– ولا أي حاجه هو الحمار ينفع يتعمل معاه حاجه
– كبر دماغك وإعتبرني مقُلتلكش حاجه إنت بقى عامل إيه
جز على اسنانه بغيظ شديد لكنه تحكم في نفسه بصعوبه حتى لا يتجه إليها ويبرحها ضربا
إنتظر بعض الدقائق يفكر مليا ثم سألها بجديه
– إنتي بتحبيه بجد…. ولا مجرد إعجاب أو عشان واحد عاندك وخلاص لقيتي نفسك مشدوداله وعايزه وعايزه تكسبي التحدي
هزت رأسها بيأس من ذاك الغبي ثم كتبت بجديه شديده
– هو أنا حاسه إني بقيت أقولها كتير
– بس هقولهاك تاني….. أنا عايشه الحب يا تميم مش مجرد واحده بتحب وخلاص
سألها بلهفه
– عَيشاه إزاي يا بنتي مش بتقولي إنه ميعرفش أصلا إنك بتحبيه
اخذ يخفق قلبه بشده وهو يقرأ تلك الحروف التي أنار من بينها عشق تلك الصغيره له
– أنا شرحتلك الفرق بين الإثنين بس تقريبا إنت مفهمتوش
– لو بحبه بس ممكن أنسى وممكن أكمل وممكن تفاصيل في حياته كثير تقع مني مخدش بالي منها
– لكن أنا بتنفسُه يا تميم…. لما بشوف وجعه ببقى هموت وأسحبه من جواه
– لما بشوفه فرحان قلبي بيرقص من جوايا
– ولما بشوفه حيران بتمنى أخدُه في حُضني وأطمنه….. أطبطب على قلبه
– اقُوله متخافش أنا معاك
– يعني تقدر تقول إن أنا عايشه معاه كل حالاته رغم إنه أساسا مش شايفني