابويا مرتبها ازاي بس اللي عارفو ان هما استحاله يوجعوا قلب ابنهم ويحرموه من حبيبته علشان حاجه مش في ايديها
اما انتي وياسر فانتوا كل عيله مرات اخويا حقكم علينا اننا نهتم بيكم وبمستقبلكم مينفعش واحد فيكم يضيع ولا واحد فيكم نسيبه للدنيا تنهش فيه
متفكريش ان الدنيا وردي او سهله ان بنت صغيره زيك تترمي فيها وتقول انا هوصل وهعمل….. عشان خاطري اهدي وبطلي عياط وكلنا معاكي
لأول مره في حياتها تشعر بتلك الراحه التي غمرتها حتى بكائها قد خف كثيرا لم يتبقى غير بضع شهقات متقطعه
ورغم عدم رغبتها في الابتعاد عن ذلك الحضن الدافئ الا انها قررت الابتعاد من نفسها قبل ان يبعدها هو
فصلت العناق بتمهل ثم نظرت له بعيون حزينه رغم توقف الدموع وقالت بتنهيده حاره خرجت من اعماق قلبها الصغير