تكنيك وااكل وهدوء وبيت نضيف
هنيالج رهف بعد شتريدين
رواية 120 كيلو الفصل العاشر 10 بقلم جمانه السعيدي – للقراءة المباشرة والتحميل pdf
رهف…كلت بكلبي هاي بدون احساس شلون بيه
مراح تفك مني ياخه صوجي اني رجعت العلاقه بينا
بس استحي مااعرف شلون امنعها تطلع منا وبعد ما تجي
هلمره طلعت وبقت اربع ايام ماكووو ماجتني
كلت هاي هي رجعت للمدرسه بعد ما تجيني تجي تعبانه تنام
بعد ماعدها وقت تجيني
اليوم الي بعده مااحس غير دكت الباب فتحته طلعت هي
بس شفتها ضجت حيل اهوووو شلون وياها هاي
دخلت كالت عطشانه اريد مي
رحت اجيبلها مي شربت مي وكالت اشتاقيتلج
رهف ..مارديت عليها
كعدت تقريبا ساعه اني عفتها ورحت للمطبخ
قبل أذان المغرب بشويه طلعت اني ماشفته من طلعت بس سمعت الباب انطبك عرفت هي طلعت
مااحس اله عصام فوك راسي
عصبي وعيونه يطير منهن شرار
دخل كبل للهول دنك يباوع جوه القنفه
طلع بيده تليفون
التليفون عبالك واحد وكاله هنا تليفون
لان اجا على مكانه بلضبط
عصام…بعصبيه شنو هذا احجي شنو هذا
رهف…تليفون شنو يعني تليفون بس انت ليش عصبي
هذا التليفون ماشايفته قبل
ألمن الك هذا التليفون
عصام.. تسوين نفسج غشيمه هذا تليفونج
تخابربن بي حبيبج موووو والمراسلات يمتى كولي
من اطلع من البيت جم مره نمتي ويااا احجي