وضلت كاعده وتغلط عليه
تغلط عليه ميخالف بس من سبت اهلي انهضمت
كمت ابجي اهلي ميتين ليش تسبهم
هما مالهم علاقه
أحقر شي من انسان تافه وبلا قيمه
يتسلط عليك ليش ياربي وحده مثل هاي تتسلط عليه
لو اهلي موجودين جان اني هسه كاعده بيت اهلي محترمه
ومحد.يكدر يقرب عليه
راحت العصام حتى تقنعه يعوفني ويخطب شكران
عصام…اي تفضلي
خالتي…انت من كل عقلك جاي تخطب هاي الهايشه
هاي تاكل اكثر ما تتنفس وبلمدرسه كل سنه راسبه
ولا عدها اهل حتى تعاتبهم اذا غلطت بحقك
خالتي…شنو عاجبتك انت شايفها زين
عصام…شبيها تخبل اول مره اشوف وحده هلكد حلوه
والي زاد جمالها ادبها وخجلها وحشمتها
وعمها الي سمعته مثل الذهب بين الناس
لا تشوفها هيج ترا هاي حيه
أخذلك وحده نازكه وضعيفه تطلع وياها كدام الناس وما تخجل منها
عصام…وليش أخجل منها شبيها
خالتي…يااا انت شبيك ماتشوفها شلون سمينه
عصام..شنو السمن صار عيب لو ذنب الناس تتحاسب علي
يعني اني اذا سمين وتقدمة الوحده ترفضني بسبب سمني