و فالعموم انا هكمل جميلي معاك
سأله سالم بعدم فهم
يعني ايه …مش فاهم
إوعي تعمل حاجه من ورايا
ابتسم و قال
اكيد كنت هقولك يا باشا متقلقش
فاروق اخويا غالي عندي اوي مقدرش ازعل حد تبعه ….اتطمن …هتعيش مرتاح مع ولادك
مضي شهر علي ماحدث قضوه في ترقب و حمايه مكثفه للفتيات
اصبحت سما لا تغادر الفيلا مطلقا حتي أن سالم احضر لها معلمين كي لا تضطر للخروج
رفضت و صمتت علي متابعه الفيديوهات التعليميه الا انه كان اكثر تصميما نظرا لاقتراب الاختبارات
دلف في نفس الوقت الذي كانت تحرك عنقها يمينا و يسارا من شده الإرهاق
يجلس امامها شاب في اوائل الثلاثينات ينظر لها باعجاب شديد
ابتسم لها و قال بلطف
تعبتي يا سما انهارده بس أنجزنا ….تحبي تريحي شويه
ابتسمت له بهدوء ثم قالت بمزاح
لسه فاكر يا مستر …بقالك تلات ساعات مفصلتش كتر خيرك و الله
وقف بعيدا يتابع المشهد بغيظ لكنه شعر بالغضب حينما وجد الشاب يقول بصراحه
انتي اصلا شاطره و ذكيه …بتجبري المدرس انه يطلع احسن ماعنده
لما الطالب يكون شاطر بيشجع المدرس ….و لما تكون بنوته قمر شبهك كده بيتشجع اكتر
بمنتهي الهدوء الظاهري تقدم منهم حينما رأي وجنتيها اصبحا غايه في الاحمرار