نظرت له بذهول ثم قالت بعدم تصديق
إيه اللي بتقوله ده يا سالم حرام عليك…. إستحاله ده يحصل
تطلع لها بِغل شديد ثم قال
بالله عليكي يا شيخه بلاش طيبتك اللي هتجلطني دي انا معرفش إزاي مش عارفه إبنك الصايع ده…..ده لف البت على صباعه الصغير
من غير حتى ميقولها بحبك ولا عايزها
ماااااشي يا تميم ….الأيام بينا و هعرف أعيد تربيتك من جديد
ألقى السلام عليها ببرود كما إعتاد مُنذ ذلك الموقف العصيب الذي عاشه معها
كاد أن يتحرك نحو غُرفته إلا أنه وقف مكانه بعدما سمعها تقول
جايدن….. عايزه أتكلم معاك شويه مُمكن
كتم داخله بصعوبه تنهيد حاره كانت ستفشي عن مدى إشتياقه لها
إلتف بجسدهِ ثم جلس على أقرب مقعد وقال
و مالو …. إتفضلي أنا سامعك
عايزه أشتغل
نظر لها بإستغراب ثم قال
تشتغلي…. تشتغلي إيه وليه أصلاً إنتي ناقصك حاجه أو طلبتي حاجه وأنا مجبتهاش
تنهدت بِهَم ثم قالت و هي تجلس قِبالته
مش دي الفكره ولا أنا قُلت إني ناقصني حاجه
أنا زهقت من قعدة البيت والخروجات اللي ملهاش أي معنى
بخرُج وبتمشى وبرجع نفس الروتين اللي بيحصل كل شويه
أنا إتعودت على الشغل والصراحه مش حابه حياتي تبقى فاضيه كده
لو ممكن تشوفلي أي حاجه أشتغلها في أي مكان هَكون شاكره ليك