كمت اطلع واشتغل بلبيت اطبخ واخبز العب ويا جهال اخوني اقريهم اذا عدهم دروس
قررو ياخذون نسوانهم وياهم للكاع
لان همه يطلعون من صلاة الفجر ويرجعون المغرب
عدهم تيوتا حمل زغيره قديمه من وكت ابوي
يخلصون بيها شغلهم
ياخذون نسوانهم وياهم يساعدنهم
هاي التويوتا يخلصون بيها شغلهم كله
من هذا الي بيتنا يعني يبعون عجل لو هايشه
لو كثرن النعجات يبيعون منهم
الدجاجات يعني هاي السياره استخدام يومي
يخلصون بيها شغلهم
قبل أربع اشهر الله مكنهم وكدرو يشترون هاي الكاع
جمانه السعيدي
هاي الكاع الجديده الي اشتروها بيها بيت طين
يكعدون يرتاحون بي
يطلعون الفجر هما ونسوانهم وياخذون وياهم متاع
خاف يجوعون
تمر وجاي وخبز ولباقي من الكاع
الخيار والطماطه هما زارعيهن بلكاع
مرات ياخذون زبد عرب ودهن حر وياهم يتغدون بي
نتريك كلنا اخواني يطلعون للكاع هما ونسوانهم
واني ابدل للجهال يرحون للمدارس
اعجن واطبخ غده
واروح للمحصار كتلكم قطعه بصف بيتنا احنا