في خطر على أُختي أرجوك قولٍي متخوفنيش لو كده مش هسافر
نظر لها بحنو ثم قال
– متخافيش يا حبيبه ابوكي…. كل الحكايه إن سما مبتخرجش من البيت
ومتعرفش أي حاجه هنا….. وكده كده تميم أخذ أجازه من شغله
فبدل ميقضيها صياعه وصرمحه ياخذ باله من أُختك وأهو يذاكرلها عشان إمتحانها اللي قرب
يا نهار اسود …يا نهار منيل بستين نيله. …. يا خيبتك القويه يا سما…. هتُقعدي إنتي وهوَ ففيلا طويله عريضه لوحدكم
والمُصحف ماهيعدي يوم غير ومخليني حامل في توأم زي أُختي
طب أنا همسك نفسي إزاي… يا لهوي يا لهوي….أحييييه عليا و علي سنيني السوده
هكذا كانت تصرخ داخلها بعد أن سمعت هذا الخبر الصادم
أما تميم نظر لأبيه بعدم فهم وقال كالمختل
– مش فاهم قصدك يا بوب…. يعني إحنا هنسافر كلنا مع عدي ؟
طب وليه ..نكتم على نفسهم ما نسيبهم ياخدوا راحتهم في شهر العسل
وإنت لو حابب نطلع شرم ولا الغردقه أي مكان يعني مش هتفرق
أطلق سالم ضحكات ماكره ثم قال بخبث شديد
– أنا مش هكبس على نفس حد يا حبيب ابوك….
أنا نازل في أوتيل تاني خالص غير اللي هما نازلين فيه
وبعدين مين اللي هيسافرو…… بقولك هنسافر أنا وأُمك وأخوك وعروسته
إنت قاعد هنا يا حبيبي تهتم بسما ومذاكرتها عشان على بال ما نرجع ….