وقتها وقف في حيره شديده يصعد لها ويخبرها أنه يعلم بتلك المجهوله أم يكتم غضبه وغيظه منها ويستمر في تلك اللعبه التي أصبحت تعجبه كثيرا
تحكم في إنفعالاته ثم جلس على أقرب مقعد وكتب لها
– إهدي بس وفهميني في إيه وبعدين مش عيب بنوته حلوه زيك تقول الألفاظ دي
– أهدى إيه بس وبعدين أنا مغلطتش فيه…. هو فعلا برأس حمار
– لو يعرف اللي جوايا ليه عمره مهيعمل فيا كده
– طب ليه متقوليلوش… أو حتى تحاولي تقربي منه عشان يحس باللي جواكي
– ما هو هيعرف إزاي وإنتي مخبيه كل حاجه
ردت علي بحزن شديد
– مينفعش…. لأنه بيحب غيري
– ودي حاجه وجعاني لأ….ده أنا مدبوحه منها
– مقدرش أقرب منه عشان ميخُدنيش مجرد مسكن ينسي بيه حبيبته
– أو أكون بفرض نفسي عليه مش هقبلها على نفسي أبداً
أشعل سيجاره بعد أن جذبته تلك الكلمات التي إستغربها
كتب بإهتمام شديد
– يعني هو لسه مع حبيبته…. كده إنتي اللي هتتعبي ماهو أكيد هيرتبط بيها
– لأااا…. محصلش نصيب بينهم… إنفصلوا من فتره
– طب ما دي فرصتك عشان تاخدي مكانها إنتي هبله يا بت ولا ايه
شعرت بالغيظ الشديد من تلك الكلمات فقالت بتسرع
– وربنا ما في حد أهبل غيرك…. أنا عمري ما أخد مكان حد