يا دوب هيكون فاضلها يومين على الإمتحان
ننننننعم …. هكذا صرخ بِغِل شديد ثم أكمل برفض تام
– إنت عايزني أقعد شهر ونص محبوس في البيت
متهزرش يا بابا الكلام ده مينفعش وإنت عارف
اللي هو إزاي يعني شهر ونص إيه يا جدعان اللي هقعدوا في البيت متحركش
أمسكه فؤاد ثم سحبه بعيدا عن التجمع وحينما وقفا جانبا قال بمُزاح يقصُده جيدا
– في إيه ياوحش…. دي حته عيله ولا راحت ولا جت
خايف ليه من قعدتك معاها
نظر له بغل شديد ثم قال بتكبر
– أخاف من مين يا فؤش ده إنت مربيني وعارفني كويس
بس الفكره إن مينفعش…. إيه اللي يجبرني أحبس نفسي
شهر ونص بحاله بين أربع حيطان عشان خاطر الهانم
تطلع له فؤاد بقوه ثم قال بجديه شديده
– ما هو عشان أنا اللي مربيك…. وعشان أنا عارفك كويس بقولك إنك خايف
من أول ماجيت إنهارده كل ما أبُصلك بلاقيك تايه
مش تميم اللي أعرفه…. ومش بُعدك عن ساره هو اللي متوهك
أقطع ذراعي لو ما كنت إنشغلت عن قصتها الأيام اللي فاتت
مبقولش نِستها بس في حاجه بتشدك غصب عنك
إنت نفسك مش فاهمها ولا عارف هي إيه
عشان كده عمال تخبط في الكل وتحدف دبش من غير ما تحس
نظر له بذهول يملأهُ الحيره ثم قال بصدق
– عندك حق في كل كلمه مش هنكر